Bomb Blast In Bengal: పశ్చిమ బెంగాల్లో బాంబు పేలుడు.. టిఎంసి కార్యకర్త దుర్మరణం
పశ్చిమ బెంగాల్లోని బీర్భూమ్ జిల్లా మార్గ్రామ్ గ్రామంలో బాంబు పేలుడు (Bomb Blast) సంభవించింది. ఈ ప్రమాదంలో ఒక టీఎంసీ కార్యకర్త మృతి చెందగా, ఇద్దరు వ్యక్తులు గాయపడినట్లు సమాచారం. మృతుడి పేరు న్యూటన్ షేక్.
- Author : Gopi
Date : 05-02-2023 - 9:16 IST
Published By : Hashtagu Telugu Desk
పశ్చిమ బెంగాల్లోని బీర్భూమ్ జిల్లా మార్గ్రామ్ గ్రామంలో బాంబు పేలుడు (Bomb Blast) సంభవించింది. ఈ ప్రమాదంలో ఒక టీఎంసీ కార్యకర్త మృతి చెందగా, ఇద్దరు వ్యక్తులు గాయపడినట్లు సమాచారం. మృతుడి పేరు న్యూటన్ షేక్. ఇతను టీఎంసీకి చెందిన లాలూ షేక్ సోదరుడు. ఈ సమయంలో లాలూ షేక్ పరిస్థితి కూడా విషమంగా ఉంది. అతన్ని సిసియులో చేర్చారు.
స్థానిక సమాచారం ప్రకారం.. శనివారం రాత్రి 10 గంటల తర్వాత ఒక్కసారిగా పేలుడు శబ్దం వినిపించింది. ఘటనా స్థలానికి చేరుకున్న జనం ఒక్కసారిగా గందరగోళ వాతావరణం నెలకొంది. ఒకరు మృతి చెందగా, ఇద్దరు తీవ్రంగా గాయపడ్డారు. ప్రస్తుతానికి పేలుడు స్థలంపై పోలీసు బలగాలు దర్యాప్తు చేస్తున్నాయి. శనివారం కూడా బీర్భూమ్ సమీపంలోని క్యానింగ్ ప్రాంతంలోని గోల్బారి మార్కెట్లో పోలీసులు ఒక బాంబును స్వాధీనం చేసుకున్నారు. మార్కెట్లో బాంబు పడి ఉండటాన్ని స్థానికులు చూశారు. అనంతరం పోలీసులకు సమాచారం అందించారు. ఘటనా స్థలానికి చేరుకున్న పోలీసులు బాంబును స్వాధీనం చేసుకున్నారు. అదే సమయంలో అక్కడి నుంచి ఓ పిస్టల్, ఆరు బుల్లెట్లు కూడా పోలీసులకు లభించాయి. ఈ కేసులో పోలీసులు పలువురిని అదుపులోకి తీసుకుని ప్రశ్నిస్తున్నారు.
Also Read: China Balloon: చైనా గూఢచారి బెలూన్ను కూల్చిన అమెరికా
ఒక టిఎంసి నేత బాంబు పేల్చి చంపడం ఇదే మొదటిసారి కాదు. గత ఏడాది మార్చిలో కూడా బీర్భూమ్లో జరిగిన బాంబు దాడిలో TMC పంచాయితీ నాయకుడు బదు ప్రధాన్ మరణించారు. రాంపూర్హాట్లోని బగ్తుయ్ గ్రామంలో కొందరు దుండగులు పెట్రోల్ బాంబులను ఉపయోగించి కొన్ని ఇళ్లను తగులబెట్టారు. ఈ ఘటనలో ఎనిమిది మంది మృతి చెందారు.
Follow us
