liver Health : అల్ట్రా-పవర్ ఫుల్ లివర్ హెల్త్ డ్రింక్స్ ఇవే..!!

liver

ఆరోగ్యం విషయంలో ఎంత శ్రద్ధ తీసుకుంటే అంత మంచిది. కానీ ఈ రోజుల్లో మనలో చాలామంది ఒత్తిడితో కూడిన జీవనశైలిని గడుపుతున్నారు. దీంతో ఆరోగ్యాన్ని నిర్లక్ష్యం చేసి ఆసుపత్రుల పాలవుతున్నారు. ఆరోగ్యం పట్ల కొన్ని జాగ్రత్తలు తీసుకుంటే…ఆరోగ్యవంతమైన జీవితాన్ని గడపవచ్చు. ముఖ్యంగా లివర్ విషయంలో చాలా జాగ్రత్తగా ఉండాలి. 24 గంటలూ అవిశ్రాంతంగా పనిచేసి శరీరంలోని టాక్సిన్స్ ను దూరం చేసే ముఖ్యమైన అవయవం లివర్. లివర్ ఆరోగ్యాన్ని కాపాడుకోవడానికి ఏ పానీయాలు సహాయపడతాయో తెలుసుకుందాం.

బీట్‌రూట్ జ్యూస్:
బీట్‌రూట్‌లో ఎన్నో రకాల పోషకాలు ఉన్నాయి. బీట్‌రూట్‌లో లభించే బీటైన్ అనే పోషకం వాపుతో పోరాడటమే కాకుండా, శరీరంలోని విషాన్ని తగ్గిస్తుంది. ఇది పరోక్షంగా కాలేయం పనితీరు సక్రమంగా పనిచేయడానికి సహాయపడుతుంది. కాబట్టి బీట్ రూట్ నుంచి పూర్తి ప్రయోజనం పొందాలంటే మీడియం సైజులో ఉండే బీట్‌రూట్‌ను చిన్న చిన్న ముక్కలుగా కట్ చేసి మిక్సీ జార్‌లో వేసి అందులో ఒక గ్లాసు నీళ్లు పోసి జ్యూస్‌గా చేసుకుని తాగితే కాలేయ ఆరోగ్యానికి ఎంతో మేలు చేస్తుంది. .

సోంపు గింజల పానీయం:
సోంపు శక్తివంతమైన మసాలా దినుసులు. అజీర్ణ సమస్యలను దూరం చేసి జీర్ణశక్తిని పెంచే ఆరోగ్యకరమైన మసాలా దినుసులు అనడంలో సందేహం లేదు. అలాగే ఈ సోంపు గింజలను ఉడకబెట్టి రోజూ ఒక గ్లాసు తాగడం వల్ల శరీరంలోని కాలేయం కూడా ఆరోగ్యంగా ఉంటుంది. తక్కువ మంట మీద ఒక గ్లాసు నీటిని వేడి చేయండి. తర్వాత ఈ పానీయంలో ఒక టీస్పూన్ జీలకర్ర, సోంపు గింజలు వేసి కాసేపు మరిగించాలి . ఆ తర్వాత ఈ డ్రింక్ ను ఫిల్టర్ చేసి ఒక చెంచా తేనె మిక్స్ చేసి భోజనం చేసిన అరగంట తర్వాత తాగితే జీర్ణవ్యవస్థ సక్రమంగా పనిచేయడమే కాకుండా కాలేయం పనితీరు కూడా మెరుగవుతుంది.

నిమ్మరసం:
శరీరంలోని టాక్సిన్స్‌ను తొలగించడంలో పేగులను శుభ్రపరచడంలో నిమ్మ గొప్ప పాత్ర పోషిస్తుంది, అంతేకాకుండా శరీరంలోని రోగనిరోధక శక్తిని పెంచుతుంది . కాబట్టి దీని పూర్తి ప్రయోజనాన్ని పొందడానికి, మీరు ఒక గ్లాసు గోరువెచ్చని నీటిలో అర నిమ్మకాయ రసాన్ని పిండి, ప్రతిరోజూ ఖాళీ కడుపుతో త్రాగితే, కాలేయం కార్యాచరణను పెంచడమే కాకుండా మీ ఆరోగ్యానికి ఎంతో మేలు చేస్తుంది.

జామకాయ:
జామకాయలో విటమిన్ ‘సి’ కంటెంట్ పుష్కలంగా ఉంటుంది, శరీరంలోని జీర్ణ శక్తిని పెంచడం నుండి డయాబెటిస్ రక్తపోటు, కాలేయ సమస్యలను దూరం చేయడం వరకు ఉపయోగపడుతుంది.
ముఖ్యం గా ప్రతిరోజూ జామకాయ రసాన్ని తాగితే శరీరంలోని విషపూరితమైన అంశాలు చెమట లేదా మూత్రం రూపంలో బయటకు వెళ్లి , శరీరంలోని లివర్ ఆరోగ్యం దెబ్బతినకుండా ఉంటుంది.

Follow us