Spiritual: సూర్యోదయం సమయంలో సూర్యుడిని పూజిస్తే ఎలాంటి ఫలితం కలుగుతుందో మీకు తెలుసా?

హిందూమతంలో సూర్య దేవుడికి చాలా ప్రాధాన్యత ఉంది. ముఖ్యంగా సూర్య భగవానుడికి ఆర్ఘ్యం సమర్పించడం వల్ల అనేక ఫలితాలు కలుగుతాయని పండితులు చెబుతున్నారు. సూర్య భగవానుడికి అర్ఘ్యం సమర్పించడం ద్వారా జీవితంలోని అన్ని కష్టాల నుండి ఉపశమనం పొందుతారని మత విశ్వాసాలు చెబుతున్నాయి. ఒక వ్యక్తి జాతకంలో సూర్యుడు బలహీనంగా ఉన్నట్లయితే కేవలం నీటిని అందించడం ద్వారా సూర్యుడిని ప్రసన్నం చేసుకోవచ్చట. అయితే సూర్య భగవానుడికి నీటిని సమర్పించే వాస్తవ నియమాల గురించి తెలుసుకోవడం చాలా ముఖ్యం అని చెబుతున్నారు. సూర్య భగవానుడికి నీటిని సమర్పించేటప్పుడు కొన్ని విషయాలను గుర్తుంచుకోవాలట.

నియమాలు పాటించడమే కాకుండా సూర్య భగవానుడికి నీటిని సమర్పిస్తే లక్ష్మీదేవి అనుగ్రహం కూడా లభిస్తుందని చెబుతున్నారు. బ్రహ్మ ముహూర్తంలో నిద్ర లేచి స్నానం చేసిన తర్వాత మాత్రమే సూర్య భగవానుడికి నీరు సమర్పించాలని చెబుతున్నారు. సూర్య భగవానునికి రోజూ నీళ్ళు సమర్పిస్తే డబ్బుకు ఇబ్బంది ఉండదట. వీలైతే ఉదయించే సూర్యునికి నీరు అందించాలని చెబుతున్నారు. ఉదయపు సూర్య కిరణాలు శరీరంపై పడడం వల్ల శరీర నొప్పి నుంచి ఉపశమనం లభిస్తుందట. అలాగే వ్యాధుల నుండి కూడా ఉపశమనం పొందడానికి, ఉదయించే సూర్యునికి నీటిని సమర్పించాలని చెబుతున్నారు. సూర్య భగవానునికి అర్ఘ్యం సమర్పించిన తర్వాత మూడు సార్లు ప్రదక్షిణలు చేసి భూమి పాదాలను తాకాలట. ఈ సమయంలో మంత్రాన్ని జపించండి. మంత్రం”ఓం సూర్యాయ నమః “.

అలాగే సూర్యుడికి అర్ఘ్యం సమర్పించేటప్పుడు, మీ రెండు చేతులను మీ తలపైకి లేపి, నీటిని సమర్పించాలి. సూర్యభగవానుడికి నీరు సమర్పించడం వల్ల కలిగే మరో ప్రత్యేకత ఏమిటంటే, నేరుగా నవగ్రహాల ఆశీస్సులు అందుతాయట. వీలైతే ఎరుపు రంగు దుస్తులు ధరించి, ఆపై సూర్య భగవానుడికి నీటిని సమర్పించడం మంచిదని పండితులు చెబుతున్నారు. దీని తరువాత దేవతను ధూపం మొదలైన వాటితో పూజిస్తారు. అర్ఘ్యం నైవేద్యంగా పెట్టేటప్పుడు నీళ్లలో ఎర్రని పువ్వులు కలుపుకుంటే చాలా మంచిదట. సూర్య భగవానుడికి ఎప్పుడూ ఉదయం పూట మాత్రమే నీటిని సమర్పించాలని చెబుతున్నారు. మీరు సూర్యుడిని చూడలేకపోతే, అతని పేరు తలచుకుంటూ, మీరు నిలబడి ఉన్న చోట నీరు సమర్పించాలట. దీని వల్ల కూడా ఎంతో ప్రయోజనం ఉంటుందని చెబుతున్నారు. ఈ సమయంలో ఓం ఆదిత్య నమః అనే మంత్రాన్ని జపించాలట. మీరు ఓం ఘృణి సూర్యాయ నమః అని కూడా జపించవచ్చని పండితులు చెబుతున్నారు. సూర్య భగవానుడికి నీటిని సమర్పించేటప్పుడు మీ ముఖాన్ని తూర్పు వైపు ఉంచాలి. సూర్యుడు తూర్పు వైపు ప్రకాశించకపోతే, ఇతర దిశకు ముఖం చేసి, ఆపై నీటిని సమర్పించాలని చెబుతున్నారు.