Manchu Manoj: భార్య గురించి ఎమోషనల్ ట్వీట్ చేసిన మంచు మనోజ్.. నీ రెండేళ్ల ప్రేమ సరిపోదు అంటూ!

తెలుగు సినీ ప్రేక్షకులకు టాలీవుడ్ హీరో మంచు మనోజ్ గురించి ప్రత్యేకంగా పరిచయం అక్కర్లేదు. కాగా మంచు మనోజ్ ప్రస్తుతం సినిమాలలో నటించకపోయినప్పటికీ తరచూ ఏదో ఒక విషయంతో వార్తలు నిలుస్తూనే వస్తున్నాడు. ముఖ్యంగా మంచు ఫ్యామిలీకి సంబంధించిన కాంట్రవర్సీలలో ఎక్కువగా మంచు మనోజ్ పేరు వినిపిస్తోంది. అప్పుడప్పుడు తన భార్య మౌనిక రెడ్డి విషయంలో కూడా వార్తల్లో నిలుస్తూ ఉంటారు మంచు మనోజ్. రెండేళ్ల క్రితం వైవాహిక బంధంలోకి అడుగుపెట్టిన విషయం తెలిసిందే. నంద్యాల జిల్లా ఆళ్లగడ్డ కు చెందిన భూమా మౌనిక రెడ్డిని ప్రేమించి పెళ్లి చేసుకున్నారు మంచు మనోజ్.

గత ఏడాది ఈ దంపతులకు ఒక కుమార్తె కూడా జన్మించిన విషయం తెలిసిందే. 2023లో మార్చి మూడవ తేదీన వీరిద్దరి పెళ్లి వేడుక చాలా గ్రాండ్గా జరిగింది. తన సోదరీ మంచు లక్ష్మి నివాసంలో వివాహం జరిగింది. ఈ సందర్భంగా నూతన వధూవరులను టాలీవుడ్ నటుడు మంచు మోహన్‌ బాబు ఆశీర్వదించారు. ఇది ఇలా ఉంటే తాజాగా వీరి సెకండ్ వెడ్డింగ్ యానివర్సరీ కావడంతో మంచు మనోజ్ సోషల్ మీడియాలో ఒక ప్రత్యేకమైన పోస్ట్ చేశారు. సోషల్ మీడియా వేదికగా తన భార్యకు ప్రత్యేకంగా విషెస్ తెలిపారు. రెండో వివాహా వార్షికోత్సవం వేళ మౌనికలో ఉన్న సంతోషకరమైన క్షణాలను గుర్తు చేసుకున్నారు. ఈ సందర్భంగా ట్విటర్‌ లో ఒక ఎమోషనల్ నోట్‌ రాసుకొచ్చారు.

 

 

View this post on Instagram

 

A post shared by Manoj Manchu (@manojkmanchu)

మౌనికను పెళ్లి చేసుకోవడం నా జీవితంలో తీసుకున్న అత్యుత్తమ నిర్ణయమని పోస్ట్ చేశారు. ఈ సందర్భంగా మంచు మనోజ్ తన ట్వీట్ లో ఈ విధంగా రాసుకొచ్చారు. రెండు సంవత్సరాల క్రితం నా జీవితంలో అత్యుత్తమ నిర్ణయం తీసుకున్నాను. నా ప్రపంచాన్ని శాశ్వతంగా మార్చిన అమ్మాయిని వివాహం చేసుకున్నాను. మౌనిక నా జీవితంలోకి అడుగుపెట్టిన క్షణం నుంచి నాకు తెలియని కొత్త ప్రేమను అందించావు. నేను విధిని నమ్మడానికి కారణం నువ్వు నా కష్టాల్లో నా వాయిస్‌ గా, గందరగోళంలో నా ప్రశాంతతగా నిలిచావు. కేవలం రెండేళ్లలో ప్రేమ, సంతోషం, నవ్వులతో ఇద్దరు అందమైన చిన్న పిల్లలతో ఇంటిని తీర్చిదిద్దావు. మన పిల్లల పట్ల ఒక తల్లిగా నీ అనంతమైన ప్రేమను చూసి ప్రతిరోజూ నీతో ప్రేమలో పడిపోతున్నాను. ఈ రెండేళ్లలోనే ఎన్నో ఎత్తులు, పతనాలు, విజయాలు, పోరాటాలను ఎదుర్కొన్నాను. కానీ వీటన్నింటిలో ఒకటి మాత్రం స్థిరంగా ఉంది. అదే మనం. నువ్వు ఎప్పటికీ నా బెస్ట్ ఫ్రెండ్, నాకు అతిపెద్ద సపోర్టర్‌. ఈ రెండేళ్లు నాపై నువ్వు చూపించిన ప్రేమకు.. నా జీవితకాలం సరిపోదు. హ్యాపీ వార్షికోత్సవ శుభాకాంక్షలు మున్నీ. మన కలలు, సాహసాలు, ప్రేమ, సమయంతో పాటు మరింత బలంగా పెరుగుతుంది. ఇట్లు నీ మను అంటూ తన పోస్టులో రాసుకొచ్చారు. అయితే అంతకంటే ముందే మౌనిక సోషల్ మీడియా వేదికగా తన భర్త మంచు మనోజ్‌కు పెళ్లి రోజు శుభాకాంక్షలు చెబుతూ ఫోటోలను షేర్ చేసిన విషయం తెలిసిందే.