ఈ వారం సంక్రాంతికి ఓటీటీలో సందడి చేసే సినిమాలు

Ott

OTT  Movies సంక్రాంతి పండగ వారంలో ఓటీటీ ప్రేక్షకులకు పూర్తి స్థాయి వినోదం అందించేందుకు ప్రముఖ ప్లాట్‌ఫామ్‌లు సిద్ధమయ్యాయి. Netflix, Amazon Prime Video, Jio Hotstar, ZEE5, Sony LIV, Ahaలలో ఈ వారం కొత్త సినిమాలు, వెబ్ సిరీస్‌లు స్ట్రీమింగ్‌కు వస్తున్నాయి. తెలుగులో గుర్రం పాపిరెడ్డి, దండోరా వంటి చిత్రాలు ఓటీటీలోకి రాగా, ఇతర భాషల యాక్షన్, డ్రామా, డాక్యుమెంటరీ కంటెంట్ కూడా అందుబాటులోకి రానుంది. థియేటర్‌కు వెళ్లలేని ప్రేక్షకులకు ఈ సంక్రాంతి ఓటీటీ పండగగా మారనుంది.

ఎప్పటిలాగే ఈ వారం కూడా ఓటీటీ ప్రేక్షకులు కొత్త సినిమాలు, వెబ్ సిరీస్‌ల కోసం ఆసక్తిగా ఎదురుచూస్తున్నారు. ముఖ్యంగా సంక్రాంతి పండగ వారంలో థియేటర్లతో పాటు ఓటీటీ ప్లాట్‌ఫామ్‌లపై కూడా ఎంటర్‌టైన్‌మెంట్‌కు ఎలాంటి కొరత ఉండదు అన్న అంచనాలతో ప్రేక్షకులు ముందుగానే తమ వాచ్‌లిస్ట్ రెడీ చేసుకుంటుంటారు. ఫ్యామిలీతో కలిసి చూసే సినిమాలు, ఒంటరిగా బింజ్ చేసే వెబ్ సిరీస్‌లు, యాక్షన్, డ్రామా, కామెడీ, డాక్యుమెంటరీలు ఇలా ప్రతి జానర్‌లోనూ కొత్త కంటెంట్ రావడంతో ఓటీటీ ప్రేక్షకుల మైండ్‌సెట్ పూర్తిగా ఎంజాయ్‌మెంట్ మూడ్‌లోకి వెళ్లిపోయింది.

ఈ వారం దేశవ్యాప్తంగా ప్రముఖ ఓవర్-ది-టాప్ ప్లాట్‌ఫామ్‌లు అయిన Netflix , Amazon Prime Video , Jio Hotstar , ZEE5, Sony LIV, Aha వంటి వేదికల్లో అనేక కొత్త సినిమాలు, వెబ్ సిరీస్‌లు స్ట్రీమింగ్‌కు సిద్ధమయ్యాయి. భారీ బడ్జెట్ చిత్రాల నుంచి లో-బడ్జెట్ కంటెంట్ వరకు అన్ని రకాల వినోదాన్ని అందించేందుకు ఓటీటీలు రెడీ అయ్యాయి. తెలుగు ప్రేక్షకులకు ప్రత్యేకంగా చెప్పుకోవాల్సిన విషయం ఏమిటంటే, గతనెల థియేటర్లలో మంచి టాక్ తెచ్చుకున్న గుర్రం పాపిరెడ్డి, దండోరా వంటి సినిమాలు ఇప్పుడు ఓటీటీలోకి రావడం. అలాగే మమ్ముట్టి నటించిన బ్లాక్‌బస్టర్ చిత్రం ‘కాలం కావల్’ కూడా ఈ పండగ వారంలో ఓటీటీ ప్రేక్షకులను అలరించేందుకు సిద్ధమైంది. థియేటర్‌లో మిస్ అయినవారికి ఇది మంచి అవకాశంగా మారనుంది.

ఆహా తమిళ్ వేదికగా జనవరి 13 నుంచి మహాసెంహా స్ట్రీమింగ్‌కు రానుండగా, సన్ నెక్ట్స్‌లో జనవరి 15 నుంచి మలయాళ సినిమా కిర్కన్ అందుబాటులోకి రానుంది. సోనీ లివ్‌లో జనవరి 16 నుంచి మల్టీ లాంగ్వేజ్‌లో విడుదలైన ‘కాలం కావల్’ స్ట్రీమింగ్ కానుంది. జీ5లో జనవరి 16న భా భా భా (మలయాళం)తో పాటు తెలుగు సినిమా గుర్రం పాపిరెడ్డి విడుదలవుతోంది.

ఇక అంతర్జాతీయ కంటెంట్ విషయానికి వస్తే, జియో హాట్‌స్టార్‌లో డౌన్‌టన్ అబ్బే: ది గ్రాండ్ ఫినాలే, టెల్ మీ లైస్ – సీజన్ 3, పోల్ టు పోల్ విత్ విల్ స్మిత్ వంటి హై ప్రొఫైల్ కంటెంట్ స్ట్రీమింగ్‌కు రానున్నాయి. నెట్‌ఫ్లిక్స్‌లో టాస్కరీ: ది స్మగ్లర్‌స్ వెబ్ సిరీస్, బోన్ లేక్, బ్లాక్ ఫోన్ 2, ది ఆర్‌ఐపీ: ట్రస్ట్ హ్యాస్ ఏ ప్రైస్ వంటి సినిమాలు, సిరీస్‌లు ప్రేక్షకులను ఆకట్టుకునే అవకాశముంది. అలాగే ‘స్ట్రేంజర్ థింగ్స్ 5’ మేకింగ్ డాక్యుమెంటరీ కూడా ప్రత్యేక ఆకర్షణగా నిలుస్తోంది.

ప్రైమ్ వీడియోలో రెంటల్ విభాగంలో పలు హాలీవుడ్ చిత్రాలు అందుబాటులోకి రానుండగా, లయన్స్‌గేట్ ప్లేలో కన్నడ సినిమా బండూక్ విడుదల కానుంది. మొత్తం మీద ఈ సంక్రాంతి వారంలో థియేటర్లకు వెళ్లలేని ప్రేక్షకులకు ఓటీటీలు పూర్తిస్థాయి వినోదాన్ని అందించేందుకు సిద్ధంగా ఉన్నాయి. ఫ్యామిలీ ఆడియన్స్ నుంచి యూత్ వరకు అందరికీ నచ్చేలా కంటెంట్ ఉండటంతో, ఈ వారం ఓటీటీ స్ట్రీమింగ్ హంగామా మామూలుగా ఉండబోదన్నది స్పష్టంగా కనిపిస్తోంది.

Follow us