Flight Tickets: సమ్మర్ వెకేషన్.. విమాన ఖర్చులు తగ్గించుకోవడం ఎలా?

Flight Tickets

Flight Tickets: సమ్మర్ వెకేషన్ కి చాలా వీలుగా ఉంటుంది. పిల్లలకు పాఠశాలలు సెలవులు ప్రకటిస్తారు. ఉద్యోగులు సైతం సెలవులు తీసుకుని ఎక్కడికైనా వెకేషన్ కి ప్లాన్ చేస్తుంటారు. సూర్యభగవానుడి ప్రతాపం నుండి తప్పించుకునేందుకు చల్లటి ప్రదేశాలకు వెళ్లేందుకు ఇష్టపడతారు. అయితే వెకేషన్ కి బస్సుల్లో, రైలులో వెళ్లడం వల్ల సమయం వృథా అవుతుంది. అందుకే ప్రయాణికులు విమానాల్లో ప్రయాణిస్తుంటారు. దీని వల్ల సమయం, శ్రమ రెండు తగ్గుతాయి. అయితే విమానాల్లో ప్రయాణించాలి అంటే ఖర్చుతో కూడుకున్నది. మరి విమానాల్లో ప్రయాణిస్తూ ఖర్చుని తగ్గించుకునే కొన్ని చిట్కాలను ఇప్పుడు తెలుసుకుందాం.

వేసవి సెలవులు ప్రారంభం కానున్నాయి. వేడిమి నుండి ఉపశమనం పొందేందుకు చాలా మంది కులు, మనాలి, సిమ్లా మొదలైన చల్లని ప్రదేశాలకు వెళ్లాలని ప్లాన్ చేసుకుంటారు. కానీ విమాన ధరల కారణంగా వెనుకడుగు వేస్తుంటారు. దానికి ప్రత్యామ్నాయంగా రైలులో ప్రయాణించడానికి మొగ్గుచూపుతున్న పరిస్థితి. రైలు ప్రయాణం చౌకగా ఉంటుంది. మధ్యతరగతి వారికీ ఇది చాలా అనుకూలంగా ఉంటుంది. కానీ చాలా సమయం వృధా అవుతుంది.

విమాన ఖర్చులను తగ్గించుకునేందుకు నిర్ణీత ప్రయాణ తేదీ కంటే 6 నుంచి 7 వారాల ముందుగానే టికెట్ బుక్ చేసుకోవాలి. దాంతో టిక్కెట్ ధరలు తగ్గే అవకాశాలు ఉన్నాయి. టిక్కెట్లను బుక్ చేసుకునే ముందు ఎయిర్‌లైన్ కంపెనీల వెబ్‌సైట్‌ను ఒకసారి తనిఖీ చేయండి. చాలా సార్లు టికెట్ బుకింగ్‌పై కంపెనీలు డిస్కౌంట్ ఆఫర్లు ఇస్తుంటాయి. అటువంటి పరిస్థితిలో ఈ తగ్గింపులను సద్వినియోగం చేసుకోవచ్చు. వారాంతాల్లో కాకుండా పని దినాల్లో టిక్కెట్లు బుక్ చేసుకోవడం వల్ల ఖర్చు చాలా వరకు తగ్గుతుంది. కాబట్టి, సోమవారం నుండి గురువారం వరకు మీ ప్రణాళికలను రూపొందించడానికి ప్రయత్నించండి మరియు తదనుగుణంగా మీ టిక్కెట్లను బుక్ చేసుకోండి. మనలో చాలా మంది ఒక సైట్‌కి వెళ్లి ఒకటి లేదా రెండు సైట్‌లను తనిఖీ చేసిన తర్వాత బుక్ చేసుకుంటారు. అయితే బుకింగ్ చేసుకునే ముందు వీలైనంత వరకు వివిధ కంపెనీల సైట్లను చెక్ చేసుకోవాలి. అటువంటి పరిస్థితిలో చౌక ధరల టిక్కెట్ల గురించి తెలుసుకోవచ్చు.

Read More: Heatwave Alert: బీ కేర్ ఫుల్.. మూడు రోజులు ఎండలే ఎండలు!

Follow us