Vaastu : ఈశాన్యంలో బరువు ఉంచకూడదు, మరి వాస్తు ప్రకారం ఏ దిశలో బరువు ఉంచాలో తెలుసుకోండి..!!
ఇంట్లోని బరువైన వస్తువులను ఈశాన్యంలో ఉంచకూడదని వాస్తు నిపుణులు చెబుతున్నారు.
- By hashtagu Published Date - 09:00 AM, Sun - 4 September 22
ఇంట్లోని బరువైన వస్తువులను ఈశాన్యంలో ఉంచకూడదని వాస్తు నిపుణులు చెబుతున్నారు. చాలా ఇళ్లలో ఒక గదిలో పాత సామాను వేసి నింపుతారు. అయితే పొరపాటున ఆ గది ఈశాన్యంలో ఉంటే మాత్రం అనేక ఇబ్బందులు పడాల్సి వస్తుంది.
మనం నైరుతిలో వస్తువులను ఉంచడం వల్ల మరింత సౌలభ్యం పొందవచ్చు. అనవసరమైన ఇబ్బందులను నివారించవచ్చు. అదేవిధంగా,ఆగ్నేయం, నైరుతిలో కూడా బరువు ఉంచుకోవచ్చు. అప్పడు జీవితం మరింత సాఫీగా సాగుతుంది.
తూర్పు:- ఈ దిక్కున ద్వారం మీద మంగళకర తోరణం పెట్టడం శుభప్రదం. తద్వారా గృహస్థుని దీర్ఘాయువు పిల్లల సంతోషం కోసం ఇంటి ప్రవేశ ద్వారం మరియు కిటికీ ఈ దిశలో ఉండటం శుభప్రదంగా పరిగణించబడుతుంది.
ఆగ్నేయ: తూర్పు, దక్షిణాల మధ్య ఉండే దిశను ఆగ్నేయ కోణం అంటారు. కిచెన్, గ్యాస్, బాయిలర్, ట్రాన్స్ఫార్మర్ మొదలైనవి ఈ దిశలో ఉండాలి.
దక్షిణం:– దక్షిణ దిక్కులో మరుగుదొడ్డి మొదలైనవి ఉండకూడదు. ఈ దిశలో భూమి కూడా ఎక్కువగా ఉండాలి. ఈ దిక్కున ఉన్న భూమిపై బరువు ఉంచడం వల్ల ఇంటి యజమాని సంతోషంగా, ఆరోగ్యంగా ఉంటాడు.
నైరుతి:– ఈ దిశలో ఎలాంటి ఓపెనింగ్ అంటే కిటికీ, తలుపు అస్సలు ఉండకూడదు. ఇంటి యజమాని గది ఈ దిశలో ఉండాలి. మీరు ఈ దిశలో క్యాష్ కౌంటర్లు, యంత్రాలు మొదలైనవాటిని ఉంచవచ్చు.
పశ్చిమం:– ఈ దిశలో భూమి అధిక ఎత్తులో ఉండటం మీ విజయానికి, కీర్తికి మంచి సంకేతం. మీ వంటగది లేదా టాయిలెట్ ఈ దిశలో ఉంచవచ్చు.
వాయవ్య:– మీ పడకగది, గ్యారేజ్, గోశాల మొదలైనవి ఈ దిశలో ఉండాలి.
ఉత్తరం:– ఈ దిశలో ఇంటి కిటికీలు , తలుపులు ఉండాలి. ఇంటి బాల్కనీ, వాష్ బేసిన్ కూడా ఈ దిశలో ఉండాలి. ఈ దిశలో వాస్తు దోషం ఉంటే ధన నష్టం, వృత్తిలో ఆటంకాలు ఎదురవుతాయి.
Tags
Related News
Surya Tilak: అయోధ్యలో నేడు అద్భుతం.. సూర్య తిలకం కోసం ప్రత్యేక టెక్నాలజీ..!
ఈరోజు అంటే రామ నవమి రోజున అయోధ్యలోని రామ మందిరంలో అద్భుతమైన దృశ్యం కనిపిస్తుంది.