Onion: వామ్మో ఉల్లిపాయ వల్ల కలిగే లాభాలు తెలిస్తే షాక్ అవ్వడం ఖాయం!

మామూలుగా ఉల్లి చేసే మేలు తల్లి కూడా చేయదు అని సామెతలు మనందరం వినే ఉంటాం. ఉల్లిపాయ వల్ల ఎన్నో రకాల ప్రయోజనాలు ఉన్నాయి అన్న విషయం మనందరికీ తెలిసిందే. ఉల్లి ఆరోగ్యంతో పాటు అందానికి కూడా ఎంతో మేలు చేస్తుంది. ఉల్లిపాయను తరచుగా తీసుకోవడం వల్ల ఎన్నో రకాల ప్రయోజనాలను పొందవచ్చు. మరి ఉల్లి పాయ వల్ల ఇంకా ఎలాంటి ప్రయోజనాలు ఉన్నాయో ఇప్పుడు మనం తెలుసుకుందాం.. మూత్ర పిండాల పనితీరును ఉల్లి మెరుగుపరుస్తుందట. పొటాషియం అధికంగా ఉండటం వల్ల రక్తపోటును తగ్గించడం, నియంత్రించడంలో సహాయపడుతుందట.

మూత్రపిండాల్లో రాళ్లు ఏర్పడకుండా నిరోధిస్తుందట. ఉల్లిపాయలను రోజూ వాడటం వల్ల రక్తపోటు తగ్గుతుందట. కొలెస్ట్రాల్ స్థాయిలను తగ్గించడంలో కీలకపాత్ర పోషిస్తుందట. గుండె పనితీరును మెరుగుపరచడం ద్వారా హార్ట్ ఎటాక్, కవాటాలు మూసుకుపోవడం తదితర జబ్బులు రాకుండా సహాయపడుతుందని చెబుతున్నారు. ఉల్లి పాయల్లో ఉండే యాంటీ ఆక్సిడెంట్ వల్ల నరాలకు సంబంధించిన రోగాలు నయం కావడానికి ఉపయోగపడతాయట. ఇవి మెదడు కణాలను ఒత్తిడి నుంచి రక్షించడానికి సహాయపడతాయని చెబుతున్నారు. కళ్లలో శుక్లాలు ఏర్పడకుండా నిరోధించడంలో ఉల్లిపాయ సహాయపడుతుందట. తరచుగా వీటిని ఉపయోగించడం వల్ల కంటి ఆరోగ్యం మెరుగుపడుతుందట.

ఉల్లి టీ తాగడం, పచ్చి ఉల్లిపాయలను ఆహారంతో పాటు తీసుకోవడం వల్ల రక్తంలో సోడియం స్థాయిలు సమతుల్యంగా ఉంటాయట. ఉల్లి ఉండే యాంటీ ఇన్‌ఫ్లమేటరీ లక్షణం మహిళలకు పీరియడ్స్ సమయంలో వచ్చే నొప్పిని, అసౌకర్యాన్ని తగ్గిస్తుందట. మొటిమలు వచ్చినప్పుడు ఆ ప్రాంతంలో ఉల్లి రసాన్ని తేనెతో కలిపి రాయడం వల్ల తగ్గిపోతాయట. రక్త ప్రసరణను మెరుగుపరిచే సామర్థ్యం ఉల్లిపాయలకు ఉండటం వల్ల మైగ్రేన్ తలనొప్పి నివారణ చికిత్సలో వీటిని ఉపయోగిస్తారట. ఉల్లి పేస్టును నుదుటిపై రాయడం ద్వారా ఉపశమనం పొందవచ్చని చెబుతున్నారు. గాయాలు, మచ్చలను ఉల్లి నయం చేస్తుందట. అలాగే ఉల్లి రసాన్ని దెబ్బతగిలిన ప్రాంతంలో పూయడం వల్ల ఇన్ఫ్‌క్షన్లు సోకకుండా కాపాడవచ్చట. ఉల్లిపాయ రసాన్ని తల వెంట్రుకలకు పట్టించడం వల్ల జుట్టు పెరుగుతుందట. చుండ్రు తగ్గుతుందని, కుదుళ్లు కూడా బలంగా మారతాయని చెబుతున్నారు. ఉల్లిలో ఉండే విటమిన్ సి కొల్లాజెన్ ఉత్పత్తిని పెంచుతుంది. తలలో రక్త ప్రసరణకు సహాయం చేస్తుందట. తేనెటీగ, కందిరీగ, దోమలు వంటి కీటకాలు కుట్టినప్పుడు నొప్పి, వాపు తగ్గడానికి ఉల్లిని ఉపయోగించవచ్చట. ఉల్లి ముక్క తీసుకొని నేరుగా నొప్పి ఉన్నచోట నెమ్మదిగా రుద్దడం ద్వారా వాపు, నొప్పి తగ్గించవచ్చుని చెబుతున్నారు.