Laughing Buddha: ఇంటికి సంతోషాన్ని తెచ్చే లాఫింగ్ బుద్ధ.. ఎక్కడ ఏర్పాటు చేసుకోవాలో తెలుసా?
ఇంట్లో లాఫింగ్ బుద్ధ విగ్రహాన్ని ఏర్పాటు చేసుకోవడం వల్ల చాలా రకాల ప్రయోజనాలు ఉన్నాయని పండితులు చెబుతున్నారు.
- By Anshu Published Date - 01:03 PM, Fri - 13 December 24
మనందరికీ లాఫింగ్ బుద్ధ గురించి తెలిసే ఉంటుంది. నవ్వుతూ ఉండే బుద్ధుడి విగ్రహాన్ని ఇంట్లో పెట్టుకుంటూ ఉంటారు. ఈ విగ్రహాన్ని పూజ గదిలో అలాగే వ్యాపార ప్రదేశాలలో టేబుల్ పై పెట్టుకుంటూ ఉంటారు. ఈ విగ్రహాన్ని ఇంట్లో ఉంచుకోవడం వల్ల చాలా లాభాలు ఉన్నాయి. ఇంట్లో లాఫింగ్ బుద్ధ విగ్రహం ఉంచడం వల్ల శాంతి, శ్రేయస్సు అనేది పెరుగుతాయని చాలా మంది నమ్ముతారు. ఇంట్లో ఈ విగ్రహం ఉంచడం కంటే ఏ దిశలో ఉంచాలి అన్నదే చాలా ముఖ్యం అంటున్నారు పండితులు. లాఫింగ్ బుద్ధ విగ్రహాన్ని చాలా మంది కొనుగోలు చేస్తూ ఉంటారు.
ఈ విగ్రహం సంపదకు దేవుడైన కుబేరుడిని సూచిస్తుందని విశ్వసిస్తారు. ఆనందం.. శ్రేయస్సు.. సమృద్ధికి ఈ విగ్రహం చిహ్నం. చైనాలో ఎక్కడ చూసినా ఈ విగ్రహం కనిపిస్తుంది. ఈ విగ్రహానికి కుబేరుడికి ఎలాంటి సంబంధం లేదు. కానీ చాలా మంది ఈ విగ్రహాన్ని తమ ఇంటి వైభోగం కోసం పెంచుకుంటున్నారు. ఇంట్లో ఈ విగ్రహం ఉంటే సంపద, ఆనందాన్ని ఆకర్షిస్తుందట. అయితే నవ్వుతున్న బుద్ధుడిని ఇంట్లో ఆగ్నేయ దిశలో ఉంచుకుంటే చాలా మంచిది. తూర్పు దిశలో కూడా ఉంచుకోవచ్చు. ఇక్కడ ఉంచడం వల్ల కుటుంబ సామరస్యం కూడా పెరుగుతుంది. విభేదాలు అనేవి తగ్గుతాయి. ఇంట్లో నెగిటివ్ ఎనర్జీ కూడా తగ్గుతుందట.
సంతోషాన్ని కలిగించే లాఫింగ్ బుద్ధను వాస్తు ప్రకారం ఇంట్లో ప్రతిష్టించడం వల్ల ఆనందం, శాంతి నెలకుంటుందట. ఎందుకంటే లాఫింగ్ బుద్ధ సుఖసంతోషాలకు చిహ్నంగా భావిస్తారు. ఈ బుద్ధుని విగ్రహాన్ని ప్రధాన ద్వారం ముందు తూర్పు దిశలో లేదంటే సూర్యుడు ఉదయించే దిశలో ఈశానే దిశలో పిల్లలు చదువుకునే గదిలో ఉంచడం శుభప్రదంగా పరిగణించవచ్చని చెబుతున్నారు..
