NTR31 : ఎన్టీఆర్, నీల్ సినిమాలో హీరోయిన్‌గా ఆ భామ..

Ntr Prasanth Neel Movie Actress Update Gone Viral

NTR31 : మాస్ యాక్షన్ డైరెక్టర్ ప్రశాంత్ నీల్, మ్యాన్ ఆఫ్ మాసస్ ఎన్టీఆర్ తో తన డ్రీం ప్రాజెక్ట్ ని తెరకెక్కించబోతున్న సంగతి తెలిసిందే. ఎన్టీఆర్ 31వ సినిమాగా రూపొందుతున్న ఈ చిత్రం.. ప్రస్తుతం ప్రీ ప్రొడక్షన్ వర్క్స్ జరుపుకుంటుంది. ఈ ఏడాది ఆగష్టు నుంచి ఈ సినిమా షూటింగ్ మొదలు కానుందని మేకర్స్ ఇటీవల తెలియజేసారు. ప్రశాంత్ తన డ్రీం ప్రాజెక్ట్ కథతో ఈ సినిమా తెరకెక్కిస్తున్నాని చెప్పుకు రావడంతో.. ఈ సినిమా పై భారీ అంచనాలు నెలకొన్నాయి.

దీంతో ఎన్టీఆర్ అభిమానులంతా ఈ మూవీ షూటింగ్ ఎప్పుడు మొదలవుతుందా..? సినిమా ఎప్పుడు థియేటర్స్ లోకి వస్తుందా..? అనే ఆసక్తితో ఎదురు చూస్తున్నారు. ఇక ఈ మూవీ పై ఉన్న క్యూరియాసిటీతో.. ఫిలిం వర్గాల్లో ఈ సినిమాకి సంబంధించిన ఏదో వార్త నిత్యం హల్‌చల్ చేస్తూనే ఉంది. తాజాగా ఈ మూవీలో నటించబోయే హీరోయిన్ కి సంబంధించిన వార్త వైరల్ గా మారింది. ఇంతకీ ఎన్టీఆర్ తో నటించబోయే ఆ అందాల భామ ఎవరు..?

ఈ ప్రెస్టీజియస్ ప్రాజెక్ట్ లోకి నేషనల్ క్రష్ రష్మిక మందన్నని తీసుకోవాలని మేకర్స్ ప్లాన్ చేస్తున్నారట. పుష్ప, యానిమల్ సినిమాలతో పాన్ ఇండియా హిట్స్ ని అందుకున్న ఈ భామ.. ప్రస్తుతం వరుస పాన్ ఇండియా ప్రాజెక్ట్స్ కి సైన్ చేస్తూ వస్తున్నారు. ఇక పాన్ ఇండియా వైడ్ ఈ అమ్మడికి ఉన్న క్రేజ్ ని ఉపయోగించుకోవడానికి.. ప్రశాంత్ నీల్, ఎన్టీఆర్ సినిమా కోసం రష్మికని తీసుకోవాలని భావిస్తున్నారట.

రష్మిక కూడా ఎన్టీఆర్ తో ఇప్పటివరకు నటించలేదు. మరి ఈ ప్రెస్టీజియస్ ప్రాజెక్ట్ లోకి రష్మిక ఎంట్రీ ఇస్తుందా లేదా చూడాలి. కాగా ఎన్టీఆర్ ప్రస్తుతం ‘దేవర’ సినిమాలో నటిస్తున్నారు. రెండు భాగాలుగా తెరకెక్కుతున్న ఈ చిత్రం మొదటి భాగం.. అక్టోబర్ లో రిలీజ్ కాబోతుంది.

Follow us