Manmohan Singh : భారత రాజకీయాల్లో ఒక శకం ముగిసింది: కమల్ హాసన్

Manmohan Singh : భారత మాజీ ప్రధాని మన్మోహన్ సింగ్ మృతిపై నటుడు కమల్ హాసన్ ఆసక్తికరమైన ట్వీట్ చేశారు. భారతదేశం ఒక గొప్ప పండితుడిని కోల్పోయింది. మన్మోహన్‌ సింగ్‌ మరణంతో భారత రాజకీయాల్లో ఒక శకం ముగిసింది. ఆయన దూరదృష్టితో కూడిన ఆర్థిక, సామాజిక విధానాలు దేశాన్ని పునర్నిర్మించారు. ఆయన ఆర్థిక మంత్రిగా, ప్రధానమంత్రిగా తీసుకున్న నిర్ణయాలు లక్షలాది మందికి ప్రయోజనకరంగా మారాయి. సామాజిక న్యాయంపై ఆయన ముడిపెట్టిన పాలన దేశానికి గొప్ప సేవలు అందించింది. ఆయన వారసత్వం భారతదేశ చరిత్రలో చిరస్థాయిగా నిలిచి ఉంటుంది. ఆయన కుటుంబానికి నా ప్రగాఢ సానుభూతి అంటూ కమల్ హాసన్ రాసుకొచ్చారు.

మరోవైపు దేశ మాజీ ప్రధాని మన్మోహన్ సింగ్ మరణం దిగ్భ్రాంతికి గురిచేసిందని ఉప ముఖ్యమంత్రి పవన్ కళ్యాణ్ అన్నారు. మన్మోహన్ హయాంలో చేపట్టిన సంస్కరణల వల్ల దేశ ఆర్థిక వ్యవస్థ కొత్త పుంతలు తొక్కిందని గుర్తుచేశారు. గొప్ప రాజనీతిజ్ఞుడు,దూరదర్శి ఆర్థికవేత్త పద్మవిభూషణ్‌ మన్మోహన్‌ సింగ్‌ మృతితో దేశం మొత్తం సంతాపం తెలుపుతోంది. ఆయన నాయకత్వం దేశ గమనాన్నే మార్చింది. ఆర్థిక మంత్రిగా ఆయన ప్రవేశపెట్టిన ఎల్‌పీజీ సంస్కరణలు అనేక మార్పులను తీసుకొచ్చాయి. ఆయన ప్రధానమంత్రిగా ఉన్నప్పుడు ఎన్నో ముఖ్యమైన చట్టాలు ప్రవేశపెట్టబడ్డాయి.

వీటిలో మహాత్మాగాంధీ జాతీయ గ్రామీణ ఉపాధి హామీ చట్టం,సమాచార హక్కు చట్టం,విద్యాహక్కు చట్టం వంటి చట్టాలు ఉన్నాయి. ఇవి అనేకుల జీవితాలను మార్చాయి. ఆయన గుణం, కఠినమైన దృఢత్వం, ప్రజా సేవకు ఉన్న అంకితభావం ఆయన్ని గొప్ప వ్యక్తిగా మారుస్తాయి. ఆయన వారసత్వం తరతరాలకు ప్రేరణగా నిలుస్తుంది. ఈ క్లిష్ట సమయంలో ఆయన కుటుంబసభ్యులకు నా ప్రగాఢ సానుభూతిని తెలియజేస్తున్నాను. మన్మోహన్‌ సింగ్‌ ఆత్మకు శాంతి చేకూరాలని కోరుకుంటున్నాను” పవన్‌ కల్యాణ్‌ ట్వీట్‌ చేసింది.

కాగా, భారతదేశ మాజీ ప్రధాని, కాంగ్రెస్‌ సీనియర్‌ నాయకుడు మన్మోహన్‌ సింగ్‌ కన్నుమూసిన విషయం తెలిసిందే. గురువారం సాయంత్రం ఆయన తీవ్ర అస్వస్థతకు గురైనప్పుడు, ఆయనను ఢిల్లీలోని ఎయిమ్స్‌ ఆస్పత్రికి తీసుకెళ్లారు. అక్కడ అత్యవసర విభాగంలో చికిత్స పొందుతూ ఆయన కన్నుమూశారు.

Read Also: Steve Smith: భారత్‌పై అత్యధిక టెస్టు సెంచరీలు సాధించిన స్మిత్