‘Floating’ stone : యూపిలోని మెయిన్‌పురిలో అద్భుతం..నీటిపై తేలుతున్న రాయి.. వీడియో వైరల్…!!

ఉత్తరప్రదేశ్‌లోని మెయిన్‌పురిలోని ఇసాన్ నదిలో తేలుతున్న రాయి వీడియో వైరల్‌గా మారింది, దానిపై రామ్ అని వ్రాసి, ఈ రాయి నీటిలో మునిగిపోకుండా తేలడం వింతగా మారింది. ఈ రాయి బరువు 5.700 కిలోలుగా నిర్ధారించారు. నీటిలో తేలియాడే ఈ రాయిని చూసేందుకు ప్రజలు తండోపతండాలుగా వస్తున్నారు. అయితే రామ రావణ యుద్ధంలో నల నీలులు నిర్మించిన రామసేతు వంతెనకు చెందిన రాయిగా ప్రజలు విశ్వసిస్తున్నారు. అయితే ఈ రాయిని పూజలు చేసేందుకు గుడిలో ప్రతిష్టించాలని ప్రజలు కోరుతున్నారు.

ఇసాన్ నది థానా బేవార్ ప్రాంతంలోని అహ్మల్‌పూర్ గ్రామంలో ఈ ఘటన చోటు చేసుకుంది. జులై 30వ తేదీ ఉదయం గ్రామానికి చెందిన కొందరు చిన్న పిల్లలు నదిలో చేపలు పట్టుకుంటునేందుకు వెళ్లారు. ఈ క్రమంలో నది ఒడ్డున ఓ నల్లరాయి తేలుతూ కనిపించింది. పిల్లలు నది నుండి రాయిని బయటకు తీశారు, దానిపై రామ్ అని వ్రాసి ఉంది.

ప్రజలు ఆ రాయిని ఆలయంలో పెట్టాలని కోరుతున్నారు. ఈ రాయిని రామాయణ కాలంలో నిర్మించిన రామసేతువు రాయిగా ప్రజలు నమ్ముతున్నారు. స్థానిక ప్రజలు ఈ అద్భుత రాయిని పూజ కోసం ఆలయానికి సమీపంలో ప్రతిష్టించాలని కోరుతున్నారు. ఈ రాయి బరువు పరిమాణానికి సంబంధించి చాలా తక్కువగా ఉన్నప్పటికీ. ఈ రాయిని చూసేందుకు సుదూర ప్రాంతాల నుంచి ప్రజలు గ్రామానికి చేరుకుంటున్నారు.