Kalashtami 2024: కాలాష్టమి పండుగ ఎప్పుడు.. పేదరికం తొలిగిపోవాలంటే ఇలా చేయాల్సిందే!

హిందూ సాంప్రదాయంలో హిందువులు జరుపుకునే పండుగలలో కాలాష్టమి పండుగ కూడా ఒకటి. ఈ పండుగను అతి కొద్ది మంది మాత్రమే జరుపుకుంటూ ఉంటారు. రెండు తెలుగు రాష్ట్రాలతో పోల్చుకుంటే ఇతర రాష్ట్రాల్లో ఈ పండుగను ఎక్కువగా జరుపుకుంటూ ఉంటారు. ఈ పండగ రోజున శివుని ఉగ్ర రూపమైన కాల భైరవుని ఆరాధన చేయడం ఆనవాయితిగా వస్తోంది. ఈ రోజు కాల భైరవుడిని పూజించడమే కాకుండా లక్ష్మీదేవిని పూజించడం వల్ల కూడా అనేక సమస్యల నుంచి విముక్తి కలుగుతుందని భక్తుల నమ్మకం. కాలాష్టమి పండుగ రోజున 5 పరిహారాలు పాటించడం వల్ల కాలభైరవుడి అనుగ్రహం లభిస్తుందట.

అంతేకాకుండా జీవితంలో సమస్యలు కూడా తొలగిపోతాయట. అయితే ఈ రోజు ఏయే పరిహారాలు పాటించాలో ఇప్పుడు మనం తెలుసుకుందాం.. ఈ కాలాష్టమి పండుగ ప్రతి ఏడాది నవంబర్‌ నెలలో జరుపుకుంటారు. అయితే ఈ సంవత్సరం కూడా మార్గశీర్ష మాసంలోని శుక్ల పక్ష అష్టమి తిథి జరుపుకోవాలని పండితులు చెబుతున్నారు. ఈ తిథి నవంబర్‌ నెల 22 శుక్రవారం సాయంత్రం నుంచి మొదలు కాబోతోంది. అయితే ఈ పండగ సమయం నవంబర్ 23వ తేదీ శనివారం రాత్రి 7:56 గంటలకు వరుకు కూడా కొనసాగుతుంది. కాబట్టి ఈ సమయంలో కాలభైరవుడిని పూజించడం వల్ల బోలెడు లాభాలు కలుగుతాయట.

కాలాష్టమి రోజున శని దేవుడికి ఎంతో ఇష్టమైన నువ్వులను దానం చేయడం వల్ల కాల భైరవుడి అనుగ్రహం లభిస్తుందట. దీని వల్ల పాపాలన్నీ తొలగిపోతాయని, మోక్షం కూడా లభిస్తుందని చెబుతున్నారు. అలాగే ఎలాంటి సమస్యలైనా సులభంగా తొలగిపోతాయట. కాలాష్టమి రోజు కాల భైరవుడిని పూజించి ఏవైనా ఇనుప వస్తువులు దానం చేయడం వల్ల శత్రువుల నుంచి విముక్తి లభిస్తుందట. అంతేకాకుండా ఎలాంటి పనుల్లోనైనా సులభంగా విజయాలు సాధిస్తారట. అలాగే దీర్ఘకాలికంగా వస్తున్న ఎలాంటి సమస్యలైనా పూర్తిగా తొలగిపోతాయని చెబుతున్నారు. అలాగే ఈ రోజున నల్ల కుక్కకు రోటీలు తినిపించడం వల్ల చాలా లాభాలు కలుగుతాయట. అలాగే బ్రెడ్ ని కూడా తినిపించవచ్చు అని చెబుతున్నారు.

కాలభైరవుడిని పూజించడం వల్ల మంచి జరుగుతుందట. కాలాష్టమి పండగ రోజున భైరవుడికి సంబంధించిన “ఓం క్లీం కాళికాయై నమః” అనే మంత్రాన్ని ఉదయాన్నే పఠించడం వల్ల అనేక సమస్యలు తొలగిపోతాయట. అంతేకాకుండా అన్ని కష్టాలు కూడా గట్టెక్కుతాయని చెబుతున్నారు.
అదేవిధంగా కాలాష్టమి పండగకు ప్రత్యేకమైన ప్రాముఖ్యత ఉంది. అయితే ఈ రోజు ఆవనూనె దీపం వెలిగించడం చాలా మంచిది. కాల భైరవుడి స్వామి ముందు ఆవనూనె దీపాన్ని వెలిగించి కోరికలు కోరుకోవడం వల్ల సులభంగా నెరవేరుతాయట. అంతేకాకుండా ఇంట్లో ఆనందం కూడా విపరీతంగా పెరుగుతుందని చెబుతున్నారు.