NRI Marriages : ఎన్నారైతో పెళ్లికి రిజిస్ట్రేషన్‌ తప్పనిసరి.. లా కమిషన్ సిఫార్సులివీ

NRI Marriages : ప్రవాస భారతీయులు(ఎన్నారైలు), ఓవర్సీస్ సిటిజన్‌షిప్ ఆఫ్ ఇండియా (ఓసీఐ)లతో జరిగే పెళ్లిళ్లు అన్నింటినీ తప్పనిసరిగా రిజిస్టర్ చేయాలని కేంద్ర న్యాయ శాఖకు లా కమిషన్ సిఫార్సు చేసింది. ఎన్‌ఆర్‌ఐలు, భారత సంతతికి చెందిన విదేశీ పౌరుల మధ్య.. భారతీయ పౌరుల మధ్య దేశాంతర వివాహాల వల్ల తలెత్తే చట్టపరమైన సమస్యలు పెరిగాయని లా కమిషన్ తెలిపింది. ఎన్నారైలు, ఓసీఐలతో జరిగే పెళ్లిళ్లకు సంబంధించిన మోసాలకు చెక్ పెట్టేందుకు సమగ్ర చట్టాన్ని రూపొందించాలని కేంద్రానికి లా కమిషన్ సూచించింది. దీనికి సంబంధించి జస్టిస్ (రిటైర్డ్) రీతూ రాజ్ అవస్థి నేతృత్వంలోని లా కమిషన్ ఒక నివేదికను సమర్పించింది.

We’re now on WhatsApp. Click to Join

లా కమిషన్ నివేదికలో ఏముంది ?

ఎన్నారైలు, ఓసీఐలతో జరిగే పెళ్లిళ్లకు(NRI Marriages) సంబంధించిన మోసాలకు చెక్ పెట్టేందుకు సమగ్ర చట్టాన్ని తీసుకురావడం అవసరమని లా కమిషన్ తెలిపింది. ప్రతిపాదిత చట్టంలో విడాకులు, జీవిత భాగస్వామి సంరక్షణ, పిల్లల నిర్వహణ,  భరణం, ఎన్‌ఆర్‌ఐలు, ఓసీఐలకు సమన్ వారెంట్ల జారీతో ముడిపడిన నిబంధనలను చేర్చాలని కోరింది. వైవాహిక స్థితిని ప్రకటించడం తప్పనిసరి చేయడానికి పాస్‌పోర్ట్ చట్టం 1967లో అవసరమైన సవరణలు చేయాలని కూడా లా కమిషన్ సిఫార్సు చేసింది. ఇది ఒక జీవిత భాగస్వామి యొక్క పాస్‌పోర్ట్‌లను మరొకరితో లింక్ చేయడం , భార్యాభర్తలిద్దరి పాస్‌పోర్ట్‌లపై వివాహ రిజిస్ట్రేషన్ నంబర్‌ను ప్రస్తావించాలని తెలిపింది.

Also Read : Gruha Jyothi : ‘గృహజ్యోతి’కి ఆ కార్డు​ తప్పనిసరి.. ఫ్రీ కరెంట్ కావాలంటే ఇలా చేయండి

మహిళా కమిషన్‌ల సహకారంతో..

భారతదేశంలోని మహిళా కమిషన్‌ల సహకారంతో ప్రభుత్వం.. విదేశాల్లోని ఎన్‌జీఓలు,  భారతీయ సంఘాల సహకారంతో ఎన్‌ఆర్‌ఐలు/ఓసీఐలతో వైవాహిక సంబంధంలోకి ప్రవేశించనున్న మహిళలకు అవగాహన కార్యక్రమాలు నిర్వహించాలని లా కమిషన్ సూచించింది. కేంద్ర ప్రభుత్వం 2019 ఫిబ్రవరిలో ప్రవాస భారతీయుల వివాహాల నమోదు బిల్లును రాజ్యసభలో ప్రవేశపెట్టింది.  ఈ బిల్లును పరిశీలన , నివేదిక సమర్పణ కోసం విదేశీ వ్యవహారాల కమిటీకి పంపింది. విదేశీ వ్యవహారాల శాఖ, న్యాయ శాఖ ద్వారా.. NRI బిల్లు 2019తో సహా, దేశాంతర వివాహానికి సంబంధించిన చట్టంపై లోతైన అధ్యయనం చేయాలని భారత లా కమిషన్‌ను అభ్యర్థించింది.

Also Read : TSPSC Results : టీఎస్‌పీఎస్సీ ఆ ఆరు ఉద్యోగాల ఫలితాలు రిలీజ్