Cancer Killing Virus: క్యాన్సర్ ను తరిమికొట్టే కొత్త వైరస్…వైద్యరంగంలో ఇదే తొలిసారి..!!

క్యాన్సర్..ప్రపంచాన్ని పట్టిపీడిస్తున్న ప్రాణాంతక రోగాల్లో ముందుంటుంది. దీని బారిన పడి ఏటా ఎంతో మంది మరణిస్తున్నారు. వైద్యరంగంలో సరికొత్త సాంకేతిక వచ్చినా…శాస్త్రవేత్తలు ఎన్నో మందులు కనుగొంటున్నా…క్యాన్సర్ భూతం మనల్ని వదలడం లేదు. కానీ ఇన్నాళ్లకూ ఓ సానుకూల ఫలితం వచ్చింది. ముల్లును ముల్లుతోనే తీయాలనట్లుగా…క్యాన్సర్ వ్యాధిని ఎదుర్కొనేందుకు ఓ వైరస్ ప్రయోగిస్తున్నారు. ఈ వైరస్ శరీరంలోకి వెళ్లి క్యాన్సర్ కణాలను చంపేస్తుంది. క్యాన్సర్ ను నాశనం చేసే రోగనిరోధక వ్యవస్థను బలపరుస్తుంది. అమెరికాలో ఇప్పటికే ఓ క్యాన్సర్ బాధితుడికి ఈ వైరస్ తో కూడిన ఔషధాన్ని ప్రయోగించారు. క్యాన్సర్ రోగికి ఇలాంటి ఔషదం ఇవ్వడం వైద్య చరిత్రలోనే తొలిసారి.

అమెరికాలోని సీటీ ఆఫ్ హెప్ క్యాన్సర్ కేర్ అండ్ రీసెర్చ్ సెంటర్, ఆస్ట్రేలియాకు చెందిన ఇమ్యూజీన్ సంస్త శాస్త్రవేత్తలు CF33-hNIS అనే జన్యుమార్పిడి వైరస్‌తో క్యాన్సర్ ఔషధానాన్ని డెవలప్ చేశారు. దీన్నే వ్యాక్సీనియా అని పిలస్తున్నారు. దీన్ని క్యాన్సర్ రోగి శరీరంలోకి ఇంజెక్ట్ చేస్తే…అది క్యాన్సర్ కారక కణాలకు ఇన్ ఫెక్షన్ కలిగిస్తుంది. ఆరోగ్యకరమైన కణాల జోలికి మాత్రం వెళ్లదు. ఇలాంటి వైరస్ లను వైద్య పరిభాషలో అంకోలైటిక్ వైరస్ గా చెబుతుంటారు. వ్యాక్సీనియా..క్యాన్సర్ కణాల్లోకి వెళ్లినప్పుడు..తన సంఖ్యను అమాంతం పెంచేస్తుంది. ఈ వైరస్ ఇన్ ఫెక్షన్ బారినపడిన క్యాన్సర్ కణాలు విచ్చిన్నమవుతాయి. ఈ క్రమంలోనే వేల సంఖ్యలో వైరస్ కణాలు బయటకు వచ్చి…యాంటీజెన్ లా పనిచేయనున్నాయి. ఇవన్నీ తమ సమీపంలో ఉండే క్యాన్సర్ కణాలపై దాడి చేసి రోగనిరోధక వ్యవస్థను మెరుగుపరుస్తాయి. ఈ చికిత్సను ఇమ్యునో థెరపీగా పిలుస్తుంటారు.

అయితే వ్యాక్సీనియాను ఇప్పటికే జంతువులపై ప్రయోగించారు. సానుకూల ఫలితాలు వచ్చాయి. ఈ క్రమంలో ఇప్పుడు మనుషులపై ప్రయోగం చేస్తున్నారు. అమెరికా, ఆస్ట్రేలియా దేశాల్లో ఈ క్యాన్సర్ మహమ్మారి బాగా ముదిరిపోయింది. ఏ చికిత్స ఇచ్చినా ఫలితం లేదన్న స్థితితో ఉన్న వందమంది రోగులను ఎంపిక చేసి వారికి వ్యాక్సీనియా మందు ఇస్తారు. ఇందులోని వైరస్ హ్యుమన్ సోడియం అయోడైడ్ సింపోర్టర్ అనే ప్రొటీన్ను ఉత్పత్తి చేస్తుంది. ఈ వైరస్ క్యాన్సర్ కణాల్లోకి వెళ్లి…తమ సంఖ్యను పెంచుకుంటుంది. రేడియో ధార్మిక అయోడిన్ను జోడిస్తే…క్యాన్సర్ కణాలకు మరింత నష్టం కలిగించవచ్చని శాస్త్రవేత్తలు చెబుతున్నారు. మనుషులకు ఈ మధు సురక్సితమేనా…అని మొదట టెస్ట్ చేయనున్నారు. దీన్ని క్యాన్సర్ రోగులు తట్టుకోగలరా…ఏవైన సైడ్ ఎఫెక్ట్స్ వస్తాయా అనే అంశాలను ట్రయల్స్ లో గమనిస్తారు. ఇవన్నీ సక్సెస్ అవుతేనే..మనుషులు ఈ మందును వాడేందుకు ఆమోదం లభిస్తుంది. ఇది ఎలాంటి హానీ చేయకుండా ప్రభావితం చేసినట్లయితే…క్యాన్సర్ పోరులో సరికొత్త అయుధం వచ్చినట్లేనని నిపుణులు అభిప్రాయపడుతున్నారు.