Tulsi Plant: తులసి మొక్కను ఏ రోజు నాటితే మంచిదో.. ఎలాంటి ఫలితాలు కలుగుతాయో మీకు తెలుసా?

Tulsi

మామూలుగా ప్రతి ఒక్క హిందువుల ఇళ్లలో తులసి మొక్క తప్పనిసరిగా ఉంటుంది. తులసి మొక్క కేవలం ఆధ్యాత్మిక పరంగానే కాకుండా ఆరోగ్యపరంగా కూడా ఎన్నో రకాల ప్రయోజనాలను కలిగిస్తుంది. తులసి మొక్కలు శ్రీమహావిష్ణువు అలాగే లక్ష్మీదేవి కొలువై ఉంటారని భక్తుల నమ్మకం. కాబట్టి తులసి దేవుని పూజిస్తే తులసి దేవి అనుగ్రహంతో పాటు ఆ ఇద్దరి దేవుళ్ళ అనుగ్రహం కూడా లభిస్తుందని చెబుతూ ఉంటారు. తులసి మొక్క సాక్షాత్తూ శ్రీమహాలక్ష్మికి నివాస స్థానం అని అంటారు. తులసిని పూజించడం, తులసి ముందు నిత్య దీపారాధన చేయడం వల్ల ఈ ఇల్లు సుఖ సంతోషాలతో విలసిల్లుతుంది చెబుతారు.

ప్రతిరోజు తులసి మొక్క వద్ద ఉదయం సాయంత్రం దీపారాధన చేయడం వల్ల అనేక మంచి ఫలితాలు కలుగుతాయని పండితులు సైతం చెబుతుంటారు. తులసి మొక్క ఉన్న ఇంట్లోకి యమ భటులు రాలేరు అనే మాట కూడా చెబుతారు. అయితే ఇంట్లో కొత్త తులసి మొక్కను ఎప్పుడంటే అప్పుడు నాటడం మంచిదేనా అంటే కాదని అంటున్నారు శాస్త్ర పండితులు. తులసి మొక్కను తీసివేసేటప్పుడు అలాగే కొత్త తులసి మొక్క నాటేటప్పుడు కొన్ని రకాల విషయాలను గుర్తుంచుకోవాలని చెబుతున్నారు. ఇంట్లో ఏదైనా మొక్కను నాటే ముందు వాస్తు నియమాలు పాటించడం మంచిదట.

వాస్తు నియమాలు పాటించకపోతే వాస్తు దోషం వచ్చే అవకాశం ఉంటుందట. కాగా వాస్తు ప్రకారం తులసి మొక్కను గురువారం రోజు నాటడం చాలా మంచిది. ఇదే శుభప్రదం అని కూడా అంటున్నారు పండితులు. సాధారణంగా గురువారాన్ని లక్ష్మీ వారం అంటారు. తులసి మొక్కలో లక్ష్మీదేవి నివాసం ఉంటుందని కూడా చెబుతారు. కాబట్టి గురువారం తులసి మొక్కను ఇంట్లో నాటితే సాక్షాత్తు ఆ లక్ష్మీదేవిని ఇంట్లో కొలువు తీర్చినట్టే అని అంటున్నారు. అలాగే తులసి మొక్కను శుక్రవారం కూడా నాటవచ్చట. కేవలం తులసి మొక్క అనే కాదు శుక్రవారం రోజు మొక్కలు నాటితే లక్ష్మీదేవి ఆశీర్వాదం ఉంటుందట. జీవితంలో మంచి అభివృద్ది, ఎదుగుదల ఉంటాయని పండితులు చెబుతున్నారు. అయితే ఇంట్లో తులసి మొక్కను ఏ దిశలో నాటాలి అన్న విషయానికి వస్తే.. తులసి మొక్కను ఇంట్లో ఉత్తరం లేదా ఈశాన్య దిశలో నాటడం మంచిది. ఈ దిశలలో మొక్కను నాటితే అది ఇంట్లో పాజిటివ్ ఎనర్జీని తెస్తుందట కుటుంబ సభ్యులకు చాలా మేలు చేస్తుందని చెబుతున్నారు. ఆర్థిక సమస్యలు ఉన్నవారు గురువారం లేదా శుక్రవారం రోజులలో తులసి మొక్కను ఇంట్లో నాటడం వల్ల ఆర్థిక సమస్యలు తగ్గుతాయట. అలాగే ఇంట్లో గొడవలు, కలహాలు, ఇబ్బందులు ఉంటే అవన్నీ కూడా కేవలం తులసి మొక్కను నాటి నిత్య పూజ చేసుకోవడం వల్ల తగ్గుతాయని అంటున్నారు.

Follow us