Vijay Devarakonda : విజయ్ దేవరకొండతో శ్రీలీల.. మామూలు సర్‌ప్రైజ్ ఇవ్వలేదుగా..

Vijay Devarakonda Sreeleela New Movie opening

విజయ్ దేవరకొండ(Vijay Devarakonda) గత సంవత్సరం లైగర్(Liger) సినిమాతో వచ్చి భారీ పరాజయం చూశాడు. ఆ సినిమా తర్వాత కొన్నాళ్ళు ఎవ్వరికి కనపడలేదు. ఇటీవలే విజయ్ దేవరకొండ నెక్స్ట్ సినిమా ఖుషి(Kushi) షూటింగ్ మొదలుపెట్టారు. ఈ సినిమాలో సమంత(Samantha) హీరోయిన్ గా నటిస్తుంది. ప్రస్తుతం ఈ సినిమా షూటింగ్ దశలో ఉంది. అలాగే ఇటీవల కొన్ని రోజుల క్రితం జెర్సీ సినిమా డైరెక్టర్ గౌతమ్ తిన్ననూరితో ఓ సినిమాని ప్రకటించాడు విజయ్ దేవరకొండ.

గౌతమ్ తిన్ననూరి దర్శకత్వంలో సితార ఎంటర్టైన్మెంట్స్, ఫార్ట్యూన్ ఫోర్ సినిమాస్, శ్రీకర స్టూడియోస్ సంయుక్త నిర్మాణంలో విజయ్ దేవరకొండ 12వ సినిమా తెరకెక్కుతుంది. ఈ సినిమా ప్రకటించినప్పుడే ఓ పోస్టర్ ని రిలీజ్ చేసి ఇది స్పై థ్రిల్లర్ అని ప్రకటించారు. దీంతో ఈ సినిమాపై అంచనాలు నెలకొన్నాయి. అప్పట్నుంచి ఈ సినిమా గురించి ఎలాంటి అప్డేట్ లేదు.

ఎలాంటి అప్డేట్ నేడు సడెన్ గా ఈ సినిమా ఓపెనింగ్ పూజా కార్యక్రమం నిర్వహించారు. నేడు ఉదయం రామానాయుడు స్టూడియోలో విజయ్ దేవరకొండ 12వ సినిమా పూజా కార్యక్రమాలు నిర్వహించారు. ఇదే రోజు ఈ సినిమాలో శ్రీలీల హీరోయిన్ గా నటిస్తుందని ప్రకటించారు. శ్రీలీల కూడా ఈ పూజా కార్యక్రమంకు హాజరైంది. దీంతో విజయ్ అభిమానులతో పాటు అంతా ఆశ్చర్యపోతున్నారు. సడెన్ గా సినిమా ఓపెనింగ్ చేయడం, విజయ్ దేవరకొండ సరసన శ్రీలీల హీరోయిన్ గా ప్రకటించడంతో షాక్ అవుతున్నారు. ఇక విజయ్ దేవరకొండ అభిమానులు ఈ సినిమా కోసం ఆతృతగా ఎదురుచూస్తున్నారు.

ఇప్పటికే శ్రీలీల చేతిలో దాదాపు 8 తెలుగు సినిమాలు ఉన్నాయి. ఈ సినిమాతో మరోటి ఖాతాలో చేరింది. విజయ్ దేవరకొండ – శ్రీలీల కాంబినేషన్ ఎలా ఉంటుందో చూడాలి.

Also Read :  Vikram : విక్రమ్ కు పెద్ద ప్రమాదం.. విరిగిన పక్కటెముక.. హాస్పిటల్లో విక్రమ్..

Follow us