Pawan Kalyan- Sai Dharam Tej: సరికొత్త లుక్ లో పవర్ స్టార్.. బ్రో మోషన్ పోస్టర్ అదుర్స్!

పవర్ స్టార్ పవన్ కళ్యాణ్ (Pawan Kalyan), సుప్రీంహీరో సాయి ధరమ్ తేజ్ కాంబినేషన్ లో బ్రో సినిమా షూటింగ్ శరవేగంగా జరుగుతోంది. మామ అల్లుడు కలిసి నటిస్తుంటడంతో ఈ మూవీపై విపరీతమైన అంచనాలు ఏర్పడ్డాయి. బ్రో అనే టైటిల్ కూడా క్యాచిగా ఉందంటూ పవన్ ఫ్యాన్స్ ఖుషి అవుతున్నారు. తమిళం లో సూపర్ హిట్ గా నిల్చిన ‘వినోదయ్యా చిత్తం’ మూవీ స్టోరీ లైన్ ఆధారంగా తెరకెక్కుతోంది. ఈ చిత్రం జులై 28 వ తారీఖున విడుదల కాబోతుంది.

నిన్న మొన్నటి వరకు #PKSDT అనే వర్కింగ్ టైటిల్ తో పిలవబడిన ఈ సినిమాకి సంబంధించిన అసలు టైటిల్ ‘బ్రో’ (Bro) అని కాసేపటి క్రితమే మేకర్స్ అధికారికంగా ప్రకటించారు. టైటిల్ తో పాటుగా ఫస్ట్ లుక్, మోషన్ పోస్టర్ ని కూడా విడుదల చేసారు. ముఖ్యంగా మోషన్ పోస్టర్ వీడియో కి థమన్ అందించిన బ్యాక్ గ్రౌండ్ మ్యూజిక్ కి ఫ్యాన్స్ పూనకాలు వచ్చి ఊగిపోతున్నారు. శివునికి సంబంధించిన శ్లోకాలు బ్యాక్ గ్రౌండ్ లో ప్లే అవుతూ ‘బ్రో’ అంటూ సాగే ఈ వీడియో సినిమా పై అంచనాలను ఒక్కసారిగా పెంచేసింది. సాయి ధరమ్ తేజ్ ఇటీవల విరుపాక్ష మూవీతో హిట్ కొట్టడం, పవన్ కళ్యాణ్ తో కలిసి నటిస్తుండటంతో ఈ మూవీపై భారీ అంచనాలు పెట్టుకున్నారు మెగాభిమానులు.