Rajouri Encounter: వీరమరణం పొందిన ఐదుగురు జవాన్లు వీరే.. ఒక ఉగ్రవాదిని హతమార్చిన భద్రతా బలగాలు

జమ్మూకశ్మీర్‌లోని రాజౌరీలోని కంది అడవుల్లో (Rajouri Forest) భద్రతా బలగాలు (Army Jawans), ఉగ్రవాదుల (Militants) మధ్య ఎదురుకాల్పులు కొనసాగుతున్నాయి. శుక్రవారం జరిగిన ఉగ్రదాడిలో భద్రతా బలగాలకు చెందిన ఐదుగురు జవాన్లు వీరమరణం పొందారు. మరోవైపు బారాముల్లాలోని కర్హమా కుంజర్ ప్రాంతంలో భద్రతా బలగాలు ఒక ఉగ్రవాదిని హతమార్చాయి. ఇతర ఉగ్రవాదుల ఆచూకీ కోసం గాలింపు చర్యలు కొనసాగుతున్నాయి. మే 3 నుండి రాజౌరి ప్రాంతంలో సెర్చ్ ఆపరేషన్ కొనసాగుతోంది.

ఆ తర్వాత ఉగ్రవాదులు మెరుపుదాడి చేసి పేలుళ్లు జరిపారు. ఇందులో 5 మంది సైనికులు వీరమరణం పొందారు. ప్రస్తుతం ఈ ప్రాంతంలో ఇంటర్నెట్ సేవలను నిలిపివేశారు. పాకిస్థాన్, చైనా సహా పలు దేశాల విదేశాంగ మంత్రులు ఎస్‌సీఓ సమావేశానికి భారత్‌కు హాజరైన సమయంలో ఈ దాడి జరిగింది. అందుకే దీన్ని పాకిస్థాన్ పెద్ద కుట్రగా కూడా చూస్తున్నారు. భద్రతా దళాలకు సంబంధించిన ఆధారాలను విశ్వసిస్తే ఈ ఉగ్రవాదులు పూంచ్‌లో ఆర్మీ ట్రక్కుపై దాడికి పాల్పడ్డారు. భద్రతా బలగాలు వారిని పూర్తిగా చుట్టుముట్టాయి. అయితే ఈ ఉగ్రవాదుల పేలుళ్లలో 5 మంది ఆర్మీ జవాన్లు వీరమరణం పొందారు.

#BaramullaEncounterUpdate: 01 #terrorist killed. Search #operation going on. Further details shall follow.@JmuKmrPolice https://t.co/55USCD2KVP

— Kashmir Zone Police (@KashmirPolice) May 6, 2023

Also Read: Manipur: మణిపూర్ హింసాకాండలో ఇద్దరు అధికారులు మృతి

వీరమరణం పొందిన ఐదుగురు జవాన్లు వీరే

– లాన్స్ నాయక్ రుచిన్ సింగ్ రావత్ s/o రాజేంద్ర సింగ్, గ్రామం- కునిగర్, తహసీల్ గైర్సైన్, ఉత్తరాఖండ్
– పారాట్రూపర్ సిద్ధాంత్ ఛెత్రి s/o ఖరక్ బహదూర్, P.S. పుల్బజార్, జిల్లా- డార్జిలింగ్ (పశ్చిమ బెంగాల్)
– నాయక్ అరవింద్ కుమార్ S/o ఉజ్వల్ సింగ్, గ్రామం- సూరి (చట్టియాలా), PS- మర్హూన్, తెహసిల్- పాలంపూర్, జిల్లా- కాంగ్రా (హిమాచల్ ప్రదేశ్)
– హవల్దార్ నీలం సింగ్ S/o గుర్దేవ్ సింగ్, గ్రామం- దల్పత్, PS- జౌరియన్, అఖ్నూర్ జిల్లా-జమ్ము (జమ్మూ & కాశ్మీర్)
– పారాట్రూపర్ ప్రమోద్ నేగి s/o దేవిందర్ సింగ్ నేగి, గ్రామం – షిల్లై, జిల్లా – సిర్మౌర్ (హిమాచల్ ప్రదేశ్)