Nava Graha: నవగ్రహాల అనుగ్రహం కోసం ఏం చేయాలో మీకు తెలుసా?

జ్యోతిష్యశాస్త్రంలో నవగ్రహాలకు ఉన్న ప్రాముఖ్యత గురించి మనందరికీ తెలిసిందే. గ్రహాల కదలికల ఆధారంగానే మనుషుల జీవితాలు ఆధారపడి ఉంటాయి అన్న విషయం మనందరికీ తెలిసిందే. మామూలుగా ఒకదాని తర్వాత ఒకటి కష్టాలు ఎదురవుతున్నప్పుడు గ్రహాల అనుకూలత బాగోలేదని అంటూ ఉంటారు. ఇక అలా గ్రహాల పరిస్థితి బాగోలేనప్పుడు నవగ్రహాలకు పూజలు కూడా చేయించుకోమని పండితులు చెబుతూ ఉంటారు. కొన్ని సార్లు లక్షల రూపాయలు ఖర్చు పెట్టి కూడా పూజలు హోమాలు చేస్తుంటారు. అంత డబ్బు ఖర్చు పెట్టి పూజలు యాగాలు చేయలేని వారికోసమే పరిహార శాస్త్రంలో చిన్న చిన్న రెమిడీలు ఉన్నాయని తంత్ర శాస్త్రికులు చెప్తున్నారు. ఆ రెమిడీలు ఏంటో ఇప్పుడు తెలుసుకుందాం.

సూర్యుడు.. నవగ్రహాలలో అత్యంత ముఖ్యమైనది రవి గ్రహం. అధికారానికి, ఆరోగ్యానికి, రాజకీయంగా ఎదుగుదలకు రవి కారకుడు. అయితే రవి గ్రహ అనుగ్రహం కోసం తల్లిదండ్రులను గౌరవించడంతో పాటు వారికి ఎప్పుడూ సేవ చేస్తూ ఉండాలి.

చంద్రుడు.. నవగ్రహాల్లో రెండవ గ్రహం అయిన చంద్రుడి అనుగ్రహం కోసం తల్లిదండ్రులను గౌరవించడం చాలా అవసరం. అలాగే జాతకంలో చంద్రుడు స్థితిని తెలుసుకుని పాలు నీళ్లు ఎవరికి ఉచితంగా దానం చేయడం మాంసాహారం తినడం లాంటివి అస్సలు చేయకూడదని చెబుతున్నారు.

కుజుడు.. ఇక నవగ్రహాలు మూడవ గ్రహం అయిన కుజుడు భూమి సంబంధమైన సంపదలకు కారకుడు. రియల్‌ ఎస్టేట్‌ రంగంలో రాణించాలన్నా, కోట్లు సంపాదించాలన్నా సంపూర్ణమైన కుజ బలం ఉండాల్సిందే. అయితే జాతక చక్రంలో కుజుడి యొక్క స్థితిని ఆధారంగా కొందరు చక్కెర వ్యాపారం చేయరాదు. వికలాంగులకు దూరంగా ఉండాలని సూచిస్తున్నారు.

బుధుడు.. కాగా నవ గ్రహాల్లో అత్యంత తెలివైన గ్రహం బుధుడు. వ్యాపారంలో రాణించాలి అన్నా, అఖండమైన పరిజ్ఞానాన్ని పొందాలి అన్నా బుధ గ్రహ బలం ముఖ్యం. ఇక జాతకంలో బుధ గ్రహం యొక్క స్థితిని ఆధారంగా చూసుకుని మాంసాహారం గుడ్లు చేపలు తినరాదు. మేనమామను ఆదరించాలి. యోగక్షేమాలు చూసుకోవాలని చెబుతున్నారు. అప్పుడే బుధుడు కరుణిస్తాడట.

