Krithi Shetty: నెటిజన్ కి దిమ్మ తిరిగే కౌంటర్ ఇచ్చిన కృతి శెట్టి.. నాగచైతన్య నాకేం సక్సెస్ ఇవ్వలేదంటూ?

టాలీవుడ్ హీరోయిన్ కృతి శెట్టి గురించి ప్రత్యేకంగా పరిచయం అక్కర్లేదు. వైష్ణవ్ తేజ్ హీరోగా నటించిన ఉప్పెన సినిమాతో హీరోయిన్ గా సినిమా ఇండస్ట్రీకి ఎంట్రీ ఇచ్చింది ఈ ముద్దుగుమ్మ. ఉప్పెన సినిమాతో ఉప్పెనలా దూసుకువచ్చింది. ఈ సినిమా తర్వాత బంగార్రాజు, మాచర్ల నియోజకవర్గం, ఆ అమ్మాయి గురించి మీకు చెప్పాలి, ది వారియర్, శ్యామ్ సింగరాయ్ లాంటి సినిమాలలో నటించి మెప్పించింది. అయితే ఉప్పెన సినిమా తర్వాత అంతో ఇంతో హిట్ టాక్ ని సొంతం చేసుకున్న సినిమా అంటే బంగార్రాజు అని చెప్పవచ్చు. సోగ్గాడే చిన్నినాయన సినిమాకు ఈ సినిమా సీక్వెల్ గా తెరకెక్కిన విషయం తెలిసిందే.

ఇందులో నాగార్జున నాగచైతన్య రమ్యకృష్ణ నటించిన విషయం తెలిసిందే. ఈ సినిమాలో నాగ చైతన్య సరసన నటించింది. ఇది ఇలా ఉంటే నాగచైతన్య, కృతిశెట్టి కలిసి నటించిన తాజా చిత్రం కస్టడీ. ఈ సినిమా మే 12 న విడుదల కానుంది. ఈ సందర్భంగా చిత్ర బృందం ప్రమోషన్స్ లో భాగంగా బిజీ బిజీగా ఉన్నారు. కాగా విడుదల తేదీ దగ్గర పడుతుండడంతో చిత్ర బృందం మోషన్స్ ని వేగవంతం చేసింది. ఈ ప్రమోషన్స్ లో భాగంగానే తాజాగా ఒక రిపోర్టర్ అడిగిన ప్రశ్నకు దిమ్మతిరిగే సమాధానం ఇచ్చింది కృతి శెట్టి.. ఈ సందర్భంగా రిపోర్టర్ ప్రశ్నిస్తూ.. ఉప్పెన తర్వాత ఉప్పెనలా అవకాశాలు వెల్లువెత్తాయి. అలాంటి విజయం మాత్రం మీకు అందలేదు.

మళ్లీ మీకు సక్సెస్ ఇచ్చింది చైతన్య సినిమానే. ఆ సెంటిమెంట్ వర్కౌట్ అయ్యి కస్టడీతో మరో సక్సెస్ వస్తుందని అనుకుంటున్నారా అని ప్రశ్నించగా.. కృతి శెట్టి మాట్లాడుతూ డైరెక్ట్గా నాగచైతన్య మీరు నాకు సక్సెస్ ఇచ్చారా అని అడిగింది. దానికి చైతన్య సమాధానం ఇస్తూ..లేదు నీ హార్డ్ వర్క్ నీకు సక్సెస్ ను ఇచ్చింది అని తెలిపాడు. ఆ తర్వాత కృతి శెట్టి మాట్లాడుతూ సక్సెస్ అనేది ఆ వ్యక్తి మీదే ఆధారపడి ఉండదు. నిజమే నాగార్జున గారు చైతన్య గారు ఉండడం వల్ల ఆ సినిమా సక్సెస్ అయ్యింది కానీ అదే సమయంలో ఆ కథ కూడా అంతే ముఖ్యం. ఎంటర్టైన్ గా ఉంటుంది. సంక్రాంతికి రిలీజ్ అయింది కాబట్టి ఆ సినిమా ఇంకా హిట్ అయింది అని చెప్పుకొచ్చింది.