Anjali : విషాల్ 35లో అంజలి ఎంట్రీ

Anjali

Anjali : దర్శకుడు రవి అరసు తెరకెక్కిస్తున్న, హీరో విషాల్ ప్రధాన పాత్రలో వస్తున్న 35వ చిత్రంపై అంచనాలు రోజురోజుకి పెరుగుతున్నాయి. తాజాగా ఈ చిత్ర బృందం మరో ఆసక్తికర అప్‌డేట్‌ను వెల్లడించింది. ప్రముఖ నటి అంజలి ఈ చిత్ర యూనిట్‌లో చేరారు. ఈ విషయాన్ని అధికారికంగా ప్రకటించిన చిత్ర యూనిట్, “విషాల్ 35లో ప్రతిభావంతమైన, అందమైన అంజలి మా టీమ్‌లో చేరడం చాలా ఆనందంగా ఉంది” అంటూ సోషల్ మీడియా వేదికగా తెలిపింది. ప్రస్తుతం ఊటిలో రెండో షెడ్యూల్ చిత్రీకరణ జరుగుతుండగా, దానికే అంజలి కూడా జాయిన్ అయ్యారు.

ఈ నెల 1వ తేదీ చెన్నైలో మొదలైన ఈ సినిమా షూటింగ్ వేగంగా జరుగుతోంది. రెండో షెడ్యూల్ కేవలం నాలుగు రోజుల క్రితమే ఆరంభమైంది. షూటింగ్ మొదలైన విషయాన్ని హీరో విషాల్ వీడియో పోస్ట్ ద్వారా అభిమానులకు తెలియజేశారు. ఆగష్టు ప్రారంభంలోనే ప్రారంభమైన ఈ చిత్రం, జూలైలో నిర్వహించిన గ్రాండ్ పూజా కార్యక్రమంతో అధికారికంగా లాంచ్ అయిన విషయం తెలిసిందే. ప్రసిద్ధ నిర్మాణ సంస్థ సూపర్ గుడ్ ఫిలిమ్స్ బ్యానర్‌పై ఆర్.బి.చౌదరి నిర్మిస్తున్న ఈ చిత్రం ప్రత్యేకత ఏమిటంటే, ఇది వారి 99వ ప్రాజెక్ట్ కావడం. ఇప్పటి వరకు ఎన్నో బ్లాక్‌బస్టర్ సినిమాలు అందించిన ఈ బ్యానర్, కొత్త దర్శకులను, ప్రతిభావంతులను పరిశ్రమకు పరిచయం చేసిన హౌస్‌గా నిలిచింది.

Roja : ఈవీఎంల ట్యాంపరింగ్‌తోనే కూటమికి గెలుపు : రోజా ఆరోపణలు

రవి అరసుతో విషాల్ తొలిసారి కలిసి పనిచేస్తుండగా, ఇటీవలే ‘మధ గజ రాజా’తో విజయాన్ని అందుకున్న విషాల్ ఈ సినిమాతో కూడా తన విజయయాత్రను కొనసాగించాలని లక్ష్యంగా పెట్టుకున్నారు. టెక్నికల్ విభాగంలో కూడా ఈ చిత్రానికి భారీ క్రేజ్ ఉంది. ప్రముఖ సినిమాటోగ్రాఫర్ రిచర్డ్ ఎం.నాథన్ ఈ చిత్రానికి కెమెరా పనులు అందిస్తుండగా, ఆయన విషాల్‌తో గతంలో ‘మధ గజ రాజా’ చిత్రంలో పనిచేశారు. అలాగే సంగీత విభాగంలో విషాల్, జివి ప్రకాశ్ కాంబో మళ్లీ రిపీట్ అవుతుండటం అభిమానుల్లో ప్రత్యేక ఆసక్తిని రేకెత్తిస్తోంది. ఎడిటింగ్ బాధ్యతలు ఎన్‌బి.శ్రీకాంత్ తీసుకోగా, ఆర్ట్ డైరెక్షన్ డురైరాజ్, కాస్ట్యూమ్ డిజైన్ వసుకి భాస్కర్ చేస్తున్నారు.

ఇక హీరోయిన్‌గా దుషారా విజయన్ విషాల్ సరసన నటిస్తుండగా, ఈ కాంబినేషన్ కూడా తొలిసారే. తోడు థంబి రామయ్య, అర్జై తదితరులు కీలక పాత్రల్లో కనిపించనున్నారు. ఇప్పుడు అంజలి చేరికతో ఈ ప్రాజెక్ట్‌పై అంచనాలు మరింతగా పెరిగాయి. మొత్తానికి, సూపర్ గుడ్ ఫిలిమ్స్ ప్రతిష్టాత్మక 99వ ప్రాజెక్ట్‌గా వస్తున్న ఈ చిత్రం, భారీ తారాగణం, టెక్నికల్ టీమ్, కొత్త కాంబినేషన్లతో ఇప్పటికే తమిళ సినిమా ఇండస్ట్రీలో హాట్ టాపిక్‌గా మారింది.

Musi River : మూసీ తీరాల్లో బోటింగ్ సదుపాయం.. హైదరాబాద్‌కు మరో పర్యాటక ఆకర్షణ

Follow us