Rajamouli:’RRR’ తో ఏ డైరెక్టర్ సాధించని మూడు రికార్డులు క్రియేట్ చేసిన ‘రాజమౌళి’..!

Alia Rajamouli

ఇండియాలోనే కాదు వరల్డ్ వైడ్ గా గుర్తింపు తెచ్చుకున్నారు దర్శకధీరుడు రాజమౌళి. ప్రస్తుతం ఎక్కడ చూసినా… ఆయన పేరే మారుమ్రోగుతోంది. జక్కన్న ఓకే అంటే హాలీవుడ్ ఇండస్ట్రీలో బడా నిర్మాణ సంస్థలు కూడా ఆయనతో సినిమాలు చేయటానికి సిద్దంగా ఉన్నాయి. బాహుబలి, “RRR” సినిమాలతో తన దర్శకత్వ ప్రతిభ ఏంటో ప్రపంచానికే పరిచయం చేశారు రాజమౌళి. ఈ సినిమాలన్నీ కూడా ఇండియన్ ఫిల్మ్ ఇండస్ట్రీ బాక్స్ ఆఫీస్ వద్ద రికార్డులే కాదు.. వరల్డ్ వైడ్ గా తెలుగువాడి సత్తా ఏంటో చూపించాయి. జక్కన్న అంటేనే.. టేకింగ్ తో పాటు విజువలైజేషన్.. క్యారెక్టర్ల లో భావోద్వేగాలు.. చూసే ప్రేక్షకుల హృదయాలను పిండేసే రీతిలో కథను నడిపించడం. అందుకే ప్రపంచ సినీ దిగ్గజాలు రాజమౌళిలోని డైరెక్షన్ టాలెంట్ కి ఫిదా అయిపోతున్నారు. బాలీవుడ్ ఇండస్ట్రీలో టాప్ హీరోలు అమీర్ ఖాన్, సల్మాన్ ఖాన్, రణ్ వీర్ సింగ్ తో పాటు, చాలామంది నిర్మాతలు జక్కన్న తో సినిమా చేయడానికి ఇంట్రెస్ట్ చూపిస్తున్నారు. రాజమౌళి ఓకే అంటే చాలు ఎన్ని కోట్ల రూపాయలు అయినా ఇవ్వడానికి సిద్దంగా ఉన్నారు. ఇదిలా ఉంటే దర్శకధీరుడు రాజమౌళి దర్శకత్వంలో మార్చి 25న ప్రపంచ వ్యాప్తంగా అత్యధిక ధియేటర్లలో విడుదలైన “RRR” మూవీ… సునామి కలెక్షన్లతో దూసుకుపోతూ…. బాక్స్ ఆఫీస్ వద్ద సరికొత్త రికార్డులు క్రియేట్ చేస్తున్న సంగతి తెలిసిందే.

అయితే “RRR” చిత్రంతో ఇండియన్ ఫిల్మ్ ఇండస్ట్రీలో ఇప్పటివరకు ఏ దర్శకుడు నమోదు చేయని మూడు రికార్డులను రాజమౌళి నమోదు చేయడం విశేషం. ఆ మూడు రికార్డులు ఏంటంటే.. బాలీవుడ్ మార్కెట్ (హిందీ) లో వరుసపెట్టి మూడు సినిమాలతో రూ. 100 కోట్లు కలెక్ట్ చేయటం. రెండో రికార్డు.. అమెరికాలో వరుసగా రెండు సినిమాలతో 10 మిలియన్ డాలర్లు సాధించడం. ఇక మూడో రికార్డు ఏంటంటే… వరుసగా హ్యాట్రిక్ సినిమాలతో రూ. 500 కోట్లు కలెక్ట్ చేయడం. ఇలా ఇప్పటివరకు భారతీయ చలన చిత్ర పరిశ్రమలో ఏ దర్శకుడు కూడా ఇలాంటి ఫీట్ ను సాధించలేదు.. ఒక్క రాజమౌళి తప్ప. అందుకే రాజమౌళి అంటే… ఇండియాలోనే కాదు ప్రపంచవ్యాప్తంగా ఉన్న హీరోలు, ప్రముఖ నిర్మాణ సంస్థలు ఆయనతో కలిసి సినిమాలు చేసేందుకు ఇంట్రెస్ట్ చూపిస్తున్నారు. ఏది ఏమైనా కూడా ఒక తెలుగు దర్శకుడు ఈ విధంగా కీర్తిగడించడం అనేది నిజంగా మన తెలుగు వారికి గర్వకారణం.

Follow us