Raviteja : సంక్రాంతి బరిలో ‘ఈగల్’ ..

Raviteja Eagle

మాస్ మహారాజా రవితేజ (Raviteja) నటిస్తున్న చిత్రాల్లో ఈగల్ (Eagle ) ఒకటి. సినిమాటోగ్రాఫర్ గా ఎంతో గుర్తింపు తెచ్చుకున్న కార్తీక్ (Karthik) .. దర్శకుడిగా పరిచయం అవుతూ ఈ మూవీని డైరెక్ట్ చేస్తున్నాడు. పీపుల్ మీడియా ఫ్యాక్టరీ ఈ సినిమాని ప్రతిష్టాత్మకంగా నిర్మించబోతోంది. ప్రస్తుతం షూటింగ్ దశలో ఉన్న ఈ చిత్రం.. రవితేజ కెరీర్ లో 73వ సినిమాగా రాబోతుండడం విశేషం. స్పై యాక్షన్ థ్రిల్లర్‌గా రాబోతున్న ఈ సినిమాలో హీరోయిన్ గా అనుపమ పరమేశ్వరన్ (Anupama Parameswaran) నటిస్తుంది. సంక్రాంతి కానుకగా ఈ మూవీ జనవరి 13 న ప్రేక్షకుల ముందుకు రాబోతుంది. ఈ మేరకు మేకర్స్ అధికారిక ప్రకటన చేసారు.

ఈ సినిమా తో పాటు రవితేజ ప్రస్తుతం టైగర్ నాగేశ్వరరావు (Tiger Nageswara Rao) సినిమాలో నటిస్తున్నాడు. ఒకప్పటి స్టూవర్టుపురం గజదొంగ టైగర్ నాగేశ్వరరావు కథ ఆధారంగా వస్తున్న ఈ సినిమాతో రవితేజ మొదటిసారి పాన్ ఇండియా మార్కెట్ లోకి అడుగు పెడుతున్నాడు. అంతే కాదు కొన్నాళ్లుగా వెండితెరకు దూరంగా ఉంటున్న ఒకప్పటి హీరోయిన్ రేణూ దేశాయ్‌ (Renu Desai) ఈ సినిమాతో మళ్ళీ రీ ఎంట్రీ ఇస్తుండడం విశేషం. ఈ మూవీ అక్టోబర్ 20న ప్రేక్షకుల ముందుకు రాబోతుంది. ఇలా రెండు నెలల గ్యాప్ లోనే రెండు సినిమాలతో రవితేజ ప్రేక్షకుల ముందుకు రాబోతున్నాడన్నమాట.

Follow us