Stomach Problems: వేసవిలో తరచూ వాంతులు కడుపునొప్పితో ఇబ్బంది పడుతున్నారా.. వెంటనే ఇలా చేయండి?

సాధారణంగా చాలామంది వేసవికాలంలో పొట్టకు సంబంధించిన అనేక రకాల సమస్యలతో బాధపడుతూ ఉంటారు. తిన్న ఆహారం సరిగ్గా జీర్ణం కాక వాంతులు విరోచనాలు కడుపునొప్పి వంటి సమస్యలతో తరచుగా బాధపడుతూ ఉంటారు. అయితే ఇలాంటి సమస్యలు రావడం గల ప్రధాన కారణం అనారోగ్యకరమైన ఆహారపు అలవాటే అని చెప్పవచ్చు. ఇవి కడుపు సంబంధించిన సమస్యలను మరింత రెట్టింపు చేస్తాయి. అటువంటి ఆహారాలను తినడం వల్ల అజీర్ణం, మలబద్ధకం సమస్యలు కనపడడం, వికారం, వాంతులు, విరేచనాలు వచ్చి మంచానికి పరిమితం అయ్యేలా చేస్తాయి.

జీర్ణక్రియ సక్రమంగా జరగకపోవడం వల్ల అనేక రకాల సమస్యలు తలెత్తుతాయి. మరి అటువంటి లక్షణాలు ఉంటే ఏం చేయాలో ఇప్పుడు మనం తెలుసుకుందాం.. జీర్ణక్రియకు సంబంధించిన లక్షణాలు ఉంటే ఒక గ్లాసు నీటిలో ఒక చిన్న టీస్పూన్ ఉప్పు, అదే మోతాదులో పంచదార కలిపి తాగండి, సమస్య చాలా త్వరగా పరిష్కరించబడుతుంది. అలా చేయడం వల్ల ఈ డ్రింక్ లో ఎలక్ట్రో లైట్ఎలిమెంట్స్ ఉండటం వల్ల శరీరంలోని అలసటను దూరం చేసి వాంతులు, విరేచనాల సమస్యను దూరం చేస్తుంది. అందుకే ఈ సమస్యకు ఓఆర్ఎస్ పౌడర్ ను నీళ్లలో కలుపుకుని తాగమని చెబుతుంటారు.

అలాగే వేసవికాలంలో మలబద్ధకం, అజీర్ణం ఇతర కడుపు సంబంధిత సమస్యలు ఉన్నప్పుడు ఒక గ్లాసు మజ్జిగలో చిటికెడు ఉప్పు కలిపి తాగడం వల్ల ప్రేగు కదలికలు సులభతరం అవుతాయి. అటువంటి సమస్య చాలా త్వరగా తొలగిపోతుంది. కొబ్బరి నీళ్లు కూడా ఆరోగ్యానికి ఎంతో మంచిది. అందులో ఉండే ఎలక్ట్రోలైట్ ఎలిమెంట్స్ ప్రధానంగా ఈ పానీయంలో అధిక ఎలక్ట్రోలైట్ కంటెంట్ కారణంగా, జీర్ణవ్యవస్థ ఆరోగ్యాన్ని కాపాడుకోవడంలో కడుపు సంబంధిత సమస్యలను చక్కగా నిర్వహించడంలో స్ప్రింగ్ వాటర్ ముఖ్యమైన పాత్ర పోషిస్తుంది. మీకు అజీర్ణం కారణంగా లూజ్ మోషన్ సమస్య ఉంటే, ప్రతిరోజూ ఒక గ్లాసు కొబ్బరినీరు త్రాగాలి.