Maruva Tarama : ‘మరువ తరమా’ ప్రీ రిలీజ్ ఈవెంట్ హైలైట్స్

సిల్వర్ స్క్రీన్ పిక్చర్స్ బ్యానర్‌పై రమణ మూర్తి గిడుతూరి మరియు రుద్రరాజు ఎన్.వి. విజయ్‌కుమార్ రాజు సంయుక్తంగా నిర్మించిన చిత్రం ‘మరువ తరమా’. హరిష్ ధనుంజయ, అతుల్య చంద్ర, అవంతిక హరి నల్వా ప్రధాన పాత్రల్లో నటించిన ఈ సినిమాకు చైతన్య వర్మ నడింపల్లి దర్శకత్వం వహించారు. ఈ చిత్రం నవంబర్ 28న విడుదల కానున్న నేపథ్యంలో బుధవారం నాడు చిత్ర యూనిట్ ప్రీ రిలీజ్ ఈవెంట్‌ను ఘనంగా నిర్వహించింది. ఈ కార్యక్రమానికి ఏపీ డిప్యూటీ స్పీకర్ రఘు రామ కృష్ణరాజు, యువ కథానాయకులు నారా రోహిత్, శ్రీ విష్ణు ముఖ్య అతిథులుగా విచ్చేసి చిత్ర బృందానికి శుభాకాంక్షలు తెలిపారు. ముఖ్య అతిథుల రాక, వారి ప్రోత్సాహకరమైన మాటలు చిత్ర యూనిట్‌లో కొత్త ఉత్సాహాన్ని నింపాయి.

Sc Woman Sarpanch Seat : సర్పంచ్ పదవి కోసం ‘ఎస్సీ మహిళ’తో పెళ్లి.. కట్ చేస్తే సీన్ మెుత్తం రివర్స్..!

ముఖ్య అతిథులు సినిమా కంటెంట్‌పై ప్రశంసలు కురిపించారు. ఏపీ డిప్యూటీ స్పీకర్ రఘు రామ కృష్ణరాజు మాట్లాడుతూ.. ‘మరువ తరమా’ టీజర్, ట్రైలర్ తనకు బాగా నచ్చాయని, విజువల్స్ అద్భుతంగా అనిపించాయని పేర్కొన్నారు. అంతేకాకుండా, సినిమా కథ ప్రస్తుత ట్రెండ్‌కు తగ్గట్టుగా ఉందని, ఈ చిత్రం పెద్ద విజయం సాధిస్తుందని ఆకాంక్షించారు. నారా రోహిత్, శ్రీ విష్ణు స్నేహబంధాన్ని కొనియాడుతూ, వారిద్దరూ ఈ కార్యక్రమానికి రావడం సంతోషంగా ఉందన్నారు. నారా రోహిత్ మాట్లాడుతూ, పాటలు మరియు లిరిక్స్ బాగున్నాయని, కంటెంట్ ఫ్రెష్‌గా ఉందని తెలిపారు. శ్రీ విష్ణు కూడా సినిమాలోని మాటలు పాటల్లా ఉన్నాయని మెచ్చుకుంటూ, తమ మిత్రుడు హరీష్ ధనుంజయ్ మంచి టైమింగ్‌ను ఆడియెన్స్ ఇష్టపడతారని విశ్వాసం వ్యక్తం చేశారు.

చిత్ర యూనిట్ సభ్యులు సినిమా పట్ల తమకున్న నమ్మకాన్ని వ్యక్తం చేశారు. హీరో హరీష్ ధనుంజయ్ మాట్లాడుతూ.. దర్శకుడు చైతన్య వర్మ నడింపల్లి తన స్నేహితుడి నిజ జీవిత కథను ప్రేరణగా తీసుకుని ఈ చిత్రాన్ని తెరకెక్కించారని తెలిపారు. ఈ సినిమా యూత్ ఆడియెన్స్‌కి బలంగా కనెక్ట్ అవుతుందని, ఇందులో పొయెట్రీ కనిపిస్తుందని హామీ ఇచ్చారు. దర్శకుడు చైతన్య వర్మ మాట్లాడుతూ, ఎన్ని సమస్యలు వచ్చినా ఈ ప్రయాణాన్ని పూర్తి చేయడం పెద్ద విజయంగా భావిస్తున్నానని, నిజాయితీగా ఓ అటెంప్ట్ చేశానని పేర్కొన్నారు. నవంబర్ 28న విడుదల కాబోతున్న ఈ చిత్రం ప్రేక్షకులకు వంద శాతం కనెక్ట్ అవుతుందని, ప్రేక్షకులు దీనిని ఆదరించాలని చిత్ర బృందం కోరింది.

మూవీ క్యాస్ట్ & క్రూ :

నటీనటులు: హరిష్ ధనుంజయ, అతుల్య చంద్ర, అవంతిక హరి నల్వా
సాంకేతిక బృందం
బ్యానర్: సిల్వర్ స్క్రీన్ పిక్చర్స్
నిర్మాతలు: రమణ మూర్తి గిడుతూరి, రుద్రరాజు N. V. విజయ్‌కుమార్ రాజు
రచన & దర్శకత్వం: చైతన్య వర్మ నడింపల్లి
సంగీతం: విజయ్ బుల్గానిన్ & ఆరిష్
DOP: రుద్ర సాయి
ఎడిటర్: కె.ఎస్.ఆర్
కొరియోగ్రఫీ: అజయ్ శివశంకర్