Bhakta Kannappa: మంచు విష్ణు డ్రీమ్ ప్రాజెక్ట్ ‘భక్త కన్నప్ప’ షురూ

Manchu Vishnu

మంచు విష్ణు డ్రీమ్ ప్రాజెక్టు మూవీ ‘భక్త కన్నప్ప’. చాలా కాలంగా ఈ సినిమా చేయాలని అనుకుంటున్నాడు. ఎట్టకేలకు ఈ సినిమాకి సమయం ఆసన్నమైంది. శ్రీకాళహస్తిలో పూజా కార్యక్రమాలతో ‘కన్నప్ప’ చిత్రం ప్రారంభమైంది. మంచు విష్ణు ఈ చిత్రాన్ని భారీ బడ్జెట్‌తో పాన్ ఇండియా స్థాయిలో నిర్మించేందుకు ప్లాన్ చేస్తున్నారు. అవా ఎంటర్‌టైన్‌మెంట్, 24 ఫ్రేమ్స్ ఫ్యాక్టరీ బ్యానర్‌పై మోహన్‌బాబు ఈ చిత్రాన్ని నిర్మించనున్నారు. విష్ణు మంచు సరసన కృతి సనన్ సోదరి నూపుర్ సనన్ కథానాయికగా కనిపించనుంది.

స్టార్‌ప్లస్‌లో ప్రసారమైన ‘మహాభారత్’ సిరీస్‌కి దర్శకత్వం వహించిన ముఖేష్ కుమార్ సింగ్ ఈ చిత్రానికి దర్శకత్వం వహిస్తున్నారు. సీనియర్ రచయితలు పరుచూరి గోపాలకృష్ణ, బుర్రా సాయిమాధవ్, తోట ప్రసాద్ ఈ కథకు తుది మెరుగులు దిద్దారు. మణి శర్మ మరియు స్టీఫెన్ దేవసి సంగీతం అందించారు. భారీ బడ్జెట్‌తో, హై టెక్నికల్ స్టాండర్డ్స్‌తో రూపొందుతున్న ఈ సినిమాలో భక్త కన్నప్ప గొప్పతనాన్ని ఈ తరానికి తెలియజేయనున్నారు. త్వరలోనే షూటింగ్ ప్రారంభించి సింగిల్ షెడ్యూల్‌లో సినిమాను పూర్తి చేస్తాం. భారతీయ చిత్ర పరిశ్రమలోని గొప్ప నటీనటులు ఈ చిత్రంలో కీలక పాత్రలు పోషిస్తారు’’ అని విష్ణు అన్నారు.

Also Read: Indrakaran Reddy: పర్యావరణహిత మట్టి వినాయ‌క‌ విగ్రహాలను పూజిద్దాం: మంత్రి ఇంద్ర‌క‌ర‌ణ్ రెడ్డి

Follow us