Pregnancy : పీరియడ్స్ టైములో శృంగారంలో పాల్గొంటే ప్రెగ్నెన్సీ వచ్చినట్లేనా..?
Pregnancy : పీరియడ్స్ సమయంలో గర్భం రాదనే అభిప్రాయం చాలామందికి ఉంది. కానీ ఇది పూర్తిగా నిజం కాదని చెప్పాలి
- By Sudheer Published Date - 06:58 AM, Sat - 29 March 25
పీరియడ్స్ అనేది ప్రతి మహిళా శరీరంలో జరిగే సహజ ప్రక్రియ. సాధారణంగా, పీరియడ్స్ సమయంలో గర్భం రాదనే అభిప్రాయం చాలామందికి ఉంది. కానీ ఇది పూర్తిగా నిజం కాదని చెప్పాలి. గర్భం రావడానికి అండం విడుదల (ovulation) మరియు వీర్యకణం కలయిక జరగాలి. సాధారణంగా అండం విడుదల నెలసరి చక్రం మధ్యలో జరుగుతుంది. కానీ కొంతమందికి పీరియడ్స్ తక్కువ రోజులే ఉంటాయి. లేదా చక్రం క్రమంగా ఉండదు. ఈ కారణాల వల్ల పీరియడ్స్ సమయంలో లేదా వెంటనే తర్వాత శృంగారం జరిగితే గర్భం వచ్చే అవకాశం ఉంటుంది.
ఎప్పుడైతే గర్భధారణకు అవకాశం ఉంటుంది?
కొన్ని ప్రత్యేక పరిస్థితుల్లో పీరియడ్స్ సమయంలో గర్భం వచ్చే అవకాశాలు ఉంటాయి. తక్కువ నెలసరి చక్రం (21-24 రోజులు) ఉన్నవారికి, పీరియడ్స్ తర్వాత అండం త్వరగా విడుదల కావడం వల్ల గర్భధారణ కలగవచ్చు. అలాగే, వీర్యకణాలు 5 రోజుల వరకు జీవించే శక్తి ఉన్నందున, పీరియడ్స్ చివరి రోజుల్లో శృంగారం జరిగితే, అండం విడుదల సమయంలో ఫలదీకరణం జరగవచ్చు. క్రమరహిత నెలసరి చక్రం ఉన్న స్త్రీలకు అండం ఎప్పుడు విడుదల అవుతుందో అంచనా వేయడం కష్టమవుతుంది, దీంతో అవాంఛిత గర్భధారణ అవకాశం పెరుగుతుంది.
పీరియడ్స్ సమయంలో గర్భం వచ్చే అవకాశం తక్కువగా ఉన్నప్పటికీ, ఇది అసాధ్యం కాదు. కావున ఇటువంటి సందర్భాల్లో గర్భనిరోధక పద్ధతులను ఉపయోగించడం ఉత్తమం. ముఖ్యంగా కండోమ్స్ లేదా ఇతర కాన్ట్రాసెప్షన్ పద్ధతులు ఉపయోగించడం ద్వారా అవాంఛిత గర్భధారణను నివారించవచ్చు. నెలసరి చక్రం క్రమంగా లేదని అనుమానం ఉంటే గైనకాలజిస్ట్‌ను సంప్రదించి సరైన సలహా తీసుకోవడం ఉత్తమం.
Arrest : సజ్జల & భార్గవ్ ప్రస్తుతానికి సేఫ్.. కానీ ఎంతకాలం?
