Kirti Chakra Awards 2025 : కీర్తి చక్ర అవార్డు అందుకున్న వారు వీరే

Kirti Chakra Awards 2025 : భారత గణతంత్ర దినోత్సవం (Republic Day ) సందర్భంగా సాయుధ దళాల సైనికులకు రాష్ట్రపతి ద్రౌపది ముర్ము గ్యాలంట్రీ అవార్డులు ప్రకటించారు. ఈ అవార్డులు దేశ భద్రత కోసం ప్రాణాలర్పించి దేశాన్ని కాపాడిన సైనికుల త్యాగాలకు గుర్తింపుగా అందజేస్తారు. 93 మంది సైనికులకు పురస్కారాలను అందించేందుకు రాష్ట్రపతి ఆమోదం తెలపగా, 11 మంది మరణానంతరం ఈ గౌరవం పొందారు. ఈ జాబితాలో రెండు కీర్తి చక్రలు, 14 శౌర్య చక్రలు ముఖ్యమైనవి.

Padma Vibhushan : కంగ్రాట్స్ ‘బాలా బాబాయ్’ అంటూ ఎన్టీఆర్ అభినందనలు

కీర్తి చక్ర పురస్కారాలను ఈసారి రాష్ట్రీయ రైఫిల్స్‌కు చెందిన మేజర్ మంజీత్, నాయక్ దిలావర్ ఖాన్‌(Major Manjit and Naik Dilawar Khan)లకు అందజేస్తారు. మేజర్ మంజీత్ పంజాబ్ రెజిమెంట్ నుంచి వచ్చి, 2024 ఏప్రిల్‌లో జమ్మూకశ్మీర్‌లోని సోపోర్ జిల్లాలో ఉగ్రవాదులను మట్టుబెట్టడంలో కీలక పాత్ర పోషించారు. ఈ ధైర్యానికి గాను కీర్తి చక్ర (Keerthi Chakra Award 2025) పురస్కారంతో గౌరవించబడ్డారు. అలాగే నాయక్ దిలావర్ ఖాన్ జమ్మూకశ్మీర్ కుప్వారా జిల్లాలో ఆపరేషన్‌లో పాల్గొని ఉగ్రవాదిని మట్టుబెట్టడంలో ప్రాణత్యాగం చేసినందుకు మరణానంతరం ఈ గౌరవాన్ని పొందారు.

Budget 2025: కేంద్ర బడ్జెట్ 2025 ప్రత్యక్ష ప్రసారాన్ని ఎక్కడ, ఎప్పుడు చూడాలి?

శౌర్య చక్ర అవార్డులను కూడా ఈసారి అత్యుత్తమ సైనికులకు ప్రదానం చేయనున్నారు. జమ్మూకశ్మీర్ కతువా జిల్లాలో స్పెషల్ ఫోర్సెస్‌కు చెందిన సుబేదార్ వికాస్ తోమర్ ఉగ్రవాదులను అడ్డుకుని దేశాన్ని రక్షించారు. మరణానంతరం శౌర్య చక్ర పొందిన కెప్టెన్ దీపక్ సింగ్ దేశం కోసం గౌరవప్రదమైన సేవలు అందించారు. ఆయన ఉగ్రవాదులతో పోరాడి భారీ ఎత్తున ఆయుధాలను స్వాధీనం చేసుకున్నారు. భారత సైన్యంలో ఉన్న ఇతర ప్రముఖ వ్యక్తులకూ పలు సేవా పురస్కారాలు ప్రకటించారు. సదరన్ ఆర్మీ కమాండర్ లెఫ్టినెంట్ జనరల్ ధీరజ్ సేత్, లెఫ్టినెంట్ జనరల్ అమర్ దీప్ సింగ్ అహూజాలకు పరమ్ విశిష్ట సేవా మెడల్ లభించాయి. నావో సేనా మెడల్ లెఫ్టినెంట్ కమాండర్ సౌరభ్ మాలిక్‌కు ప్రదానం చేశారు.

ఈ అవార్డులు దేశ రక్షణ కోసం పనిచేసే సైనికుల అంకితభావాన్ని ప్రశంసించడమే కాకుండా, వారిలో ధైర్యం, త్యాగం, కృషిని గుర్తించి గౌరవం అందించే ప్రక్రియగా నిలుస్తాయి. ఈ పురస్కారాల ద్వారా భారతదేశ సైన్యం తమ నిబద్ధతను ప్రపంచానికి తెలియజేస్తుంది.