గురువు.. అలాగే నవగ్రహాల్లో అత్యంత శుభప్రదమైన గ్రహం గురు గ్రహం. ఈ గురు గ్రహాన్నే బృహస్పతి అంగారక గ్రహం అని కూడా పిలుస్తారు. అఖండమైన ఆర్థిక యోగాన్ని, విద్యాయోగాన్ని కలిగించేదే ఈ గురుగ్రహం. ఈ గురు గ్రహ అనుగ్రహం కోసం ఇంటికి వచ్చిన అతిథులను గౌరవించాలి. రోజు పసుపును పాలతో కలిపి నుదుటన బొట్టు పెట్టుకోవాలి. ఆడవారు అయితే ముఖానికి పసుపు రాసుకోవాలని చెబుతున్నారు.

శుక్రడు.. సమస్త భోగభాగ్యాలను ప్రసాదించేదే శుక్ర గ్రహం. ఒక మనిషి అఖండమైన రాజయోగంతో బతుకుతుంటే అయనకు శుక్రదశ తిరిగింది అంటారు. అత్యంత విలాసవంతమైన జీవితాన్ని కూడా శుక్రుడే అనుగ్రమం వల్లే కలుగుతుంది. అటువంటి శుక్రుడి అనుగ్రహం కలగాలంటే ఇంటి ఆడ పిల్లలను గౌరవించాలి. ఆదరించాలి. ఒకవేళ ఇంటిలో ఆడపిల్లలు లేకుంటే మేనత్తను గౌరవించాలి. అత్త కూడా లేకుంటే కన్నతల్లిని గౌరవించాలి. అప్పుడే శుక్రుడి అనుగ్రమం లభిస్తుందట.

శని.. నవగ్రహాల్లో అత్యంత శక్తివంతమైన గ్రహం శని గ్రహం. శని ఎంతటి భయాన్ని కలిగిస్తాడో అంతకంటే రెట్టింపు సంతోషలను అందిస్తాడు అన్న విషయం చాలామందికి తెలియదు. మనిషి ఆయుర్ధాయానికి శని గ్రహమే కారణం. అటువంటి శని గ్రహం అనుకూలించాలి అంటే ఇంట్లో పని మనుషులను చికాకు పడకుండా జాగ్రత్తగా చూసుకోవాలి. పనివారికి తగినంత జీతం ఇవ్వాలి. ఇంట్లో పని వారు లేకుంటే బీద సాదలను వికలాంగులను ఆదరించాలని అప్పుడే శని చల్లని చూపు మన మీద పడుతుందని జ్యోతిష్యులు చెప్తున్నారు.

రాహువు.. మనుషుల అనూహ్య ఎదుగుదలకు, పతనానికి రాహువే కారకుడు. క్రమ శిక్షణకు కారకుడు రాహు గ్రహం. అంటువంటి రాహు గ్రహం అనుగ్రహం కోసం జాతకంలో రాహువు స్థితి ఆధారంగా బ్లూ అండ్‌ బ్లాక్‌ కలర్‌ డ్రెస్సులు వేసుకోరాదు. అలాగే కుక్కలను పెంచరాదు. కుక్కలను పెంచినట్లయితే రాహువు ఆగ్రహానికి గురి కావాల్సి వస్తుందట.

కేతువు.. నవగ్రహాల్లో చివరి గ్రహం కేతు గ్రహం. జాతకంలో కేతువు ఉచ్చ స్థితిలో ఉంటే ఆ వ్యక్తి ఏ రంగంలో ఉన్నా నెంబర్‌ వన్‌ పొజిషన్‌కు వెళ్తాడని జ్యోతిష్యులు చెప్తున్నారు. అటువంటి కేతు గ్రహం అనుగ్రహం కోసం జాతకంలో కేతువు ఉన్న స్థితి ఆధారంగా తప్పుడు వాగ్దానాలు చేయకూడదట. అలాగే సంతానం లేని వారి నుంచి భూమిని కొనుగోలు చేయకూడదని చెబుతున్నారు.

అయితే లక్షలు, వేలు పెట్టి నవగ్రహాలకు పూజలు చేయించలేని వారు ఈ చిన్న పరిహారాలు పాటిస్తే తప్పకుండా ఆ నవగ్రహాల అనుగ్రహం కలగడంతో పాటు జీవితంలో ఉన్నతి స్థితికి వెళ్తారని పండితులు చెప్తున్నారు.