Kiara Advani weds Sidharth Malhotra: ఒక్కటైన బాలీవుడ్ ప్రేమ జంట.. పిక్స్ వైరల్!

 Kiara Advani weds Sidharth Malhotra: బాలీవుడ్ లవ్ కపూల్ సిద్ధార్థ్ మల్హోత్రా, కియారా అద్వానీ వివాహ బంధంతో ఒక్కటయ్యారు. రాజస్థాన్‌లోని జైసల్మీర్‌లోని సూర్యఘడ్ ప్యాలెస్‌లో వీరి వివాహా వేడుక అత్యంత ఘనంగా జరిగింది. కుటుంబ సభ్యులు, అత్యంత సన్నిహితుల మధ్య జరిగిన ఈ వేడుకకు బాలీవుడ్ నుంచి కరణ్ జోహార్, మనీష్ మల్హోత్రా, షాహిద్ కపూర్, జుహీ చావ్లా, మీరా రాజ్‌పుత్ కపూర్ తదితరులు హాజరయ్యారు. కొన్నేళ్లుగా ప్రేమలో ఉన్న సిద్ధార్థ్, కియారాల పెళ్లిపై ఈ మధ్య వార్తలు వచ్చినప్పటికీ ఇద్దరు కామ్ గానే ఉన్నారు. 2021లో విడుదలైన షేర్షా షూటింగ్ టైమ్ లో సిద్ధార్థ్, కియారా ప్రేమలో పడ్డారు.

ఫిబ్రవరి 4 నుంచే మొదలైన కియారా పెళ్లి వేడుకలకు ఇరు కుటుంబ సభ్యులతో పాటు ఇషా అంబానీ, కరణ్ జోహార్, షాహిద్ కపూర్, మనీష్ మల్హోత్రా పలువురు బాలీవుడ్ ప్రముఖులు హాజరయ్యారు. పెళ్ళికి సంబంధించిన ఫోటోలను, వీడియోలను ఇప్పటి వరకు రిలీజ్ చేయలేదు ఈ న్యూ కపుల్. కానీ పెళ్లి చేసుకున్న తర్వాత తమ ఫొటోలను బయటపెట్టారు. ప్రస్తుతం ఈ ఫొటోలు సోషల్ మీడియాలో వైరల్ అవుతున్నాయి.