Tilak: నుదుటిన బొట్టును ఎందుకు పెట్టుకుంటారో మీకు తెలుసా?

సనాతన ధర్మంలో నుదిటిన తిలకాన్ని పెట్టుకునే సంప్రదాయం ఎప్పటినుంచో ఉంది. ఈ విషయాన్ని ఇప్పటికీ ప్రజలు కొనసాగిస్తూనే వస్తున్నారు. నుదుటిన కుంకుమ లేదంటే తిలకం అలాగే స్టిక్కర్స్ లాంటివి పెట్టుకుంటూ ఉంటారు. తిలకం వ్యక్తులను ఆధ్యాత్మికతతో అనుసంధానిస్తుంది. అలాగే ఇది మీకెన్నో ప్రయోజనాలను కూడా కలిగిస్తుంది. నిజానికి మనలో చాలా మందికి తిలకం గురించి సరిగ్గా తెలియదు. అసలు తిలకాన్ని ఎందుకు పెట్టుకుంటారు? ఆ వివరాల్లోకి వెళితే.. తిలకం అన్నది ఆధ్యాత్మికతకు చిహ్నంగా భావిస్తారు. అలాగే తిలకం మూడో కన్ను లేదా అగ్ని చక్రానికి ప్రాతినిధ్యం వహిస్తుంది.

ఈ పవిత్ర గుర్తు మనలో ఆధ్యాత్మిక చైతన్యాన్ని కలిగిస్తుంది. అదేవిధంగా హిందూమతంలో తిలకం పెట్టుకోవడాన్ని పవిత్రంగా భావిస్తారు. ఎందుకంటే ఈ తిలకం ద్వారా ప్రజలు ఆధ్యాత్మిక ప్రపంచంతో కనెక్ట్ అవుతారని పండితులు చెప్తారు. ఇది ప్రతికూల శక్తుల నుంచి కూడా రక్షిస్తుందని పండితులు చెప్తారు. తిలక్ గురించి ఒక నమ్మకం కూడా ఉంది. ఇది మనలో ఏకాగ్రత, ధ్యానాన్ని పెంచుతుంది. అలాగే అద్బుతమైన శక్తులను కూడా పెంపొందిస్తుందని చెబుతున్నారు. అలాగే గంధపు చెక్క తిలకాన్ని పెట్టుకోవడం వల్ల వారి మనసు ఎప్పుడూ ప్రశాంతంగా ఉంటుందని నమ్ముతారు. అలాగే ఇది ఏకాగ్రతను కూడా పెంపొందిస్తుందట.

ఈ తిలకాన్ని రోజూ పెట్టుకోవడం వల్ల మానసిక వేదన నుంచి ఉపశమనం లభిస్తుందని చెబుతున్నారు. అలాగే మీ మనస్సు ధ్యానం వైపు మరలుతుందని చెబుతున్నారు. కుంకుమ తిలకాన్ని కచ్చితంగా పెట్టుకోవాలి. ముఖ్యంగా పూజ చేసేటప్పుడు ఖచ్చితంగా కుంకుమ బొట్టును తిలకంగా పెట్టుకున్న తర్వాతనే పూజ చేయాలని చెబుతుంటారు. ఇది ఆత్మవిశ్వాసంగా కూడా పనిచేస్తుంది. అలాగే మీ ఏకాగ్రత సామర్థ్యాన్ని కూడా పెంచుతుంది. ముఖ్యంగా మానసిక సమస్యలను తొలగిస్తుంది. పసుపులో యాంటీ బాక్టీరియల్ లక్షణాలు ఉంటాయి. ఈ తిలకాన్ని పెట్టుకోవడం వల్ల మీ చర్మం శుభ్రపడటమే కాకుండా మీకు మనశ్శాంతి కూడా లభిస్తుంది. అలాగే ఇది మనస్సును శుద్ధి చేస్తుంది. మీ ఆత్మవిశ్వాసాన్ని పెంచడానికి సహాయపడుతుందని పండితులు చెబుతున్నారు.