Camphor: ఇంట్లో కర్పూరం వెలిగిస్తే ఏం జరుగుతుందో మీకు తెలుసా?

మామూలుగా దేవుడికి పూజ చేసిన తర్వాత చివర్లో కర్పూరం వెలిగించి హారతి ఇవ్వడం అన్నది తప్పనిసరి. ఆ హారతిని మనం కళ్ళకు అద్దుకుంటూ ఉంటాం. ఇంట్లోని పూజా మందిరంలో అలాగే దేవాలయాలలో ఇలా హారతిని ఇస్తూ ఉంటారు. ఇలా కర్పూరం వెలిగించినప్పుడు మంచి సువాసన వెదజల్లుతూ ఉంటుంది. ఆ వాసన చాలా బాగుంటుంది. అంతేకాకుండా కర్పూరం నుంచి వెలువడే పొగ కొన్ని రకాల బ్యాక్టీరియాలను దూరం చేస్తుందని చెబుతున్నారు. కర్పూరం వెలిగించినప్పుడు ఆధ్యాత్మిక భావన కలుగుతుందట. అలాగే కర్పూరం వెలిగించడం వల్ల మానసిక ప్రశాంతత లభిస్తుందట. అయితే అది మాత్రమే కాదు.

రోజూ ఇంట్లో కూడా మనం కర్పూరం వెలిగించి ఆ వాసన పీల్చడం వల్ల అనేక ప్రయోజనాలు జరుగుతాయట. చాలా రకాల అనారోగ్య సమస్యలు కూడా దూరమౌతాయని చెబుతున్నారు. ఇంట్లో కర్పూరం వెలిగించడం వల్ల ఆ వాసన పీల్చడం వల్ల ఒత్తిడి దూరం అవుతుందట. అలాగే ఆందోళన కూడా తగ్గుతుందట. ఆ సువాసనలు రూమ్ మొత్తం ప్రవహించి ఇంట్లో పాజిటివ్ ఎనర్జీని పెంచుతుందని, దాని వల్ల మన మనసు మానసికంగా చాలా సంతోషంగా మారి మనకు తెలీకుండానే మన ముఖంలో ఒక చిరునవ్వు వస్తుందని చెబుతున్నారు.

కాగా తరచుగా కర్పూరం వాసన పీల్చడం వల్ల జలుబు, దగ్గు వంటి సీజనల్ వ్యాధులు రాకుండా ఉంటాయట. అంతేకాకుండా తరచూ తలనొప్పి, మైగ్రేన్ సమస్యలతో బాధపడుతున్నవారు కూడా రోజూ ఇంట్లో కర్పూరం వెలిగించుకుంటే దాని వాసనలకు ఈ సమస్యల నుంచి ఉపశమనం లభిస్తుందని చెబుతున్నారు. అదేవిధంగా పచ్చ కర్పూరంలో యాంటీ బ్యాక్టీరియల్, యాంటీ ఫంగల్ లక్షణాలు ఉంటాయి. అవి.సూక్ష్మ క్రిములను కూడా దూరంగా ఉంచుతాయట. కాబట్టి ఇంటిని శుభ్రం చేసే సమయంలో ఆ నీటిలో కర్పూరం బిల్లను వేసి ఇల్లు తడుచచుకుంటే ఇంట్లో బ్యాక్టీరియా ఉండదట. అదేవిధంగా ఇంట్లో చెడు వాసనలు కూడా రాకుండా ఉంటాయని చెబుతున్నారు. ఒక్కోసారి ఇంటిపని, ఆఫీసు పని చేసి ఒళ్లు నొప్పులు వస్తూ ఉంటాయట. అలాంటి సమయంలో కర్పూరం ని నూనెలో కరిగించి దానిని నొప్పి ఉన్న ప్రదేశంలో రాసుకుంటే నొప్పి నుంచి ఉపశమనం లభిస్తుందట. ఇక దురదలు వచ్చే ప్రదేశంలో రాసుకంటే ఆ దురదలు కూడా తగ్గిపోతాయట. కండరాలు, కీళ్ల నొప్పులు కూడా తగ్గి ఆరోగ్యంగా ఉంటారని చెబుతున్నారు.