బాక్సాఫీస్ కలెక్షన్స్ తో మళ్లీ ఊపందుకున్న మన శంకర వరప్రసాద్ గారు…
- Author : Vamsi Chowdary Korata
Date : 24-01-2026 - 9:56 IST
Published By : Hashtagu Telugu Desk
Mana Shankara Vara Prasad Garu Collections మెగాస్టార్ చిరంజీవి నటించిన ‘మన శంకర వరప్రసాద్ గారు’ చిత్రం బాక్సాఫీస్ వద్ద మరోసారి తన సత్తా చాటుతోంది. సంక్రాంతి తర్వాత రెండో వారంలో వసూళ్లు కాస్త నెమ్మదించినట్లు కనిపించినా, లాంగ్ వీకెండ్ రావడంతో సినిమా మళ్లీ పుంజుకుంది. శుక్రవారం సాయంత్రం నుంచే థియేటర్లలో ప్రేక్షకుల సందడి పెరిగింది.
- సంక్రాంతికి భారీ వసూళ్లు సాధించి రెండో వారంలో నెమ్మదించిన వైనం
- లాంగ్ వీకెండ్ అడ్వాంటేజ్తో థియేటర్లలో పెరిగిన సందడి
- రాబోయే మూడు రోజులు సినిమాకు కీలకం కానున్నాయని అంచనా
- చిరంజీవి-వెంకటేశ్ కాంబోకు ప్రేక్షకుల నుంచి మంచి స్పందన
తాజాగా లాంగ్ వీకెండ్ కలిసిరావడంతో ఈ అనుమానాలకు తెరపడింది. ఫ్యామిలీ ఆడియన్స్ పెద్ద సంఖ్యలో థియేటర్లకు వస్తుండటంతో రాబోయే మూడు నాలుగు రోజులు సినిమాకు కీలకంగా మారనున్నాయని ట్రేడ్ వర్గాలు అంచనా వేస్తున్నాయి. ఈ వీకెండ్ కలెక్షన్లు సినిమా ఫైనల్ రన్పై గణనీయమైన ప్రభావం చూపే అవకాశం ఉంది.
ఈ సినిమాలో విక్టరీ వెంకటేశ్ ‘వెంకీ గౌడ’గా కనిపించిన కామియో పాత్రకు విశేష స్పందన లభిస్తోంది. చిరంజీవి-వెంకటేశ్ల కాంబినేషన్ తెరపై ఆకట్టుకుందని ప్రేక్షకులు చెబుతున్నారు. నయనతార హీరోయిన్గా నటించిన ఈ చిత్రానికి భీమ్స్ అందించిన సంగీతం, సాహు గారపాటి-సుష్మిత కొణిదెల నిర్మాణ విలువలు కూడా బలంగా నిలిచాయి.
Follow us
