Karishma Sharma Injured : కదులుతున్న ట్రైన్ నుండి దూకేసిన నటి కరిష్మా

ముంబైలో రైలు ప్రమాదం కారణంగా నటి కరిష్మా శర్మ (Karishma Sharma) ఆసుపత్రిలో చేరారు. ఈ విషయాన్ని ఆమె స్వయంగా తన ఇన్‌స్టాగ్రామ్ స్టోరీస్‌లో తెలియజేశారు. కదులుతున్న రైలు నుంచి దూకడం వల్ల ఈ ప్రమాదం జరిగిందని, ఈ క్రమంలో ఆమె తలకు, వీపుకు తీవ్ర గాయాలయ్యాయని పేర్కొన్నారు. ఆమె శరీరం అంతా గాయాలతో నిండిపోయిందని వివరించారు. ఈ ప్రమాదం బుధవారం నాడు జరిగిందని కరిష్మా తెలిపింది. చర్చిగేట్‌ వద్ద షూటింగ్‌కు వెళ్లేందుకు చీర కట్టుకుని రైలు ఎక్కినప్పుడు ఈ ఘటన జరిగిందని ఆమె వివరించారు. తాను రైలు ఎక్కగానే అది వేగంగా కదలడం మొదలుపెట్టిందని, తన స్నేహితులు రైలు ఎక్కలేకపోయారని పేర్కొన్నారు. భయంతో తాను రైలు నుంచి దూకేశానని, కిందపడటంతో వీపు, తలకు గాయాలయ్యాయని తెలిపారు.

Aditya 999 : దసరాకు ‘ఆదిత్య 999’ సినిమా ప్రకటన?

ఈ ప్రమాదంలో తనకు తల వాచిపోయిందని, వీపుకు, ఇతర శరీర భాగాలకు దెబ్బలు తగిలాయని కరిష్మా శర్మ తెలిపారు. వైద్యులు ఆమెకు MRI పరీక్షలు నిర్వహించారని, తలకు అయిన గాయం తీవ్రమైనది కాదని నిర్ధారించుకోవడానికి ఆమెను ఒక రోజు అబ్జర్వేషన్‌లో ఉంచారని పేర్కొన్నారు. నిన్నటి నుంచి తాను చాలా బాధలో ఉన్నానని, కానీ ధైర్యంగా ఉన్నానని ఆమె తెలిపారు. త్వరగా కోలుకోవాలని తన అభిమానులను ప్రార్థనలు చేయమని కోరారు. అలాగే, ఆమె త్వరగా కోలుకోవడానికి ఆశీస్సులు పంపాలని అభ్యర్థించారు.

ప్రస్తుతం కరిష్మా ఆసుపత్రిలో చికిత్స పొందుతున్నారు. ఆమె అభిమానులు, సన్నిహితులు ఆమె త్వరగా కోలుకోవాలని కోరుకుంటున్నారు. కరిష్మా శర్మ తన పరిస్థితి గురించి స్పష్టంగా చెప్పడం ద్వారా తన అభిమానులను ఆందోళన చెందకుండా చూసుకున్నారు. అలాగే, కదిలే రైలు నుంచి దూకడం వంటి సాహసాలు చేయవద్దని పరోక్షంగా సందేశం ఇచ్చారు. ఆమె త్వరగా కోలుకుని తిరిగి షూటింగ్‌లలో పాల్గొనాలని ఆశిద్దాం.