Liquor Sales : కోల్కతాలో రికార్డుస్థాయిలో మద్యం అమ్మకాలు.. ఒక్క రోజే రూ. 12 కోట్లు ఆదాయం
పశ్చిమ బెంగాల్లోని కోల్కతా డిసెంబర్ 31న మద్యం అమ్మకాలలో కొత్త రికార్డు సృష్టించింది. ఎక్సైజ్ శాఖ నుండి వచ్చిన
- By Prasad Published Date - 08:02 AM, Tue - 3 January 23
పశ్చిమ బెంగాల్లోని కోల్కతా డిసెంబర్ 31న మద్యం అమ్మకాలలో కొత్త రికార్డు సృష్టించింది. ఎక్సైజ్ శాఖ నుండి వచ్చిన సమాచారం ప్రకారం డిసెంబర్ 31 చివరి రోజున సుమారు రూ. 12 కోట్ల విలువైన మద్యం విక్రయించబడిందని నివేదికలు వెల్లడించాయి. గత సంవత్సరం కంటే 30 శాతం ఎక్కువగా ఈ సారి మద్యం అమ్మకాలు జరిగాయి. నూతన సంవత్సరానికి ముందు రోజు ఉత్తర కోల్కతాలో రూ.4 కోట్లు, అలీపూర్ ప్రాంతంలో రూ.3 కోట్లు, దక్షిణ కోల్కతాలో రూ.5 కోట్ల విలువైన మద్యం విక్రయాలు జరిగినట్లు సంబంధిత వర్గాలు పేర్కొన్నాయి. డిసెంబరు 25 నుండి డిసెంబర్ 31 వరకు నగరంలో దాదాపు రూ. 46 కోట్ల విలువైన మద్యం విక్రయించినట్లు సమాచారం. సంవత్సరం చివరి వారంలో అమ్మకాలు అనూహ్యంగా పెరిగాయి.
కోవిడ్ పరిస్థితి మెరుగుపడటంతో డిసెంబర్ చివరి వారంలో మద్యం అమ్మకాలు పెరిగాయని మద్యం వ్యాపారులు భావిస్తున్నారు. గత సంవత్సరం కంటే ఈ సంవత్సరం అమ్మకాలు ఎక్కువగా ఉన్నాయని మద్యం దుకాణం యాజమాని తెలిపారు. కోవిడ్ పరిస్థితి మెరుగుపడటం.. అలాగే ప్రభుత్వం ఈ సంవత్సరం ఎటువంటి లాక్డౌన్ ప్రకటించకపోవడంతో ప్రజలు ఆంక్షలు లేకుండా పార్టీలు చేసుకున్నారని వ్యాపారులు తెలిపారు. మునుపటి సంవత్సరం మద్యం ధర ఎక్కువగా ఉన్నందున ఈ పండుగ సీజన్లో మద్యం ధర తగ్గింపు అమ్మకాలను పెంచిందని తాము భావిస్తున్నామని తెలిపారు
Related News
West Bengal Governor: గవర్నర్ పై లైంగిక వేధింపుల ఆరోపణలు.. స్పందించిన ఆనంద బోస్
: పశ్చిమ బెంగాల్లో లోక్సభ ఎన్నికలు తారాస్థాయికి చేరుకున్నాయి. రాజకీయాలకు ప్రతిగా విపక్షాలను ఓడించేందుకు ప్రయత్నాలు చేస్తున్నారు.