Egg: పొరపాటున కూడా గుడ్లను అలా అస్సలు తినకండి.. తిన్నారో అంతే సంగతులు!

గుడ్డు వల్ల ఎన్నో రకాల ప్రయోజనాలు ఉన్నాయి అన్న విషయం మనందరికీ తెలిసిందే. గుడ్లను ఎక్కువగా తీసుకోవడం వల్ల అనేక రకాల లాభాలను పొందవచ్చు. వైద్యులు కూడా తరచూ కోడి గుడ్డను తినమని చెబుతూ ఉంటారు. కోడి గుడ్డు తినడం వల్ల ఎన్నో ప్రయోజనాలు కలుగుతాయి. గుడ్లలో విటమిన్ బి 12, విటమిన్ బి 2, విటమిన్ డి, విటమిన్ ఎ, భాస్వరం, ఇనుము, సెలీనియం వంటి విటమిన్లు, ఖనిజాలు మెండుగా ఉంటాయి. ఇవి మనల్ని ఎన్నో అనారోగ్య సమస్యల నుంచి రక్షిస్తాయని చెబుతున్నారు. అలాగే గుడ్లలో ఆరోగ్యకరమైన కొవ్వులు, ఒమేగా 3 కొవ్వు ఆమ్లాలు పుష్కలంగా ఉంటాయి. ఇవి మన మెదడును, గుండెను ఆరోగ్యంగా ఉంచుతాయి.

గుడ్లలో జియాక్సంతిన్, లుటిన్ వంటి యాంటీ ఆక్సిడెంట్లు మెండుగా ఉంటాయట. ఇవి మన కళ్లను ఆరోగ్యంగా ఉంచడానికి సహాయపడతాయని చెబుతున్నారు. అయితే గుడ్డు తినడం మంచిదే కానీ చాలామంది గుడ్డు తినేటప్పుడు తెలిసి తెలియక చిన్న చిన్న పొరపాట్లు చేస్తూ ఉంటారు. అది వారి ఆరోగ్యాన్ని దెబ్బతీస్తుంది అన్న విషయం చాలా మందికి తెలియదు. మరి గుడ్డు తినేటప్పుడు ఎలాంటి తప్పులు చేయకూడదో ఇప్పుడు మనం తెలుసుకుందాం.. గుడ్లు మన ఆరోగ్యానికి ఎంతో మేలు చేస్తాయి. కానీ పచ్చి గుడ్డును లేదా తక్కువగా ఉడికించిన గుడ్డును అస్సలు తినకూడదు.

ఎందుకంటే పచ్చి గుడ్డు లేదా తక్కువగా ఉడికించిన గుడ్డును తింటే సాల్మొనెల్లా సంక్రమణ ప్రమాదం చాలా రెట్లు పెరుగుతుందని నిపుణులు చెబుతున్నారు. దీనివల్ల వాంతులు, విరేచనాలు, జ్వరంతో పాటుగా ఫుడ్ పాయిజన్ వంటి సమస్యలు వచ్చే ప్రమాదం ఉందని చెబుతున్నారు. అందుకే గుడ్లను ఎప్పుడు తిన్నా సరిగ్గా ఉడికించి తినడం మంచిది. చాలా మంది గుడ్డులోని తెల్ల సొనను మాత్రమే తింటుంటారు. ఎందుకంటే పచ్చసొనలో ఫ్యాట్ ఎక్కువగా ఉంటుందని దీన్ని తింటే ఒంట్లో కొవ్వు పెరుగుతుందని, బరువు పెరిగిపోతామని అనుకుంటారు. దీనివల్ల గుడ్డు పచ్చసొనను పక్కన పెట్టేస్తుంటారు. కానీ గుడ్డు పచ్చసొనలో పోషకాలు పుష్కలంగా ఉంటాయట. పచ్చసొనలో విటమిన్ ఎ, విటమిన్ డి, విటమిన్ ఇ, విటమిన్ కె, విటమిన్ బి 12, ఫోలేట్ లు ఉంటాయి. అలాగే లుటిన్, కోలిన్, ఆరోగ్యకరమైన కొవ్వులు వంటి ముఖ్యమైన యాంటీఆక్సిడెంట్లు మెండుగా ఉంటాయని ఆరోగ్య నిపుణులు చెబుతున్నారు. ఇవి మనల్ని పూర్తి ఆరోగ్యంగా ఉంచుతాయట. ముఖ్యంగా మన మెదడును ఆరోగ్యంగా ఉంచడంలో కీలక పాత్ర పోషిస్తాయని చెబుతున్నారు. మీరు కేవలం గుడ్డు పచ్చసొనను మాత్రమే తింటే గుడ్డును తినడం వల్ల కలిగే మొత్తం ప్రయోజనాలను పొందలేరు.

ఉడక బెట్టిన గుడ్డు, ఆమ్లెట్ తో పాటుగా గుడ్డును ఎన్నో రకాల ఇతర ఆహారాలతో తింటుంటారు. కానీ కొన్ని ఆహారాలతో గుడ్లను అస్సలు తినకూడదట. షుగర్ డ్రింక్స్ మొదలైన వాటితో తింటే మీ రక్తంలో చక్కెర స్థాయిలు బాగా పెరుగుతాయి. అలాగే గుడ్డులోని పోషకాల శోషణ కూడా మీ శరీరంలో సక్రమంగా జరగదు. అందుకే గుడ్లను తిన్నప్పుడల్లా ఫుడ్ కాంబినేషన్ విషయంలో జాగ్రత్తలు తీసుకోవలి. గుడ్లను అవొకాడోలు, తృణధాన్యాలు లేదా కూరగాయలు మొదలైన వాటితో తినడం మంచిది. గుడ్లు మంచిదే కదా అని ఎక్కువగా తీసుకుంటే మాత్రం సమస్యలు తప్పవు అంటున్నారు ఆరోగ్య నిపుణులు.