Malavika Nair: ఆ జాతిరత్నంని ఉంచుకుంటా.. ప్రముఖ హీరోయిన్ కామెంట్స్ వైరల్?
హీరోయిన్ మాళవిక నాయర్ గురించి ప్రత్యేకంగా పరిచయం అక్కర్లేదు. విజయ్ దేవరకొండ, నాని కలిసి నటించిన ఎవడే సుబ్రహ్మణ్యం సినిమాతో తెలుగు ఇండస్ట్రీక
- Author : Anshu
Date : 05-05-2023 - 5:50 IST
Published By : Hashtagu Telugu Desk
హీరోయిన్ మాళవిక నాయర్ గురించి ప్రత్యేకంగా పరిచయం అక్కర్లేదు. విజయ్ దేవరకొండ, నాని కలిసి నటించిన ఎవడే సుబ్రహ్మణ్యం సినిమాతో తెలుగు ఇండస్ట్రీకి హీరోయిన్ గా ఎంట్రీ ఇచ్చింది ఈ ముద్దుగుమ్మ. మొదటి సినిమాతోనే అందం అభినయం నటనతో మెప్పించినప్పటికీ అవకాశాలను మాత్రం అందుకోవడంలో వెనుకబడిపోయింది. ఆ తర్వాత పలు సినిమాలలో నటించినప్పటికీ ఆశించిన స్థాయిలో ఈ ముద్దుగుమ్మకు విజయం అందుకోలేకపోతోంది. ఇది ఇలా ఉంటే మాళవిక నాయర్ తాజాగా నటించిన చిత్రం మంచి శకునములే.
ఈ సినిమా మే 18వ తేదీన ప్రేక్షకుల ముందుకు రానుంది. ఇందులో సంతోష్ శోభన్,మాళవిక నాయర్ కలిసిన నటించారు. ఈ సినిమాకు నందిని రెడ్డి దర్శకత్వం వహించింది. కాగా ఈ సినిమా విడుదల తేదీ దగ్గర పడుతుండడంతో చిత్ర బృందం ప్రమోషన్స్ ని వేగవంతం చేసింది. ఈ నేపథ్యంలో తాజాగా ఒక చిన్న సీక్రెట్ ని విడుదల చేశారు మూవీ మేకర్స్. సినిమా కోసం జాతీయ రత్నం డైరెక్టర్ అనుదీప్ కూడా కష్టపడినట్లు తెలుస్తోంది. ఈ సినిమా ప్రమోషన్స్ లో భాగంగా తాజాగా మాళవిక నాయర్ అనుదీప్ మధ్య జరిగిన ఒక చిన్న సంభాషణకు సంబంధించిన వీడియో సోషల్ మీడియాలో వైరల్ గా మారింది.
View this post on Instagram
ఆ వీడియోలో ఇద్దరు మెట్లు దిగుతుండగా మాళవిక అనుదీప్ నీకో విషయం చెప్పాలి. ఏమీ అనుకోవద్దు మరి అని అనగా.. చెప్పండి అని అనడంతో నిన్ను ఉంచుకుంటా అబ్బాయ్ అంటూ షాక్ ఇచ్చింది మాళవిక నాయర్. ఆ మాటకు అనుదీప్ ముఖానికి చేతులు అడ్డం పెట్టుకుని సిగ్గు పడుతున్నాడు. ప్రస్తుతం అందుకు సంబంధించిన వీడియో సోషల్ మీడియాలో వైరల్ గా మారింది. ఆ వీడియోని షేర్ చేస్తూ అలా అనుదీప్ గారిని ఉంచుకోవడం జరిగింది అనే క్యాప్షన్ కూడా జోడించింది. అందుకు సంబంధించిన వీడియో సోషల్ మీడియాలో వైరల్ అవ్వడంతో ఆ వీడియో పై నెటిజన్స్ ఒక్కొక్కరు ఒక్కొక్క విధంగా స్పందిస్తున్నారు.
Follow us
