Mustard Benefits: పోపులో ఉపయోగించే ఆవాల వల్ల ఏకంగా ఎన్ని రకాల ప్రయోజనాలా?
ఆవాలు ఆరోగ్యానికి ఎంతో మేలు చేస్తాయని వీటిని తీసుకోవడం వల్ల అనేక అద్భుత ఆరోగ్య ప్రయోజనాలను పొందవచ్చని చెబుతున్నారు.
- Author : Anshu
Date : 25-01-2025 - 1:03 IST
Published By : Hashtagu Telugu Desk
మన వంటింట్లో దొరికే పోపు దినుసుల్లో ఆవాలు కూడా ఒకటి. ఆవాలు కూరకు రుచిని పెంచడంతోపాటు ఎన్నో రకాల ప్రయోజనాలను కూడా కలిగిస్తాయి. వీటిని తీసుకోవడం వల్ల అనేక అద్భుత ప్రయోజనాలను కూడా పొందవచ్చు. మరి ఆవాల వల్ల ఇంకా ఎలాంటి ప్రయోజనాలు కలుగుతాయి అన్న విషయానికొస్తే.. ఆవాల్లో ఒమేగా 3 ఫ్యాటీ యాసిడ్స్ ఉంటాయి. వీటిని తీసుకోవడం వల్ల బీపి కంట్రోల్ అవుతుందట. అంతేకాకుండా శరీరంలో గుడ్ కొలస్ట్రాల్ పెరుగుతుందని, వీటన్నింటి కారణంగా ఇన్ఫ్లమేషన్ తగ్గుతుందని, గుండె ఆరోగ్యం కూడా మెరుగవుతుందని చెబుతున్నారు.
ఆవాలు తీసుకోవడం వల్ల దగ్గు, జలుబు వంటి సమస్యలు తగ్గుతాయట. వీటిని తగ్గించడంలో ఆవాలు ముందుంటాయి. అందుకే రెగ్యులర్గా ఆవాలని తీసుకుంటే దగ్గు, జలుబు వంటి సమస్యలు ఉన్నా దూరం అవుతాయని చెబుతున్నారు. కాగా ఆవాల్లో ఉండే కొన్ని గుణాలు క్యాన్సర్ కణాలను పెరగకుండా చూస్తాయట. దీంతో కొన్ని రకాల క్యాన్సర్స్ రాకుండా మనల్ని మనం కాపాడుకోవచ్చని చెబుతున్నారు. అంతేకాకుండా సోరియాసిస్, ఫంగల్ ఇన్ఫెక్షన్స్, రింగ్ వార్మ్ వంటి సమస్యలు రాకుండా చేస్తాయట. ఆవాల్లో ఫినోలిక్ కాంపౌండ్స్, టోకోఫెరోల్స్ అనే యాంటీ ఆక్సిడెంట్స్ గుణాలు ఉంటాయి. అంతే కాకుండా కొన్ని గుణాలు ఇన్ఫ్లమేషన్ ని తగ్గించి కాలేయ పనితీరుని మెరుగ్గా చేస్తుందట. వీటితో పాటు జీర్ణ సమస్యల్ని కూడా ఆవాలు దూరం చేస్తాయని చెబుతున్నారు.
కాగా ఆవాల్లో పొటాషియం, కాల్షియంలు ఎక్కువగా ఉంటాయి. ఇవన్నీ కూడా ఎముకల ఆరోగ్యానికి, కీళ్ళ ఆరోగ్యానికి ఎంతో మేలు చేస్తాయి. కాబట్టి కచ్చితంగా తరచుగా వీటిని మీ డైట్ లో యాడ్ చేసుకోవడం మంచిది. ఆవాల్లో రిచ్ న్యూట్రియెంట్స్ ఉంటాయి. ఇవి మీ స్కిన్ మెరిసేలా చేయడమే కాకుండా జుట్టుని బలంగా చేస్తాయి. ఆవాల్లోని విటమిన్ ఎ, కె, సిలు వయసు పెరగడం వల్ల వచ్చే ముడతలు, ఏజింగ్ లక్షణాలను కూడా దూరం చేస్తాయని చెబుతున్నారు.
Follow us
