Money: మంగళ శుక్రవారాలలో డబ్బు అప్పుగా ఇస్తున్నారా.. అయితే ఇది తెలుసుకోవాల్సిందే!

ప్రస్తుతం అంతా డబ్బు మయమే అన్న విషయం తెలిసిందే. ప్రతీ ఒక్కటి డబ్బు చుట్టూనే తిరుగుతోంది. ఏం చేయాలన్నా కూడా తప్పనిసరిగా డబ్బులు ఉండాల్సిందే. ఇంకా చెప్పాలంటే ఆ డబ్బులు లేకపోతే ఇంట్లోనే కాదు సమాజంలో కూడా మనుషులకు విలువ ఉండడం లేదు. డబ్బులు ఇచ్చే ప్రాధాన్యత కూడా మనుషులకు ఇవ్వడం లేదు. ఏం కొనాలన్నా డబ్బే కావాలి. ప్రపంచ దేశాలు కూడా డబ్బుపైనే ఆధార పడ్డాయి. మనుషులకు కూడా డబ్బే ముఖ్యంగా మారింది. ఈ డబ్బు కోసమే ఎన్నో దారుణాలకు ఒడిగడుతున్నారు. ఎలాంటి దారుణాలు చేయడానికైనా వెనకాడటం లేదు.

అందులోనూ హిందువులు డబ్బుకు మరింత ఇంపార్టెంట్స్ ఇస్తారు. లక్ష్మీ దేవితో సమానంగా చూస్తారు. పొరపాటున కింద పడ్డా కళ్లకు అద్దుకుని తీసుకుంటారు. అయితే ఇలాంటి డబ్బు ఇచ్చే విషయంలో తీసుకునే విషయంలో చాలామంది చిన్న చిన్న పొరపాటు చేస్తూ ఉంటారు. అవేంటో ఇప్పుడు మనం తెలుసుకుందాం.. మంగ, శుక్ర వారాల్లో డబ్బును ఎవరికైనా అప్పుగా ఇచ్చేందుకు చాలా ఆలోచిస్తారు. ఈ నియమం ఇప్పటి నుంచి కాదు పూర్వం కాలం నుంచి కూడా ఉంది. మంగళ, శుక్ర వారాల్లో లక్ష్మీదేవిని ఆరాధిస్తూ ఉంటారు. కాబట్టి ఈ రోజుల్లో ఎవరికైనా డబ్బులు ఇస్తే మళ్లీ తిరిగి రావని నమ్ముతారు. మంగళ అంటే శుభం అని అర్థం. అందులోనూ మంగళవారానికి అధిపతి కుజగ్రహం.

ఈయన యుద్ధ కారుడు. ఇలాంటి రోజున డబ్బులు అప్పుగా ఇస్తే తిరిగి వెనక్కి రావని, ఆర్థిక సమస్యలు వస్తాయని భావిస్తారు. అందుకే ఈ రోజున ఎక్కువగా ఖర్చు పెట్టడానికి, అప్పుగా ఇవ్వడానికి ఇష్టపడరు. అలాగే శుక్రవారం రోజు కూడా చాలామంది అప్పు అస్సలు ఇవ్వరు. అందులోనూ శుక్ర వారం లక్ష్మీ దేవికి ప్రత్యేకంగా పూజలు చేస్తారు. ఈ రోజు కూడా డబ్బును ఇస్తే తిరిగి వెనక్కి రాదని నమ్ముతారు. అందుకే శుక్రవారం కూడా అప్పు ఇవ్వరు.అయితే వాస్తవానికి మాత్రం.. మంగళ, శుక్ర వారాల్లో డబ్బును ఎవరికీ ఇవ్వరాదని శాస్త్రాల్లో ఎక్కడా చెప్పలేదు. కాబట్టి ఎవరికైనా కష్టాల్లో ఉంటే డబ్బును ఇవ్వవచ్చు. అలాగే ఖర్చు పెట్టవచ్చు. ఇది కేవలం అపోహ మాత్రమే. అయితే కొంతమంది మంగళవారం రోజు అప్పు కొంచెం అయినా తీరిస్తే త్వరగా ఆర్థిక సమస్యలు తీరుతాయని నమ్ముతారు.