Nitish Kumar : ఎన్టీయేకి దూరంగా బీహార్ సీఎం?
ఎన్టీయేకు బీహార్ సీఎం నితీష్ కుమార్ దూరం జరుగుతున్నట్టు కనిపిస్తోంది.
- By CS Rao Published Date - 05:30 PM, Sat - 6 August 22
ఎన్టీయేకు బీహార్ సీఎం నితీష్ కుమార్ దూరం జరుగుతున్నట్టు కనిపిస్తోంది. నెల వ్యవధిలో రెండోసారి ప్రధాన మంత్రి సమావేశానికి నితీష్ డుమ్మా కొట్టారు. ఢిల్లీలో జరిగే నీతి ఆయోగ్ గవర్నింగ్ కౌన్సిల్ సమావేశానికి రావడంలేదని ఆ పార్టీ వెల్లడించింది. సీఎంలకు మాత్రమే ఈ మీటింగ్ ను ప్రధాని నరేంద్ర మోడీ ఆధ్వర్యంలో ఏర్పాటు చేయడం జరిగింది. ఢిల్లీలో సోమవారం ప్రధాని అధ్యక్షతన జరగనున్న నీతి ఆయోగ్ సమావేశానికి బీహార్ నుంచి ప్రతినిధులెవరూ లేరని తెలుస్తోంది.
కోవిడ్-19 నుండి ఇప్పుడే కోలుకున్న నితీష్ కుమార్ తన డిప్యూటీని పంపాలని అనుకన్నారు. కానీ, ఆ కార్యక్రమం ముఖ్యమంత్రులకు మాత్రమే అంటూ కండిషన్ ఉండడంతో బీహార్ నుంచి ప్రతినిధులు ఎవరూ హాజరు కావడంలేదు. అయితే, ముఖ్యమంత్రి నితీష్ సోమవారం జనతా దర్బార్ను నిర్వహించబోతున్నారు. ఆరోగ్యం, ఇతరత్రాల కారణంగా గత కొన్ని వారాలుగా రద్దు చేయబడిన ఈవెంట్ను తిరిగి ప్రారంభిస్తారని తెలిసింది.
రాష్ట్ర అభివృద్ధి ర్యాంకింగ్స్లో బీహార్ను అట్టడుగున ఉంచిన నీతి ఆయోగ్పై కుమార్ చాలా కాలంగా అసంతృప్తిగా ఉన్నారు. అంతేకాదు, గత నెలలో, పదవీ విరమణ చేసిన రాష్ట్రపతి రామ్ నాథ్ కోవింద్కు, రాష్ట్రపతి ద్రౌపది ముర్ము ప్రమాణ స్వీకారానికి ప్రధాని మోడీ ఇచ్చిన విందుకు కూడా ఆయన. దూరంగా ఉన్నారు. కేంద్ర హోంమంత్రి అమిత్ షా పిలిచిన ముఖ్యమంత్రుల సమావేశానికి కూడా డిప్యూటీ సీఎంను పంపారు.
2019 అసెంబ్లీ ఎన్నికల్లో బీజేపీ మెరుగైన పనితీరు కనబరిచినప్పటికీ, నితీష్ కుమార్ ముఖ్యమంత్రిగా తిరిగి బాధ్యతలు తీసుకున్న కొన్ని రోజులకు బీజేపీతో నితీష్ కుమార్ విభేదాలు మొదలయ్యాయి. ఇప్పుడు, అగ్నిపథ్ పథకం, కుల గణన, బిజెపికి చెందిన బీహార్ అసెంబ్లీ స్పీకర్ విజయ్ కుమార్ సిన్హాతో కుమార్ పోటీ పడడంతో పాటు రెండు పార్టీల మధ్య వాగ్వాదం దాదాపు సాధారణ వ్యవహారంగా మారింది.
Related News
PM Modi Vs Rahul Gandhi : ప్రధాని మోడీ, రాహుల్గాంధీ ప్రసంగాలపై ఈసీ నోటీసులు
PM Modi Vs Rahul Gandhi : రాజస్థాన్లో ఇటీవల జరిగిన ఎన్నికల ప్రచార సభలో ఓ వర్గాన్ని లక్ష్యంగా చేసుకొని వివాదాస్పద వ్యాఖ్యలు చేసిన ప్రధానమంత్రి నరేంద్రమోడీకి కేంద్ర ఎన్నికల సంఘం నోటీసులు జారీ చేసింది.