Election of Vice President : నేడే ఉప రాష్ట్రపతి ఎన్నిక..అసలు ఎలా ఎన్నుకుంటారు..? ఉపరాష్ట్రపతి నిర్వహించే బాధ్యతలు ఏంటి..?

Vice President of India Election 2025: జగదీప్ ధన్ కడ్ రాజీనామాతో భారత ఉప రాష్ట్రపతి ఎన్నిక జరగుతోంది. భారత 15వ ఉప రాష్ట్రపతి అయ్యేది ఈ రోజు తేలనుంది. నేడు జరిగే ఎన్నికల్లో అధికార ఎన్డీఏ అభ్యర్థి సిపి రాధాకృష్ణన్‌, ఇండియా బ్లాక్‌ ఉమ్మడి ప్రతిపక్ష అభ్యర్థి బి. సుదర్శన్‌ రెడ్డి మధ్య ప్రత్యక్ష పోటీ జరగనుంది.

భారత ఉపరాష్ట్రపతి దేశంలో రెండవ అత్యున్నత రాజ్యాంగ పదవి. ఈ పదవికి ఎన్నికలు ప్రమాణ పద్ధతిలో (Proportional Representation) జరుగుతాయి. ఈ పద్ధతిలో లోక్‌సభ, రాజ్యసభ సభ్యులు ఒక ఓటరు సమూహంగా ఏర్పడి తమ ఓటును వేస్తారు. ఓటు వేసేటప్పుడు తమకి ఇష్టమైన అభ్యర్థికి మొదటి ప్రాధాన్యత ఓటు (First Preference Vote) వేయాలి. అవసరమైతే, ఇంకొక అభ్యర్థికి రెండవ ప్రాధాన్యత ఓటు వేయవచ్చు. అయితే, రెండు కూటములు (NDA మరియు INDI) తమ సభ్యులను మొదటి ప్రాధాన్యత ఓటుకే పరిమితం కావాలని ఇప్పటికే సూచించాయి. అభ్యర్థులకి సమాన ఓట్లు వచ్చినప్పుడు మాత్రమే రెండవ ప్రాధాన్యత ఓట్లను పరిగణనలోకి తీసుకుంటారు.

Election of the Vice President: ఏ పార్టీ ఎవరికీ మద్దతు ఇస్తుందో తెలుసా.?

ఉపరాష్ట్రపతికి ముఖ్యంగా రెండు ప్రధాన బాధ్యతలు ఉంటాయి. మొదటిది, ఆయన లేదా ఆమె రాజ్యసభ ఛైర్మన్‌గా వ్యవహరించడం. రాజ్యసభ కార్యకలాపాలు సజావుగా, గౌరవప్రదంగా జరిగేలా చూస్తారు. ఛైర్మన్‌గా ఉన్నప్పుడు ఆయన సభలో తటస్థంగా ఉంటారు, సాధారణంగా బిల్లులపై ఓటు వేయరు. ఒకవేళ ఓట్లు సమానంగా వచ్చినప్పుడు మాత్రమే, అంటే టై అయినప్పుడు, నిర్ణయాత్మక ఓటు (Casting Vote) వేస్తారు. ఈ విధంగా, ఉపరాష్ట్రపతి రాజ్యసభలో ఒక ముఖ్యమైన పర్యవేక్షకుడి పాత్ర పోషిస్తారు.

రెండవ ప్రధాన బాధ్యత, రాష్ట్రపతి పదవి ఖాళీ అయినప్పుడు ఆ బాధ్యతలను స్వీకరించడం. భారత రాజ్యాంగంలోని ఆర్టికల్ 65 ప్రకారం, రాష్ట్రపతి పదవి రాజీనామా, మరణం, లేదా ఇతర కారణాల వల్ల ఖాళీ అయితే, ఉపరాష్ట్రపతి తాత్కాలికంగా రాష్ట్రపతి విధులను నిర్వహిస్తారు. ఈ కాలంలో, ఆయనకు రాష్ట్రపతికి ఉండే అన్ని అధికారాలు, జీతభత్యాలు లభిస్తాయి. ఈ విధంగా, ఉపరాష్ట్రపతి దేశంలో అత్యవసర పరిస్థితుల్లో ఒక ముఖ్యమైన రాజ్యాంగ పాత్రను పోషిస్తారు.