Walnut Milk: క్యాన్సర్ మహమ్మారి దరిచేరకుండా ఉండాలంటే ఈ పాలు తాగాల్సిందే?
వాల్ నట్స్ పాలు ఆరోగ్యానికి ఎంతో మేలు చేస్తాయని వైద్యులు చెబుతున్నారు.
- By Anshu Published Date - 10:30 AM, Tue - 20 August 24
ప్రతి ఒక్కరూ ఆరోగ్యంగా సంతోషకరమైన జీవితాన్ని గడపాలని కోరుకుంటూ ఉంటారు. ఆరోగ్యంగా ఉండాలి అంటే సరైన పోషకాలు కలిగిన ఆహారాన్ని తీసుకోవాలి. బలవర్ధకమైన ఆహారం తీసుకోవడం వల్ల అనేక రకాల అనారోగ్య సమస్యలను కూడా జయించవచ్చు. కాగా బలవర్ధకమైన ఆహార పదార్థాలలో డ్రై ఫ్రూట్స్ కూడా ఒకటి. డ్రై ఫ్రూట్స్ లో ఒకటైన వాల్ నట్స్ వల్ల ఎన్నో రకాల ప్రయోజనాలు ఉన్నాయి అన్న విషయం మనందరికీ తెలిసిందే. వాల్ నట్స్ రోగ నిరోధక శక్తిని పెంచడంతోపాటు అనేక ఆరోగ్య సమస్యల నుంచి రక్షిస్తుంది. కేవలం వాల్నట్స్ మాత్రమే కాకుండా వాల్ నట్స్ పాలు ఆరోగ్యానికి ఇంకా మేలు చేస్తాయి అంటున్నారు వైద్యులు. మరి వాల్నట్ పాలు తాగితే ఎలాంటి ప్రయోజనాలు కలుగుతాయో ఇప్పుడు మనం తెలుసుకుందాం..
వాల్నట్ పాలలో ఫైబర్ పుష్కలంగా ఉంటుంది . ఇది తక్కువ గ్లైసెమిక్ ఆహారం. బ్లడ్ షుగర్ లెవెల్స్‌ ని కంట్రోల్ చేసే బెస్ట్ ఫుడ్స్‌ లో ఇది కూడా ఒకటి. అటువంటి పరిస్థితిలో పాలలో వాల్నట్ లను కలిగి ఉండటం మీ రోజును ఆరోగ్యకరమైన ప్రారంభానికి గొప్ప ఎంపిక అని చెప్పవచ్చు. వాల్నట్ డ్రై ఫ్రూట్, ఇది మెదడు శక్తిని పెంచడంలో సహాయపడుతుంది. తల్లిదండ్రులు తమ పిల్లలకు జ్ఞాపకశక్తిని పెంచేందుకు చిన్నప్పటి నుంచి వాల్ నట్స్ తినిపిస్తారు. వాల్నట్ పాలు మన జ్ఞాపకశక్తిని పెంచుతాయి. మీరు త్వరగా విషయాలు మర్చిపోతే మీరు వాల్నట్ పాలు త్రాగాలి. ఈ వాల్నట్ పాలు మతిమరుపు సమస్యను కూడా తగ్గిస్తుంది. మాములుగా పాలలో కాల్షియం పుష్కలంగా ఉంటుంది. కానీ ఈ వాల్నట్ పాలు సాధారణ పాల కంటే మెరుగ్గా ఉంటాయి.
ఇది మన ఎముకలను బలపరుస్తుంది. వాల్ నట్ మిల్క్ తీసుకోవడం వల్ల కీళ్ల నొప్పులు కూడా తగ్గుతాయి. మధుమేహం అనేది నయం చేయలేని వ్యాధి. మీ ఆహారాన్ని మార్చుకోవడం ద్వారా దీన్ని కొంత వరకు నియంత్రించవచ్చు. వాల్నట్ పాలు మధుమేహానికి చాలా మేలు చేస్తాయి. ఇందులోని అనేక ఔషధ గుణాలు రక్తంలో చక్కెరను నియంత్రించడంలో సహాయపడతాయని చెబుతున్నారు. ఈ పాలలో అధిక ఫైబర్ కంటెంట్ ప్రేగు కదలికలో సహాయపడుతుంది. ఇది మలబద్ధకం, జీర్ణ సమస్యల నుండి ఉపశమనం కలిగిస్తుంది. డైటరీ ఫైబర్ పేగులను ఆరోగ్యంగా ఉంచడంలో సహాయపడుతుంది. వాల్నట్ మిల్క్ క్యాన్సర్ వంటి ప్రాణాంతక వ్యాధుల ప్రమాదాన్ని కూడా తగ్గిస్తుందట. వాల్నట్స్ లో క్యాన్సర్‌ను నిరోధించే గుణాలు ఉన్నాయి. క్యాన్సర్ కణాల పెరుగుదలను నిరోధిస్తాయి. గుండె జబ్బుతో బాధపడుతుంటే వాల్నట్ పాలు మీకు ఎంతో మేలు చేస్తాయి. వాల్నట్స్ లో కార్డియో ప్రొటెక్టివ్ లక్షణాలు ఉంటాయి. ఇవి గుండె ఆరోగ్యానికి ఎంతో మేలు చేస్తాయి. వాల్నట్ పాలు రక్తపోటును కూడా నియంత్రిస్తాయి.
note : ఈ ఆరోగ్య సమాచారం ఇంటర్నెట్ నుంచి సేకరించబడినది. ఇందులో ఎటువంటి సందేహాలు ఉన్న వైద్యుల సలహా తీసుకోవడం మంచిది.
