Rashmika : ఆ వార్తల్లో నిజం లేదు రష్మిక క్లారిటీ

కన్నడ సినీ పరిశ్రమ తనను బ్యాన్ చేసిందనే వార్తలపై ప్రముఖ నటి రష్మిక మందన్నా(Rashmika) స్పష్టత ఇచ్చారు. ఇటీవల సోషల్ మీడియాలో రష్మికను కర్ణాటక ఫిల్మ్ ఇండస్ట్రీ (Karnataka Film Industry) నుంచి తప్పించారని, అక్కడి నిర్మాతలు, దర్శకులు ఆమెతో పనిచేయరని కొన్ని వర్గాలు ప్రచారం చేశాయి. ఈ వార్తలు విస్తృతంగా వైరల్ కావడంతో అభిమానుల్లో ఆందోళన నెలకొంది. అయితే, ఈ ప్రచారాన్ని రష్మిక తేల్చి చెబుతూ.. “నన్ను ఎవ్వరూ బ్యాన్ చేయలేదు. నేను పుట్టి పెరిగింది ఆ రాష్ట్రంలోనే. అక్కడి ప్రేక్షకుల ప్రేమతోనే ఈ స్థాయికి వచ్చాను. నాకు కర్ణాటక మీద, అక్కడి ప్రజల మీద ఎంతో గౌరవం ఉంది” అని పేర్కొన్నారు.

Carney- Trump: కెనడా, అమెరికా మధ్య కీలక భేటీ.. ట్రంప్ నోట విలీనం మాట‌!

‘థామా’ సినిమా ప్రమోషన్లలో పాల్గొన్న రష్మిక మీడియాతో మాట్లాడుతూ.. “తెరవెనుక జరిగే విషయాలు ప్రపంచానికి తెలియవు. నేను ‘కాంతార’ టీమ్‌కు వ్యక్తిగతంగా విష్ చెప్పాను. అందరూ సోషల్ మీడియాలో చూసే దాని ఆధారంగా నిర్ణయాలు తీసుకోకూడదు. నేను ప్రతి విషయాన్ని ఆన్లైన్‌లో పంచుకునే వ్యక్తిని కాదు. వ్యక్తిగత జీవితం గురించి ఎవరేమనుకున్నా నాకు పెద్దగా పట్టదు. నా నటన, నా పనిపై మాట్లాడితే నాకు ఆనందం కలుగుతుంది” అని స్పష్టంగా తెలిపారు. ఆమె మాటల్లో నమ్మకం, సమతౌల్యం కనిపించాయి.

ఈ మధ్య కాలంలో రష్మికపై సోషల్ మీడియాలో విమర్శలు పెరగడం, ఆమె వివిధ భాషల్లో నటించడం వల్ల కొంత విభేద భావం ఏర్పడినట్లు గమనించవచ్చు. అయితే ఈ వివాదాలన్నింటినీ రష్మిక చాలా ప్రశాంతంగా ఎదుర్కొంటున్నారు. ఆమె ఇప్పటివరకు కన్నడ, తెలుగు, తమిళ, హిందీ చిత్రాల్లో నటించి మంచి పేరు సంపాదించారు. ఇదిలా ఉంటె రీసెంట్ గా ఈమె విజయ్ దేవరకొండ తో ఎంగేజ్మెంట్ జరుపుకుంది. ఫిబ్రవరి లో పెళ్లి పీటలు ఎక్కే ఛాన్స్ ఉందని అంటున్నారు. మరి పెళ్లి తర్వాత సినిమాలకు ఫుల్ స్టాప్ పెడుతుందా..? లేక నటిస్తుందా అనేది చూడాలి.