‎Vastu Tips: మీ ఇంట్లో దక్షిణ దిశలో ఈ నాలుగు వస్తువులు ఉంచితే చాలు.. డబ్బు సమస్యలు పరార్!

Vastu Tips: ప్రస్తుత రోజుల్లో చాలామంది ఆర్థిక సమస్యలతో ఇబ్బంది పడుతున్న విషయం తెలిసిందే. ఈ ఆర్థిక సమస్యల నుంచి బయటపడడం కోసం ఎన్నెన్నో పరిహారాలు పాటిస్తూ ఉంటారు. అయినప్పటికీ కొన్నిసార్లు మంచి ఫలితాలు కల్పించవు. మీరు కూడా అలా ఆర్థిక సమస్యలతో బాధపడుతున్నట్లయితే ఇప్పుడు చెప్పినట్టు కొన్ని వస్తువులను దక్షిణ దిశలో ఉంచితే డబ్బు సమస్యలు తీరిపోవడం ఖాయం అని చెబుతున్నారు. మరి అందుకోసం ఏం చేయాలో ఇప్పుడు మనం తెలుసుకుందాం.. కాగా దక్షిణ దిశను సందపకు మారు పేరుగా పరిగణిస్తారు.
‎
‎చాలా మంది ఈ దిశను యముడు నివాసంగా కూడా పరిగణిస్తారు. కానీ ఈ దిశలో కొన్ని మార్పులు చేస్తే డబ్బు సమస్యలు అన్నీ తీరిపోతాయట. వాస్తు ప్రకారం ఇంటిని కొనుగోలు చేయగానే సరిపోదు.ఇంట్లో ఉంచే వస్తువులు కూడా వాస్తు ప్రకారమే ఉండాలట. అప్పుడే మన జీవితం ఎలాంటి సమస్యలు లేకుండా, ఆనందంగా సాగుతుందని వాస్తు శాస్త్ర నిపుణులు చెబుతున్నారు. ముఖ్యంగా జీవితంలో ఆర్థిక సమస్యలు రాకూడదంటే ఇంట్లో వాస్తు ప్రకారం, కొన్ని మార్పులు చేసుకోవాలట. ఇంటి దక్షిణ దిశను యముడు, పూర్వీకుల నివాసంగా భావిస్తారు. ఈ దిశ కూడా స్థానం ప్రతిష్టకు చిహ్నం. చాలా మంది ఈ దిశను అశుభంగా భావిస్తారు. కానీ ఈ దిశ అశుభం కాదట. ఈ దిశలో కొన్ని ప్రత్యేకమైన వస్తువులను ఉంచడం వల్ల అది ఆనందం, శ్రేయస్సు, సంపద, సమృద్ధిని ఆకర్షిస్తుందని చెబుతున్నారు.
‎
‎ కాగా చీపురు లక్ష్మీదేవికి చిహ్నంగా పరిగణిస్తారు. ఈ చీపురును దక్షిణ దిశలో ఉంచడం వల్ల లక్ష్మీదేవి నుండి ప్రత్యేక ఆశీర్వాదాలు లభిస్తాయట. దక్షిణ దిశలో చీపురు ఉంచినప్పటికీ దానిని ఎవరూ చూడని విధంగా ఉంచాలట. ఇంటికి వచ్చిన వారికి ఈ చీపురు కనపడకూడదని,అలా ఎదురుగా కాకుండా దక్షిణ దిశలో ఉంచాలని చెబుతున్నారు. మీ ఇంట్లో విలువైన వస్తువులు లేదా బంగారం ఉంటే, వాటిని దక్షిణ దిశలో ఉంచడం మంచిదట. ఇలా చేయడం ద్వారా, కుబేరుని ఆశీస్సులు ఎల్లప్పుడూ ఇంట్లో ఉంటాయని చెబుతున్నారు పండితులు. దక్షిణ దిశలో జాడే మొక్కను ఉంచడం శుభప్రదంగా భావిస్తారు. ఈ దిశలో మొక్కను ఉంచడం వల్ల ప్రతి పనిలో విజయం లభిస్తుందట. అందుకే ఈ మొక్కను లక్కీ ప్లాంట్ అని కూడా పిలుస్తారు. అదేవిధంగా దక్షిణ దిశలో ఫీనిక్స్ పక్షి చిత్రాన్ని వేలాడదీయడం కూడా మంచిదని చెబుతున్నారు. ఇది సానుకూలతను తెస్తుందని, కుటుంబంలో ఎప్పుడూ డబ్బు కొరత ఉండదని చెబుతున్నారు. వాస్తు శాస్త్ర నిపుణులు.
‎