Mouth Ulcers: నోటి పూత వల్ల భరించలేని నొప్పి వస్తోందా? అయితే ఈ చిట్కాలు మీకోసమే..

నోటిపూత సమస్య అనేది అనేక రకాల కారణాల వల్ల వస్తుంది అన్న విషయం మనందరికీ తెలిసిందే. విటమిన్లు లేకపోవడం, రోగనిరోధక శక్తి లేకపోవడం, మానసిక ఒత్తిడి, నిద్రలేమి వంటివి నోటి పూతలకు ప్రధాన కారణాలుగా చెప్పుకోవచ్చు. కొన్నిసార్లు నోట్లు నాలుక లేదా పెదవులను కొరుక్కోవడం లాంటివి జరిగినప్పుడు కూడా ఈ నోటి పూత సమస్య వస్తూ ఉంటుంది. ఇది బుగ్గలు, పెదవులు, నాలుక క్రింది భాగం వంటి కొన్ని భాగాలలో వస్తుంటుంది.

దీని నొప్పి భరించలేని విధంగా ఉంటుంది. ఈ నోటి పూత సమస్య కారణంగా ఏదైనా పదార్థాలు తినాలి అన్నా కూడా ఇబ్బంది పడుతూ ఉంటారు. వేడి వస్తువులు కాపీ వంటివి తాగాలి అన్నా కూడా ఇబ్బంది పడుతూ ఉంటారు. ఈ నొప్పి ఎక్కువైనప్పుడు మాట్లాడటంలో ఇబ్బందికూడా కలుగుతుంది. నోటిపూత సాధారణంగా గుండ్రంగా, తెలుపు, గోధుమ, పసుపు రంగులో ఉంటుంది. అలాగే వాటి చివర్లన ఎరుపు రంగు ఉంటుంది. అయితే వీటిని కొన్ని సింపుల్ చిట్కాలు ఉపయోగించి తగ్గించుకోవచ్చట. మీరు ఇంట్లో చేయగలిగే వాటిలో ఉప్పు నీరు కూడా ఒకటి. అలాగే మీ ఆహారంలో వీలైనంత వరకు పెరుగును చేర్చడం మంచిది.

ఎందుకంటే పెరుగు మంచి బ్యాక్టీరియా ఉన్న ఆహారం. పెరుగు శరీరంలో మంట, ఇన్ఫెక్షన్లను తగ్గించడానికి సహాయపడుతుంది. అలాగే విటమిన్ బి 12, జింక్ వంటి ఖనిజాలు ఎక్కువగా ఉన్న ఆహారాన్ని తినాలి. మీ నోటిని ఎప్పుడూ శుభ్రంగా ఉంచుకోవాలి. కొన్ని టూత్ పేస్ట్ లు నోటి పూతలకు కారణం అవుతాయి. తులసిలో ఎన్నో ఔషధ గుణాలు ఉంటాయి. యాంటీ బాక్టీరియల్ లక్షణాలు ఉన్న తులసి ఆకులను నమలడం వల్ల నోటి పూతల నుంచి బయటపడవచ్చు. అలాగే తేనెలోని యాంటీ బ్యాక్టీరియల్ గుణాలు నోటి పూతలకు కూడా అద్భుతమైన ఔషధంగా పనిచేస్తాయి.

కాబట్టి మీరు ప్రతిరోజూ నోటి పూత పైన కొద్దిగా తేనెను అప్లై చేయడం వల్ల నోటిపూత సమస్య తగ్గుతుంది. నోటిలో పుండ్లు ఉన్నవారు ఉప్పు కలిపిన గోరువెచ్చని నీటితో నోటిని తరచుగా కడుక్కోవడం వల్ల ఆ సమస్య నుంచి బయటపడవచ్చు. మెంతి ఆకులు నోటి పూతల నుంచి బయటపడటానికి ఎంతో సహాయపడతాయి. ఇందుకోసం ఒక కప్పు నీళ్లను తీసుకుని బాగా మరిగించి అందులో కడిగిన మెంతి ఆకులను వేసి 10 నిమిషాలు ఉడికించాలి. ఆ తర్వాత దానితో నోరు కడుక్కోవడం వల్ల నోటి పూతల నుంచి బయటపడతారు.