Vastu Tips: స్టడీ రూం విషయంలో ఈ వాస్తు జాగ్రత్తలు పాటిస్తే మీ పిల్లలు తిరుగులేని మేధావులు అవుతారు…!!

Study Room Vastu Tips

ఇంట్లో పిల్లలు చదువుకునేందుకు స్టడీ రూం చాలా ముఖ్యమైనది. ఎందుకంటే ఆ స్థలం జ్ఞానం, విద్యతో ముడిపడి ఉంటుంది. పిల్లల భవిష్యత్తు విద్యపై ఆధారపడి ఉంటుంది. మీ పిల్లలు ఏ స్థలంలో కూర్చుని చదువుకుంటారో ఆ ప్రదేశం వాస్తూరీత్యా సరైనది అయి ఉండాలి. అప్పుడు వారి భవిష్యత్తు దేదీప్య మానంగా వెలిగిపోతుంది. ఇల్లు కట్టేటప్పుడే స్టడీ రూం ఎక్కడ ఉండాలనేది గుర్తుంచుకోవాలి. వాస్తు ప్రకారం, స్టడీ రూమ్ లేకపోతే, మీరు ఏకాగ్రతతో, అధ్యయనం చేయలేరు. పిల్లల మనస్సు చదువుపై నిమగ్నమై ఉండదు. దీనివల్ల వెనుకబడిపోతారు. వాస్తు ప్రకారం స్టడీ రూమ్ ఏ విధంగా ఉండాలి. ఏ జాగ్రత్తలు తీసుకోవాలో తెలుసుకుందాం.

స్టడీ రూమ్ కోసం వాస్తు టిప్స్…

1. వాస్తు ప్రకారం, స్టడీ రూమ్‌ను పశ్చిమ దిశలో మధ్యలో ఉంచడం మంచిది.

2. స్టడీ రూమ్ కిటికీలు ఉత్తరం లేదా తూర్పు దిశలో ఉండేలా చేయాలి, తద్వారా అక్కడ సరైన కాంతి మరియు సానుకూల శక్తి వస్తుంది.

3. స్టడీ రూమ్ ద్వారం తూర్పు, ఉత్తరం లేదా పడమర దిశలో పెట్టాలి.

4. మీ స్టడీ రూం లో ఈశాన్యంలో మాత సరస్వతి చిత్రపటాన్ని ఉంచాలి.

5. స్టడీ రూమ్‌లో చదువుతున్నప్పుడు, మీ ముఖం తూర్పు లేదా ఉత్తరం వైపు ఉండేలా చూసుకోవాలి.

6. మీ కంప్యూటర్ లేదా ల్యాప్‌టాప్‌ను స్టడీ రూమ్‌లోని ఆగ్నేయ కోణంలో ఉంచండి. దానికి ఇదే సరైన స్థలం.

7. మీరు మీ స్టడీ రూమ్ రంగును పసుపు లేదా కుంకుమ రంగులో ఉంచుకోవాలి, ఇది కాకుండా ఆకుపచ్చ రంగు కూడా మంచిది.

8. మీ ఇంట్లో పడమర మరియు ఆగ్నేయ కోణాల మధ్య స్టడీ రూమ్‌ను తయారు చేయడం సాధ్యం కాకపోతే, మీరు దానిని ఈశాన్యంలో కూడా నిర్మించుకోవచ్చు.

Follow us