Dark Circles: ఒక్కరోజులో డార్క్ సర్కిల్స్ మాయం అవ్వాలా.. అయితే ఇలా చేయాల్సిందే!

ప్రస్తుత రోజుల్లో స్త్రీ పురుషులు చాలా మంది డార్క్ సర్కిల్స్ సమస్యతో బాధపడుతున్న విషయం తెలిసిందే. ఇటీవల కాలంలో ఈ సమస్య ఇది ప్రధాన సమస్యగా మారిపోయింది. అయితే ఈ డార్క్ సర్కిల్స్ ని తగ్గించుకోవడానికి చాలా మంది అనేక రకాల చిట్కాలను బ్యూటీ ప్రోడక్ట్ లను ఉపయోగిస్తూ ఉంటారు. ఈ డార్క్‌ సర్కిల్స్‌ రావడానికి చాలా కారణాలు ఉంటాయి. నిద్ర సరిగ్గా లేకపోవడం, ఎక్కువ సమయం కంప్యూటర్‌, ఫోన్‌ చూడటం, టీవీ ఎక్కువగా చూడటం, ఎక్కువ ఒత్తిడికి గురికావడం, పోషకాహార లోపం కారణంగా కంటి కింద వలయాలు వస్తాయి. డార్క్‌ సర్కిల్స్‌ కారణంగా ముఖం అందవిహీనంగా మారుతుంది.

అలాంటప్పుడు కొన్ని హోమ్ రెమెడీస్ ని ఉపయోగించి ఆ సమస్య నుంచి బయటపడవచ్చని చెబుతున్నారు. అయితే కొన్ని పద్దతులను ఫాలో అయితే ఒక్కరోజుల్లో ఈ డార్క్ సర్కిల్స్ ను తగ్గించుకోవచ్చట. అది ఎలాగో ఇప్పుడు మనం తెలుసుకుందాం.. ఈ ఉరుకుల పరుగుల జీవితంలో ప్రతి ఒక్కరూ ఒత్తిడికి గురవుతున్నారు. ఈ ఒత్తిడి వల్ల చాలా మందికి కళ్ల చుట్టూ డార్క్ సర్కిల్స్ వస్తున్నాయి. ఒక్క ఒత్తిడి వల్లే కాదు నిద్రలేమి, ఎలక్ట్రానిక్ గాడ్జెట్లను ఎక్కువగా చూడటం వల్ల నల్లటి వలయాలు ఏర్పడుతూ ఉంటాయి. ఒక్కరోజులో డార్క్ సర్కిల్స్ ను తగ్గించడానికి టమాటా, నిమ్మకాయ చాలా ఎఫెక్టీవ్ గా పనిచేస్తుంది. ఇందుకోసం ముందుగా ఒక గిన్నెను తీసుకుని అందులో టమాటా జ్యూస్ అందులో కొన్ని చుక్కల నిమ్మరసం వేసి బాగా కలపాలి.

ఆ తర్వాత ఈ మిశ్రమాన్ని కాటన్ సహాయంతో నల్లటి వలయాలపై అప్లై చేయాలి. ఇలా అప్లై చేసిన ఈ మిశ్రమాన్ని డార్క్ సర్కిల్స్ కు పెట్టిన తర్వాత 10-15 నిమిషాలు అలాగే ఉంచాలి. ఆ తర్వాత సాధారణ నీటితో కళ్లను శుభ్రం చేసుకోవాలి. ఇలా చేయడం వల్ల కేవలం ఒక్క రోజులోనే తేడా కనిపిస్తుంది. అలాగే కీరదోసకాయ మన ఆరోగ్యానికే కాదు అందానికి కూడా ఉపయోగపడుతుంది. దీన్ని డార్క్ సర్కిల్స్ ను తగ్గించుకోవడానికి కూడా ఉపయోగిచచ్చు. ఇందులో ఉండే గుణాలు కళ్ల కింద నల్లటి వలయాలను ఈజీగా తగ్గిస్తాయి.

డార్క్ సర్కిల్స్ మాయం అవ్వాలి అంటే డార్క్ సర్కిల్స్ ను పోగొట్టడానికి సగం కీరదోసకాయను తీసుకుని సన్నగా తురుముకోవాలి. ఇప్పుడు దీన్ని డార్క్ సర్కిల్స్ మీద అప్లై చేయాలి. కావాలనుకుంటే కీరదోసకాయ ముక్కలను నేరుగా కూడా కళ్లపై పెట్టవచ్చు. కీరదోసకాయను ఉపయోగించడం వల్ల డార్క్ సర్కిల్స్ క్రమంగా తగ్గుతాయి. దీన్ని రోజూ ఉపయోగించడం ప్రయోజనకరంగా ఉంటుంది. అలాగే డార్క్ సర్కిల్స్ ను తగ్గించుకోవడానికి మీరు కలబంద గుజ్జును కూడా ఉపయోగించవచ్చు. ఇందుకోసం కలబంద జెల్ ను తీసుకుని కళ్ల కింద అప్లై చేయాలి. దీన్ని రాత్రిపూట పెట్టుకోవడం వల్ల మంచి ప్రయోజనకరంగా ఉంటుంది.