Henna: హెన్నాలో ఇది ఒక్కటి కలిపి ఉపయోగిస్తే చాలు.. జుట్టు అందంగా పొడవుగా పెరగడం ఖాయం!

చాలామంది జుట్టు కోసం హెన్నా ను ఉపయోగిస్తూ ఉంటారు. తెల్ల జుట్టు కనిపించకుండా ఉండడం కోసం ఉపయోగిస్తే మరి కొందరు జుట్టు పెరగడం కోసం కూడా ఉపయోగిస్తూ ఉంటారు. గోరింటాకు చేతులను ఎర్రగా చేయడమే కాకుండా ఇది మన జుట్టుకు కూడా ఎంతో ఉపయోగకరంగా ఉంటుందట. అయితే చాలా మంది తలకు హెన్నాను పెట్టుకుంటుంటారు. ఇది తెల్ల వెంట్రుకలను, గ్రే హెయిర్ ను కనిపించకుండా చేస్తుంది. కానీ హెన్నా ఇంతకు మించి మన జుట్టుకు మేలు చేస్తుందన్న విషయం చాలా మందికి తెలియదు. హెన్నాలో పొటాషియం, కాల్షియం, ఐరన్, మెగ్నీషియం, మాంగనీస్, ఫాస్పరస్ లు పుష్కలంగా ఉంటాయి. ఇది తెల్ల వెంట్రులకు రాకుండా ఆపడమే కాకుండా జుట్టుకు ఎంతో మేలు చేస్తుంది. అయితే హెన్నా హెయిర్ గ్రోత్ కు కూడా సహాయపడుతుందట.

హెన్నాతో జుట్టు పెరగాలంటే మాత్రం అందులో కుంకుడు కాయను కలపాలని చెబుతున్నారు. అవును హెన్నాలో కుంకుడు కాయను కలిపి పెడితే జుట్టు ఫాస్ట్ గా పెరగడమే కాకుండా జుట్టుకు సంబంధించిన ఎన్నో సమస్యల నుంచి బయటపడవచ్చట. అయితే కుంకుడు కాయ, గోరింటాకును కలిపి జుట్టుకు పెడితే ఏం జరుగుతుందో ఇప్పుడు మనం తెలుసుకుందాం.. జుట్టును మృదువుగా, అందంగా, షైనీగా, పొడవుగా మార్చడానికి కుంకుడు కాయ బాగా సహాయపడుతుందట. కుంకుడు కాయ నేచురల్ కండీషనర్ గా కూడా పని చేస్తుందట. పొట్టి జుట్టు ఉన్నవారు జుట్టు పెరగడానికి దీనిని ఉపయోగించవచ్చు.

ఇది జుట్టును పొడుగ్గా పెంచడంలో చాలా ఎఫెక్టీవ్ గా పనిచేస్తుందట. హెన్నా, కుంకుడు కాయ రెండింటిలో యాంటీ ఆక్సిడెంట్లు ఎక్కువ మొత్తంలో ఉంటాయి. ఇవి మన జుట్టును ఆరోగ్యంగా ఉంచుతాయట. జుట్టు సమస్యలను చాలా వరకు తగ్గిస్తాయట. అయితే మెహందీని, కుంకుడు కాయ రెండింటినీ కలిపి జుట్టుకు పెడితే జుట్టు ఫాస్ట్ గా పెరగడం స్టార్ట్ అవుతుందట. అంతేకాదు ఈ రెండు మన జుట్టును ఆరోగ్యంగా ఉంచడానికి కూడా ఉపయోగపడతాయట. హెన్నాను, కుంకుడుకాయను కలిపి వాడితే ఎంత పొట్టిగా ఉన్న జుట్టు అయినా పొడుగ్గా పెరుగుతుందట. ఇందుకోసం ఒక గిన్నెలో ఒక టీ స్పూన్ కుంకుడుకాయ పౌడర్ ను తీసుకొని,దీనిలో 3 టేబుల్ స్పూన్ల గోరింటాకు పొడిని వేసి బాగా కలపాలి. దీనిలో నీళ్లు పోసి చిక్కటి పేస్ట్ లా తయారు చేయాలి. రాత్రంతా ఈ పేస్ట్ ను అలాగే ఉంచి, ఉదయం తర్వాత మీరు ఎప్పుడైనా ఈ పేస్ట్ ను జుట్టుకు అప్లై చేయవచ్చు. అయితే దీన్ని జుట్టుకు పెట్టుకున్న తర్వాత 20 నుంచి 30 నిమిషాల పాటు అలాగే ఉండాలట. ఆ తర్వాత జుట్టును నీళ్లతో శుభ్రం చేయాలి. ఈ హెయిర్ ప్యాక్ ను ఉపయోగించడం వల్ల మీ జుట్టు మృదువుగా, షైనీగా మారుతుంది. ఈ మెహందీ కుంకుడుకాయ హెయిర్ ప్యాక్ ను జుట్టుకు నెలకు 2 సార్లు మాత్రమే పెట్టాలని చెబుతున్నారు.