Vice President : నెక్స్ట్ ఉపరాష్ట్ర పతి హరివంశ్..?

భారత ఉపరాష్ట్రపతి జగదీప్ ధనఖడ్ (Jagdeep Dhankhar) తన పదవికి రాజీనామా చేయడం రాజకీయ వర్గాల్లో తీవ్ర చర్చకు దారి తీసింది. సోమవారం సాయంత్రం ఆయన రాష్ట్రపతి ద్రౌపది ముర్ముకు రాజీనామా లేఖ పంపారు. ఆరోగ్య కారణాలను పేర్కొంటూ రాజీనామా చేస్తున్నట్లు ఆయన తన లేఖలో పేర్కొన్నారు. ఇటీవల ఢిల్లీలోని ఎయిమ్స్ ఆసుపత్రిలో అంజియోప్లాస్టీ చేయించుకున్న ఆయన, కొన్ని కార్యక్రమాల్లో బలహీనంగా కనిపించినా, పార్లమెంట్ కార్యకలాపాల్లో చురుకుగా పాల్గొంటూ వచ్చారు.

జగదీప్ ధనఖడ్ 2022 ఆగస్టులో ఉపరాష్ట్రపతి పదవిని స్వీకరించారు. 2027లో ఆయన పదవీకాలం పూర్తయ్యేలా ఉండగా, మధ్యలోనే వైదొలగడం అరుదైన చర్యగా నిలిచింది. స్వతంత్ర భారత చరిత్రలో పదవీకాలం పూర్తి కాకముందే రాజీనామా చేసిన మూడో ఉపరాష్ట్రపతిగా ధనఖడ్ నిలిచారు. దీనికి ముందు 1969లో వివీ గిరి రాష్ట్రపతి ఎన్నిక కోసం, 2007లో భైరోన్ సింగ్ షెకావత్ రాష్ట్రపతి ఎన్నికలో ఓడిన తర్వాత రాజీనామా చేశారు. ధనఖడ్‌ రాజీనామాకు ఉన్నత ఆరోగ్య కారణాలు పేర్కొన్నా, రాజకీయంగా మరెన్నో అంశాలు ఉన్నాయన్న అనుమానాలు వినిపిస్తున్నాయి.

Curd : పెరుగులో వీటిని కలిపి తింటే కావాల్సినంతా బి12 విటమిన్..అవేంటో తెలుసా?

ధనఖడ్ రాజీనామాతో ఉపరాష్ట్రపతి పదవి ఖాళీగా మారింది. రాజ్యాంగ ప్రకారం.. ఉపరాష్ట్రపతి లేనప్పుడు రాజ్యసభ డిప్యూటీ చైర్మన్ లేదా రాష్ట్రపతి నియమించిన సభ్యుడు తాత్కాలిక బాధ్యతలు నిర్వహిస్తారు. ఉపరాష్ట్రపతిని ఎన్నిక చేయడానికి లోక్‌సభ, రాజ్యసభ సభ్యులతో కూడిన ఎలక్టోరల్ కాలేజ్ ఓటింగ్ ద్వారా ఎంపిక చేస్తారు. అభ్యర్థి కనీసం 35 సంవత్సరాల వయస్సు కలిగి ఉండాలి, రాజ్యసభ సభ్యుడిగా ఎన్నికయ్యే అర్హత ఉండాలి. కేంద్ర లేదా రాష్ట్ర ప్రభుత్వంలో ఉద్యోగం చేయకూడదు.

పదవి ఖాళీ అయిన 60 రోజుల్లోగా ఎన్నిక జరపాల్సిన నిబంధన ఉన్న నేపథ్యంలో, కేంద్ర ప్రభుత్వం త్వరలోనే ప్రక్రియ ప్రారంభించనుంది. ఎన్డీఏ కూటమి అధికారం కలిగి ఉండటంతో తమకు అనుకూలమైన అభ్యర్థిని ప్రకటించే అవకాశం ఉంది. రాజ్యసభ డిప్యూటీ చైర్మన్ హరివంశ్ పేరు ఈ మేరకు పరిశీలనలో ఉంది. మరోవైపు కాంగ్రెస్ నేత జైరాం రమేశ్ ఈ రాజీనామాపై ఆశ్చర్యం వ్యక్తం చేస్తూ, “ఇది ఆరోగ్య కారణాల వల్లేనన్నా, అంతకు మించి ఏదో కారణం ఉన్నట్టే కనిపిస్తోంది” అన్నారు. దీనిపై స్పష్టత వచ్చే వరకు రాజకీయ వర్గాల్లో చర్చలు కొనసాగనున్నాయి.