Devara – Game Changer : దేవర, గేమ్ ఛేంజర్‌కి బాలీవుడ్డే దిక్కు.. లేకుంటే భారీ నష్టాలు..

Devara – Game Changer : ఆర్ఆర్ఆర్ తరువాత రామ్ చరణ్, ఎన్టీఆర్ చేస్తున్న సినిమాలు గేమ్ ఛేంజర్, దేవర. ఈ రెండు చిత్రాలు పాన్ ఇండియా ప్రాజెక్ట్స్ గానే రూపొందుతున్నాయి. గేమ్ ఛేంజర్ చిత్రాన్ని తమిళ్ స్టార్ డైరెక్టర్ శంకర్ తెరకెక్కిస్తున్నారు. దేవరని టాలీవుడ్ స్టార్ డైరెక్టర్ కొరటాల డైరెక్ట్ చేస్తున్నారు. ఈ రెండు సినిమాల పై ఇద్దరు హీరోల ఫ్యాన్స్ తో పాటు.. పాన్ ఇండియా వైడ్ ఆడియన్స్ లో కూడా మంచి అంచనాలు నెలకొన్నాయి.

దీంతో మేకర్స్ కూడా ఈ రెండు చిత్రాలకు భారీగానే ఖర్చు చేస్తున్నారు. ఇప్పుడు ఇదే ఈ రెండు చిత్రాలకు పెద్ద ఛాలెంజ్ గా మారింది. గేమ్ ఛేంజర్ సినిమా రెండేళ్ల క్రిందటే మొదలు పెట్టుకుంది. కానీ శంకర్ ఈ సినిమాతో పాటు ఇండియన్ 2ని కూడా తెరకెక్కిస్తుండడంతో.. గేమ్ ఛేంజర్ షూటింగ్ ఆలస్యం అవుతూ వచ్చింది. ఇక ఈ ఆలస్యంతో సినిమా బడ్జెట్ అమాంతం పెరిగిపోయింది. ఇక దేవర విషయానికి వస్తే.. భారీ స్టార్ కాస్టింగ్, VFXతో తెరకెక్కిస్తుండడంతో బడ్జెట్ కొండెక్కింది.

ఈ రెండు చిత్రాలు బడ్జెట్ దాదాపు 400 కోట్లవరకు చేరుకున్నట్లు సమాచారం. ఈ బడ్జెట్ నుంచి నిర్మాతలు బయటపడాలంటే.. వెయ్యి కోట్ల మార్క్ ని తప్పకుండా అందుకోవాల్సి ఉంటుంది. అందుకు బాలీవుడ్ మార్కెట్ సపోర్ట్ తప్పకుండా కావాల్సిందే. హిందీ ఆడియన్స్ ని ఈ రెండు సినిమాలు ఆకట్టుకుంటే.. బ్రేక్ ఈవెన్ సాధించడం పెద్ద కష్టం ఏమి కాదు. కానీ ఒకవేళ ఈ రెండు చిత్రాలు హిందీ ఆడియన్స్ ని ఆకట్టుకోలేకపోయాయి అంటే.. భారీ నష్టాలను చూడాల్సి ఉంటుంది.

మరి ఈ ఆర్ఆర్ఆర్ హీరోలు ఈ సినిమాలతో బాక్స్ ఆఫీస్ వద్ద ఎలాంటి మ్యాజిక్ ని క్రియేట్ చేస్తారో చూడాలి. కాగా దేవర దసరా సమయంలో అక్టోబర్ 10న రిలీజ్ కాబోతుంది. గేమ్ ఛేంజర్ ఇంకా విడుదల తేదీని ఫిక్స్ చేసుకోలేదు.

Also read : OG – Game Changer : ఓజి, గేమ్ ఛేంజర్ రిలీజ్.. అబ్బాయి కోసం బాబాయ్ వెనక్కి తగ్గుతున్నాడా..?